Er du ein leiar som jobbar tillitsbasert og blir motivert av NAV sitt samfunnsoppdrag?

Arbeidsgiver: NAV
Stillingstittel: Avdelingsdirektør tenesteutvikling
Frist: 09.05.2024
Ansettelsesform: Fast

NAV fylkeskontor Vestland har det overordna ansvaret for gjennomføringa av arbeids- og velferdspolitikken i Vestland med styringsansvar for ni regionarog ei spesialeining. Fylkeskontoret er lokalisert i Bergen med 45 tilsette fordelt på tre avdelingar; tenesteutvikling, samfunn og strategi og organisasjonsutvikling. No ser vi etter ein dyktig og motivert avdelingsdirektør til avdeling for tenesteutvikling.

Avdeling for tenesteutvikling spelar ei sentral rolle i utvikling av velferdstenestene i Vestland. Vi har eit overordna ansvar for fagleg støtte til NAV-kontora gjennom kompetanse- og utviklingstiltak. For å sikre kvalitet og utvikling av tenestene er drift av fagnettverk ei viktig oppgåve for avdelinga. Du vil bli leiar for høgt kvalifiserte medarbeidarar som utgjer bindeleddet mellom arbeids- og velferdsdirektoratet og NAV-kontora på sine ulike fagområde. I tillegg til tett samarbeid internt i NAV, har avdeling for tenesteutvikling ansvaret for å ivareta og utvikle samarbeid med andre sentrale samfunnsaktørar. Vi samarbeider mellom anna med helsesektoren for å utvikle samordna tilbod til brukarar, og med universitet, høgskule og fylkeskommune for å utvikle ny kunnskap og etablere tilpassa opplæringsløp.

Hos oss får du utfordrande arbeidsoppgåver i eit høgt tempo, og eit fagleg sterkt arbeidsmiljø. Vi kan love innhaldsrike og utviklande arbeidsdagar i ein organisasjon som aldri står stille. Det er viktig at du motiverast av samfunnsoppdraget vårt og kjenner deg att i verdiane våre; tydeleg, til stades og løysingsdyktig.

Stillinga rapporterer til fylkesdirektør og blir ein del av ei dyktig og engasjert leiargruppe i NAV Vestland.

Sentrale ansvars- og arbeidsoppgåver

Skape og utvikle gode resultat på oppdraget
Personal- og budsjettansvar for avdelinga
Medverke til at NAV Vestland er framtidsretta, utviklingsorientert og kan levere tenester av høg kvalitet
Bruke kompetansen din inn i leiargruppa, og bidra til å utvikle samarbeidet mellom avdelingane på fylkeskontoret
Legge til rette for kompetanseutvikling, organisatorisk læring, innovasjon og kunnskapsbasert praksis
Utvikle tiltak og tenester i tett samhandling med leiarar og medarbeidarar i dei ni regionane i NAV Vestland
Ivareta og utvikle samarbeid både med interne og eksterne aktørar

Vi jobbar for tida med ei ny organisering, så oppgåvene vil kunne endre seg noko i takt med behov.

Kvalifikasjonar

Du må ha:

Fullført utdanning på minimum bachelornivå. Relevant utdanning og/eller leiarerfaring kan kompensere for utdanningskravet.
Erfaring som leiar med personal- og budsjettansvar
Erfaring frå omstillings- og utviklingsprosessar
God kjennskap til offentleg forvaltning og velferdstenestene
Forståing av leiing i staten og samfunnsoppdraget
God framstillingsevne, både skriftleg og munnleg

Det er ønskeleg at du har:

Tilleggsutdanning innan leiing
Forståing for digitalisering og utvikling av framtidsretta tenester
Kjennskap til LEAN som arbeidsmetodikk

Kva vi ser etter hos deg

I tråd med NAV sine verdiar er du "tydeleg, til stades og løysingsdyktig". Som leiar i NAV jobbar du tillitsbasert, er tydeleg og open med ein motiverande og inkluderande leiarstil. Under utøving av tillitsbasert leiing er det viktig å bygge tillit og ha evne til å sjå potensialet i dei tilsette og samarbeidspartnarar. Gode samarbeidsevner, tydeleg kommunikasjon og evne til å bygge gode relasjonar er sentrale eigenskapar i denne rolla.

Som person har du handlekraft, er sterk på gjennomføring og er resultatorientert med evne til å sjå operative og praktiske konsekvensar. Du tenker strategisk og heilskapleg, klarer å drive endrings- og forbetringsarbeid og samhandlar godt på tvers i ein stor og kompleks organisasjon. Du har også stor arbeidskapasitet.

Kvifor velje oss?

Hos oss får du jobbe med meiningsfylte og utfordrande arbeidsoppgåver innan eit høgt prioritert samfunnsområde
Du får eit godt arbeidsmiljø med aktive og engasjerte medarbeidarar som brenn for samfunnsoppdraget
Vi har trivelege og sentralt plasserte kontorlokale i Bergen sentrum
Vi tilbyr tilsetting i stillingskode 1060 avdelingsdirektør med lønsspenn frå kr. 895 500 til kr. 1055 200 per år (tilsvarande ltr. 81 - 87). For særleg kvalifiserte søkarar kan noko høgare løn vurderast.
Vi har god pensjonsordning gjennom Statens pensjonskasse

Om arbeidsgiveren

NAV søkjer tilsette med hjarte for menneske og fagområda våre. Visjonen vår er å gje menneske moglegheiter, og dette gjer vi ved å utvikle Noregs beste arbeids- og velferdstenester.

NAV består av 22 000 kompetente og engasjerte medarbeidarar. Vi jobbar tverrfagleg i sterke fagmiljø. Hos oss skal arbeidsmiljøet pregast av involvering, openheit og tillit.

Mangfald er viktig i NAV. Mangfald bidreg til betre problemløysing, auka kreativitet, større fleksibilitet og styrker kulturen og arbeidsmiljøet på arbeidsplassen. Vi oppmodar difor kandidatar med ulik bakgrunn til å søke på stillingar hjå oss, særleg om du har hol i CV-en, innvandrarbakgrunn eller nedsett funksjonsevne.
Ønskjer du å bli unntatt frå offentleg søkjarliste, må du grunngje dette. Del gjerne vitnemålet ditt eller karakterutskriftene dine på vitnemålsportalen.no.
NAVstilling

Sektor: Offentlig
Sted: C. Sundts gate 29, 5004 Bergen
Bransje: Offentlig administrasjon
Stillingsfunksjon: Ledelse,; Økonomi og regnskap / Økonomistyring og budsjettering,; HR, personal og rekruttering
Arbeidsspråk: Norsk