Vil du være med å forme høgare utdanning for framtida?

Vil du vere med å forme høgare utdanning for framtida?

Om stillinga

Vi har fått nye oppgåver og søkjer etter medarbeidar i 100 % stilling som ønsker å jobbe med kvalitetsutvikling og forvalting av forskrifter og regelverk i høgare utdanning. Vi ser etter deg som vil bidra i arbeidet med å styrke dette fagfeltet i direktoratet. Stillinga vil ha kontorstad Tromsø, med oppstart 1. august eller etter nærmare avtale.

Avdeling for innovasjon i utdanning er ein del av Divisjonen høgare utdanning og forsking, og jobbar med å fremje livslang læring og fleksibel utdanning som bidrar til å gi lærande kompetanseheving uavhengig av bustad og livssituasjon. Profesjonsutdanningane bidreg i særleg grad til å dekke samfunnet sitt kompetansebehov. Vi ser etter deg som har gode analytiske evner og som har kunnskap om profesjonsutdanningar og kvalitetsarbeid i høgare utdanning.

Vi samarbeider med universitets- og høgskolesektoren (UH-sektoren) gjennom ulike fora, og det er derfor viktig med gode samarbeidsevner og god kjennskap til UH-sektoren. Vi jobbar i team, og på tvers av avdelingar og lokasjonar. Samtidig må du evne å arbeide sjølvstendig og ha gode digitale ferdigheiter.

Avdelinga består i dag av 13 medarbeidarar fordelt på kontorene i Tromsø og Oslo. Den utlyste stillinga vil ha kontorstad Tromsø, med oppstart 1. august eller etter avtale.

Noko reising må påreknast.

Dine arbeidsoppgåver vil mellom anna vere

• Forvalting av forskrifter og regelverk
• Sakshandsaming, mellom anna forvalting og oppfølgjing av tilskuddsordningar
• Rådgiving, rettleiing og innspel til nasjonale meldingar og strategiar
• Arrangere nasjonale møteplassar, som nettseminar og konferansar
• Deltaking i nasjonale nettverk
• Bidra til utvikling av kunnskapsgrunnlag

Kva kompetanse treng vi

Du må ha:

• høgare utdanning på masternivå, realkompetanse som er relevant kan kompensere for manglande utdanning
• relevant arbeidserfaring
• kjennskap til profesjonsutdanningar, særleg helse- og sosialfagutdanningar
• kunnskap om kvalitetsarbeid i universitets- og høgskole-sektoren
• erfaring frå offentleg forvalting/regelverksforvalting
• gode norsk- og engelskkunnskaper, munnleg og skriftleg
  

Det er i tillegg ein fordel om du har:

• kjennskap til fagfeltet livslang læring
• kjennskap til desentralisert og fleksibel utdanning
• kunnskap om digitalisering for læring, undervisning og vurdering
• erfaring med å utarbeide rapportar og analysar

Personlege eigenskapar

• Evner å arbeide sjølvstendig og systematisk
• Tenkjer analytisk
• Har gode evner til samarbeid og relasjonsbygging

Vi vektlegg at du er personleg eigna for stillinga.

Hos oss får du:

• spanande og utfordrande arbeidsoppgåver
• jobb i eit moderne kontorfellesskap med fagleg dyktige kollega
• eit sosialt og godt arbeidsmiljø
• høve til å jobbe heimanfrå delar av arbeidstida
• gode moglegheiter for fagleg utvikling, både i form av samarbeid på tvers i direktoratet og deltaking på konferansar og andre samarbeidsfora
• fleksibel arbeidstidsordning
• trening i arbeidstida
• medlemskap i Statens pensjonskasse, som gir mange goder i tillegg til livsvarig alderspensjon og AFP: Du kan ha rett til økonomisk støtte viss du blir sjuk eller ufør, du blir forsikra mot yrkesskade eller yrkessjukdom, og får også gode vilkår på lån til bustad. Les meir om tilsettegodene på https://www.spk.no/Medlemskap-i-SPK/ (https://www.spk.no/Medlemskap-i-SPK/)

Lønsvilkår

Lønsplassering etter kompetanse

• Stillinga vert løna som rådgivar/seniorrådgivar (kode 1434/1364) i lønsspenn kr 615 700 til kr 745 000
• For særs godt kvalifiserte søkjarar kan høgare løn vurderast
• Medlemskap i Statens pensjonskasse med trekk på to prosent av lønna til lovfesta innskot

Inkluderande arbeidsliv og mangfald

I HK-dir trur vi at mangfald gjer oss breiare perspektiv, og at medarbeidarar med ulik livserfaring og fagkombinasjonar vil gjere oss i stand til å finne endå fleire gode løysingar på oppdraga våre. Vi oppmodar derfor alle til å søka jobb utan omsyn til alder, kjønn, funksjonsevne eller etnisk bakgrunn. Du er òg velkommen til å søke sjølv om du ikkje kan vise til ein samanhengande yrkeskarriere.

Vi legg forholda til rette for personar med nedsett funksjonsevne. Om du har ei funksjonsnedsetting, hol i CV-en eller innvandrarbakgrunn kan du bli positivt særbehandla om du kryssar av for dette når du søker stillinga. Vi inviterer minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten). Avkryssingane i Jobbnorge dannar grunnlag for anonymisert statistikk som alle statlege verksemder rapporterer på i sine årsrapportar.

Generell informasjon

Den som blir tilsett må rette seg etter dei retningslinjene som til ei kvar tid gjeld for stillinga. Innhaldet i stillinga kan bli endra som følge av omstillingar i HK-dir.

Vi gjer merksam på at opplysningar om søkaren kan bli gjort offentleg sjølv om søkaren ber om ikkje bli ført opp på søkarliste, jf. Offentliglova § 25. Søkarar vil i så tilfelle bli informert om dette på førehand.

For å ha eit godt vurderingsgrunnlag ber vi deg om å registrere søknad og utfyllande CV i vår rekrutteringsportal (Jobbnorge) og laste opp relevante attester og vitnemål. Vi oppmoder om å gje tilgang til vitnemålsportalen.

Kontaktperson

Namn: Ann-Tove Eriksen

e-post: ann-tove.eriksen@hkdir.no

telefon: 99 64 45 14