Arkivar/arkivmedarbeidar

Vi har ledig 100% stilling som arkivar/arkivmedarbeidar

Stillinga er plassert i eininga Innbyggarservice, som ligg til sektoren Samfunnsutvikling. Innbyggarservice rommar fagområda kommunetorg og sentralbord, kommunikasjon, digitalt førsteval, dokumentsenter, utvalssekretariat og gjennomføring av kommunestyre-, fylkestings- og stortingsval.

Vi søkjer deg som ønskjer å yte service til innbyggarar, tilsette og politikarar. Som medarbeidar i Innbyggarservice er du viktig for å presentere kommunen ut mot publikum. Kunnskap om, og interesse for, menneske, service og kommunen sine tenester, er derfor viktig.

Arbeidsstad
Bjørnafjorden rådhus på Osøyro og/eller Kommunetunet i Eikelandsosen

Arbeidsoppgåver
Arkivar/arkivmedarbeidar i Bjørnafjorden er tilsett ved arkivtenesta og sentralt postmottak i kommunen.

• Innsynsførespurnader
• Utvikling og ajourhald av skrivereglar i sak/arkivsystemet.
• Arkivfaglege publiseringar på Innsio
• Delta i dagleg drift
• Sørge for å gje tenester som er fagleg og etisk forsvarlege og leverer nødvendig informasjon til fagleiar.
• Utarbeide og implementere gode faglege rutinar og retningslinjer for arbeidet.
• Gje fagleg bistand i komplekse saker.
• Drive fagleg rettleiing av tilsette og gje bistand i komplekse saker
• Halde fagleiar orientert om framdrift, avvik og aktivitet
• Vedlikehald av bevarings- og kassasjonsplan samt arkivplan
• Følgje opp oppgåver i Altinn, Svar Inn, e-post osv.
• Følgje opp arkivering i fagsystem:
  • Familia, Visma PPT, Profil, VO, flyktning, helsestasjon

Kvalifikasjonar

• Høgare utdanning innanfor dokumentasjonsforvaltning/arkiv. Relevant erfaring kan kompensera for manglande utdanning.
• God kunnskap til lovverket innanfor offentleg forvaltning.
• Erfaring frå fullelektronisk arkiv og digital saksbehandling er ein fordel,
• God kjennskap til personvern og personvernsutfordringar i arkiv og systemdrift.
• God IKT-kunnskap og systemforståing.
• Førarkort klasse B

Utanlandsk utdanning må vere NOKUT-godkjend

Eigenskapar

• Har evne til samarbeid og skape gode relasjonar internt og eksternt
• Er nytenkjande og engasjert
• Likar utfordringar og tar initiativ til å jobbe fram forbetringar og gode løysingar
• Er brukar- og serviceorientert med ein konstruktiv kommunikasjonsform.
• Bidragsytar til fagleg utvikling og eit godt arbeidsmiljø,

Vi tilbyr

• Faglege og personlege utfordringar i eit godt og inspirerande arbeidsmiljø
• God pensjonsordning, yrkesskade- og gruppelivsforsikring
• Løn etter gjeldande avtalar
• Vi arbeidar for å få etablert heiltidskultur i kommunen

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert tatt til følgje vil søkjaren bli varsla om det.

Vi vil aldri be søkjar om å oppgi BANK-ID informasjon i søknadsprosessen.