Spennande leiarstilling i bustad- og bygningsavdelinga!

Avdelingsdirektør

Om stillinga

Bustad- og bygningsavdelinga har ledig stilling som avdelingsdirektør i Seksjon for budsjett og styring.

Seksjonen har ansvar for arbeidet avdelinga gjer med statsbudsjettet, og for styringa av Husbanken, Direktoratet for byggkvalitet (DiBK) og Husleigetvistutvalet (HTU). I tillegg har seksjonen ansvar for økonomiske verkemiddel innanfor området til avdelinga, blant anna bustøtta og låneordningane til Husbanken. Seksjonen følgjer opp verksemdsstyringa i avdelinga og tverrgåande utviklingsprosjekt som for eksempel melding til Stortinget om bustadpolitikk. Seksjonen har utstrekt samarbeid med andre avdelingar, departement og politisk leiing, i tillegg til dei tre etatane som er underlagde avdelinga.

Som avdelingsdirektør i seksjonen sørgjer du for at seksjonen leverer viktige produkt til riktig tid og med god involvering og forankring hos dei andre seksjonane, ekspedisjonssjefen og etatane. I stillinga er det nødvendig å bruke tid på budsjett og styring og ha god innsikt i korleis prosessane er og kan brukast.

Arbeidsoppgåver

Arbeidsoppgåvene inneber å

• vidareutvikle medarbeidarane og seksjonen og sørgje for eit høgt fagleg nivå
• sikre at seksjonen og avdelinga leverer budsjettinnspel av god kvalitet og innan fristar
• leggje til rette for ein tillitsfull og relevant fag- og styringsdialog med underliggjande etatar
• ta initiativ til, organisere og følgje opp tverrgåande utviklingsprosjekt i avdelinga
• ha god oversikt og kontroll over porteføljen, både faste oppgåver og utviklingsoppgåver
• bidra inn i leiargruppa som seksjonsleiar og som ein del av avdelingsleiinga

Kvalifikasjonar

For å kvalifisere deg for stillinga må du ha:

• høgare utdanning på masternivå, gjerne innanfor samfunnsvitskaplege fag
• erfaring frå avgjerdsprosessar i departement og/eller direktorat
• gode kommunikasjonsevner, både munnleg og skriftleg
• noko leiarerfaring

Det er ønskelig at du har:

• erfaring med budsjett- og styringsprosessar frå departement
• kjennskap til bustad- og bygningssektoren

Personlege eigenskaper
Vi søkjer deg som:

• er analytisk og utviklingsorientert
• har god rolleforståing
• har gode leiareigenskapar
• samarbeider godt med andre og evnar å byggje tillit
• planlegg, er systematisk og strukturert
• handterer tidspress og har gjennomføringsevne

Vi legg stor vekt på om du er personleg eigna for stillinga.

Utdanning og erfaring må dokumenterast med CV, vitnemål og attestar.
Du må vere norsk statsborgar for å kunne bli tilsett.

Vi tilbyr

Vi ønskjer deg velkomen inn i eit arbeidsfellesskap med dyktige kollegaer som er stolte av jobben sin. Vi tilbyr

• kompetanseutvikling i eit sterkt fagmiljø
• fleksibel arbeidstid, betalt overtid og sommartid
• arbeidsplass sentralt i Oslo sentrum
• moglegheit for trening i arbeidstiden
• medlemskap i Statens pensjonskasse med gode låne- forsikrings- og pensjonsordningar
• eit aktivt sosialt miljø med mange tilbud til dei tilsette, eige bedriftsidrettslag og bedriftshelseteneste

Som ny i KDD får du heilt frå starten av oppgåver som utfordrar deg, og du får ein fadder som følgjer deg opp. Gjennom introduksjonsprogramma våre vil du bli kjend med nytilsette i andre avdelingar og departement. For tilsette under 40 år er det ei eiga foreining, Ung i KDD. Nettverket skal bidra til å skapa ein arena der unge i departementet kan møtast jamleg til faglege og sosiale samankomstar. Ønskjer du å vita meir om korleis det er å jobba hos oss, kan du lesa om kva tilsette seier om KDD her.

Løn: Stillinga er løna som stillingstittel frå kr 990 000 - 1 150 000 pr. år. Stillings- og lønsinnplassering avheng av erfaring og kvalifikasjonar. For spesielt kvalifiserte søkjarar kan høgare løn vere aktuelt. Frå løna blir det trekt 2 % innskot til Statens pensjonskasse.

Autorisasjon: Tilsette i Kommunal- og distriktsdepartementet må kunna autoriserast for tilgang til informasjon etter sikkerheitslova. Les meir om autorisasjon her (https://nettsteder.regjeringen.no/jobbikdd/rekrutteringsprosessen/).

Slik søkjer du

Send søknad elektronisk via lenkja "Søk stillinga" øvst på denne sida. Legg ved vitnemål og eventuelle attestar.

Me meiner at inkludering og mangfald er ein styrke. Me ønskjer medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Me vil leggja til rette for medarbeidarar som har behov for det. Aktuell tilrettelegging kan til dømes vera tekniske hjelpemiddel, tilpassing av møblar eller endring av rutinar, arbeidsoppgåver og arbeidstid.

Les meir om inkludering og mangfald her. (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten)

KDD samarbeider med Meditor om bakgrunnssjekk av aktuelle kandidatar. Bakgrunnssjekken blir utført etter samtykke frå deg som søkjar og inneber at vi verifiserer CV og annan søknadsdokumentasjon i samband med tilsetjinga.

I samsvar med offentleglova §25 gjer vi merksam på at opplysningar om søkjaren kan bli offentleggjorde sjølv om søkjaren har bede om å ikkje bli ført opp på søkjarlista.

Kontaktperson: For nærmare opplysningar om stillinga, kontakt Ekspedisjonssjef Benedikte Endresen på tlf. 41639959 eller e-post Benedikte.Endresen@kdd.dep.no

For spørsmål om rekrutteringsprosessen kan du kontakte rekrutteringsrådgiver i DSS, Annabel Tveit, på tlf. 979 59 303 eller på e-post annabel.tveit@dss.dep.no.