Bli lærling i Bøkkerfaget (Tønnemaker) På Tønnegarden i Bjørnafjorden kommune

Arbeidsgiver: Tønnegarden, eit visningssenter og verkstad for produksjon av tretønner
Stillingstittel: Lærling i bøkkerfaget
Frist: 31.05.2024
Ansettelsesform: Lærling

Tønnegarden i Bjørnafjorden kommune er ei lita familiebedrift med fokus på tretønneproduksjon til ulike føremål. Bøkkarfaget ligg under Handverksregisteret sine små og verneverdige fag, og rekruttering til faget er svært viktig. Hos oss vil du få ei grundig opplæring over 2 år med løn. Hugs å leggje ved kompetansebevis/vitnemål og attestar med søknaden. Unntak frå kvalifikasjonskrav kan gjerast individuelt for lærekandidatar og søkjarar til FOB (full opplæring i bedrift)

Arbeidsoppgåver:

- Konstruere, tilpasse og forme ulike tremateriale til produksjonen

- Vurdere eigenskapar og kvalitet på materiale

- Klargjere verktøy og maskiner

- Klippe, stanse, valse og klinke metallband tilpassa ulike tønner

- Produsere tretønner i ulike storleikar

- Ta del i omvising i vårt Économusée®, (Handlaga-nettverket) historieformidling og

marknadsføring

Kvalifikasjonar:

- Gjennomført Vg1 innan: Handverk design og produktutvikling, Teknologi og

industrifag, eller Bygg og anleggsteknikk.

- Gjennomført Vg2 innan: Trearbeid

- Bestått i alle fag

- Gyldig arbeids og opphaldsløyve

- Søkjarar med ungdomsrett under 24 år vert prioritert

Søkjarar utan relevant utdanning kan også søkje, opplæring vil då bli gitt etter kvalifikasjonar og gjeldande reglar

Personlege eigenskapar:

- Interesse for å ta vare på faget

- Du er nysgjerrig og ønsker å læra noko nytt

- Du tek ansvar for eiga læring og er open for rettleiing

- Du er nøyaktig og tolmodig

- Du likar fysisk arbeid og er effektiv

- Du er positiv og likar å samarbeide med andre

Me kan tilby:

- Løn under utdanninga

- Ein spanande og variert kvardag

- Opplæring og oppfølging

- Eit fag svært få har kunnskapar om

Om arbeidsgiveren

Tre og Tønner DA er etablert på Tønnegarden på Samnøy i Bjørnafjorden kommune. Tønner har vore produsert i generasjonar, og i dag er det 4. og 5. generasjon som står for produksjonen. Samt ein fast tilsett som har teke læretida si hjå oss. Årleg vert det produsert 4-5000 tønner i lokala våre og etterspurnaden har auka siste åra. Me tenker utvikling samstundes som me ser det som svært viktig å bevara kunnskapen om handverket slik det vart gjort av våre forfedre. Me tenkjer høg kvalitet på produkta me leverer. Bedrifta held til i relativt nye lokale (2012) og har i tillegg til produksjonsverkstad, eit Économusée® visningssenter (Handlaga) med serveringslokale, møterom og storkjøkendrift.

Sektor: Privat
Sted: Samnøyvegen 60, 5642 Holmefjord
Bransje: Håndverkstjenester,; Museer, gallerier og kulturminne,; Trevareindustri
Stillingsfunksjon: Håndverker,; Håndverker / Andre montører,; Utøvende kunst
Arbeidsspråk: Norsk