Jobb med energispørsmål - førstekonsulent/rådgivar

Er du økonom og vil jobbe med utforming av rammene for Noregs største næring?

Ansvarsområde og arbeidsoppgåver

I Leiteseksjonen i Olje- og gassavdelinga er det ledig fast stilling. Leiteseksjonen arbeider med å utforme leite- og konsesjonspolitikk for petroleum, tildele utvinningsløyve, følge opp leiteverksemda på norsk kontinentalsokkel og bidreg i arbeidet med forvaltningsplanane for norske havområde. Leiteseksjonen følger også opp CO2-transport og lagring på norsk sokkel og tildeler leiteløyve for CO2-lagring.

Kvalifikasjonar

Nødvendige kvalifikasjonar

• Stillinga krev økonomisk utdanning på masternivå
• God skriftleg og munnleg framstillingsevne, både på norsk og engelsk
• Gode analytiske evner

Relevant erfaring er ein fordel og vil kunne vektleggjast. Vi utfører bakgrunnssjekk på kandidaten som skal tilsetjast. Tilsetjing føreset at denne blir godkjend.

Personlege eigenskapar

Vi søker deg som har evne til å ta initiativ og er god på framdrift og gjennomføring. Du er strukturert, sjølvstendig og har gode evner til samarbeid. Vidare har du evne til å sjå heilskap og samanhengar, men samtidig opptatt av nøyaktigheit og dei viktige detaljane.

Nyutdanna kan søke.

Vi tilbyr

• Eit sterkt fagmiljø med engasjerte og hyggelege kollegaer
• Interessante og utfordrande arbeidsoppgåver i eit tverrfagleg og positivt arbeidsmiljø
• Løn som førstekonsulent/rådgivar i lønnsspennet kr. 540 500-650 000, avhengig av relevant erfaring og kvalifikasjonar.
• Fleksibel arbeidstid, sommartid, betalt overtid og høve til å trene i arbeidstida
• Ordning for lån til bustad og forsikrings- og pensjonsordning gjennom Statens pensjonskasse

Generell informasjon

Inkluderande arbeidsliv og mangfald

Energidepartementet meiner inkludering og mangfald er ein styrke, og ønskjer medarbeidarar med ulike kompetansar, fagkombinasjonar, livserfaring og perspektiv for å bidra til å løyse oppgåvene våre endå betre. Vi vil leggje til rette for medarbeidarar som har behov for det. Dersom det er kvalifiserte søkjarar med funksjonsnedsetjing, hol i CV-en eller innvandrar bakgrunn, skal vi kalle inn minst éin søkjar i kvar av desse gruppene til intervju. For å bli vurdert som søkjar i desse gruppene må du oppfylle visse krav og krysse av for det i jobbsøkjarportalen. Les meir om krava på Arbeidsgivarportalen.

Bakgrunnssjekk

Energidepartementet samarbeider med Semac om bakgrunnssjekk av aktuelle kandidatar i utvalde stillingar. Bakgrunnssjekken blir utført etter samtykke frå deg og inneber at vi verifiserer CV og annan søknadsdokumentasjon i samband med tilsetjinga.

Offentleg søkjarliste

Opplysningar om søkjarane kan offentleggjerast sjølv om du har bede om å bli unntatt frå søkjarlista, i samsvar med offentleglova § 2