Vernepleiar, sykepleiar, miljøterapeut, helsefagarbeidar

Er du på jakt etter ein jobb der du kan kombinera det å spreia humor, galskap og glede med utdanninga di innan helse og omsorg? Kom og jobb med oss, då vel!

I miljøtenesta i Time kommune arbeidar me aktivt for å gje brukarane best mogleg livskvalitet og ein tilrettelagt kvardag for den enkelte. Me har fokus på sjølvbestemming og sosialt fellesskap i samarbeid med pårørande, og kjenner stolthet ved å gje gode tenester og bidra til trivsel på jobb. Å gjera kvarandre gode er leveregelen for oss.

Er du ein fagperson med erfaring frå og interesse for å arbeida med personar som har samansette funksjonsnedsettingar, utfordrande atferd og somatiske sjukdommar og barn og unge med behov for avlastning, treng me kompetansen din! Det vil verta lagt vekt på at du er eigna for stillingane.

Miljøtenesta består av 6 avdelingar, 3 avdelingar ligg på Kverneland og 3 på Bryne. I tillegg leverer me tenester til BPA og ambulerande brukarar. Me veks stadig, og har derfor behov for fleire dyktige folk med på laget.

Positiv atferdsstøtte (PAS) er verdi- og rammeverk for tenesteytinga. Er du ikkje kjent med kva PAS inneber? Fortvil ikkje! Me har gode kurshaldarar internt i miljøtenesta.

Me har ledig fleire stillingar i dei ulike avdelingane. Alle stillingane er i turnus med langvakter kvar 4.helg.

Ta ein kikk på videoen og sjå om ikkje dette kan vera midt i blinken! https://youtu.be/BMf3to1nFWQ

Arbeidsoppgåver

• Målretta miljøarbeid i møte med den enkelte bebuar
• Bidra til å sikra forsvarlege pleie- og omsorgstenester, og at oppgåver vert utførte i tråd med kvalitetskrav og lovverk
  
• Ansvarsvakt
• Primær/sekundæransvar
• Sikre eit godt samarbeid med fastlegar, spesialisthelsetenesta og andre samarbeidsparter
• Ansvar for legemiddelhandtering
• Oppfølging av HOTL. kapittel 9 vedtak
• Rettleiing av kollegaer og studentar
• Fagleg kompetanseheving og utvikling
• Praktiske gjeremål og andre delegerte oppgåver frå leiar
• Følge bebuar på faste aktivitetar, som eksempel bading
  
  

Kvalifikasjonar

• Norsk autorisasjon som vernepleiar/sjukepleiar/helsefagarbeidar/ anna høgskuleutdanning innan helse- og sosialfag
• Erfaring frå miljøarbeid og utfordrande adferd, oppfølging av somatiske sjukdommar, barneavlastning
• Dersom du har eit anna morsmål enn norsk må du dokumentere at du har språknivå tilsvarande B2
• Gyldig politiattest
• Førarkort klasse B, manuell gir
  
• Det vert lagt stor vekt på at du er eigna for stillinga

Personlege eigenskapar

• Gode samarbeidsevner, både internt og eksternt, og kunne bidra positivt i jobbfellesskapet
  
• Evne til å kunne arbeide sjølvstendig og ta initiativ til oppgåver som må gjennomførast
  
• Villig til å ta fatt på nye arbeidsoppgåver etter kvart som organisasjonen endrar seg
  
• Du må like utfordringar, vere engasjert, løysingsorientert og kunne trekke slutningar
  
• Evne til å ta ansvar for eigen utvikling og ta til deg ny kunnskap
  
• Du må ha gode kommunikasjonsevner og framstå klar og tydeleg
  
• Det krevst gode norskkunnskapar, og både skriftleg og munnleg framstillingsevne vil bli vektlagt i tilsetjingsprosessen

Vi tilbyr

• Ein av dei beste pensjonsordningar i landet!
• Lønn etter tariff/avtale
• Ein spennande, variert og fagleg utfordrande arbeidsplass i eit godt arbeidsmiljø
  
• Nært samarbeid med eit breitt fagmiljø i ein organisasjon i utvikling