Er du vår nye studieleder?

Studieleiar

Om stillinga

Ei fast stilling som studieleiar (avdelingsleiar SKO 1407) er ledig ved Institutt for medium og kommunikasjon (https://www.hf.uio.no/imk/).

Studieleiar er ansvarleg for drift, utvikling og organisering av studietilbodet til instituttet, i tett samarbeid med undervisningsleiar og administrativ leiar. I stillinga vil du få ansvar for å koordinera og utvikla det studieadministrative teamet, som samarbeider tett med fagmiljøet på instituttet.

Studieadministrasjonen består av to studiekonsulentar som stillinga har ansvar for å følgja opp, men dette inneber ikkje personalansvar. Stillinga vil inngå i eit arbeidsmiljø som blir kjenneteikna av brei kontaktflate med undervisarar, studentar og administrasjon lokalt og på fakultetsnivå.

Arbeidsoppgåver

Arbeidsoppgåvene vil følgja årshjul med varierande aktivitetar og intensitet, og stillinga vil ha overordna ansvar for studierelatert drift. Studieleiar er forventa å delta i førebuing og gjennomføring av alle typar studieadministrative oppgåver, men har spesielt ansvar for

• leiing og koordinering av det studieadministrative arbeidet til instituttet
• sikring av studiekvalitet og gjennomføring på studieprogramma
• saksbehandling, rådgiving og rapportering i studiesaker
• vera bindeledd mellom fakultetet og instituttet på det studieadministrative feltet
• utvikling og vedlikehald av gode studieadministrative rutinar

Det kan bli lagt også andre oppgåver til stillinga

Kvalifikasjonskrav

• utdanning minimum tilsvarande bachelornivå. Det er ønskjeleg med utdanning på masternivå. Relevant realkompetanse kan kompensera for utdanningskravet.
• brei erfaring frå studieadministrativt arbeid. Leiarerfaring vil vera ein fordel, men er ikkje eit krav.
• inngåande kjennskap til studieadministrative retningslinjer, rutinar, system og verktøy
• god munnleg og skriftleg framstillingsevne på norsk og engelsk
• gode IT-kunnskapar

Personlege eigenskapar

Vi ser etter søkjarar som er løysingsorienterte, sjølvstendige og initiativrike sidan stillinga har ansvar for å koordinera arbeidet til studieadministrasjonen på instituttet. Du må vidare vera interessert i å arbeida med høgare utdanning og studiekvalitet. Den som vert tilsett må ha evne til å jobba målretta og strukturert, og samstundes vera serviceinnstilt og like å jobba med menneske. Vi treng ein person som trivst med høgt tempo og varierte arbeidsoppgåver, og samstundes kan motivera andre, bidra til godt teamarbeid og jobba som lagspelar i ein kunnskapsorganisasjon med mange interessentar og kontaktar.

Vi tilbyr

• lønn frå kr 624 500 til kr 708 000 per år, avhengig av kompetanse
• eit hyggeleg og stimulerande arbeidsmiljø
• god pensjonsordning i Statens pensjonskasse (https://www.spk.no/)
• stilling i ei IA-verksemd, gode velferdsordningar (https://www.uio.no/for-ansatte/ansettelsesforhold/ansattgoder/) og høve til trening i arbeidstida

Søknaden skal innehalde

• søknadsbrev
• CV
• Minimum 2 referansar (namn, tilknyting til søkar, e-postadresse og telefonnummer)

Søknad med vedlegg må sendast inn via vårt elektroniske rekrutteringssystem, klikk “Søk stillinga". Når du søker på stillinga, ber vi deg henta utdanningsresultata dine frå Vitnemålsportalen.no (https://www.vitnemalsportalen.no/). Om utdanningsresultata dine ikkje er tilgjengeleg via Vitnemålsportalen, ber vi deg lasta opp kopiar av vitnemåla eller karakterutskrifta dine.

Andre opplysningar

Aktuelle søkarar vil bli kalla inn til intervju.

Etter offentleglova § 25 andre ledd kan opplysningar om søkaren bli offentleggjort sjølv om søkaren har bedt om ikkje å bli ført opp på søkarlista.

Vi viser òg til regelverk for teknisk-administrativt tilsette (https://www.uio.no/om/regelverk/personal/teknisk-administrativt/).

UiO har ein overtakingsavtale (https://www.uio.no/for-ansatte/ansettelsesforhold/arbeidsresultater/) for alle tilsette med formål å sikre rettane til forskingsresultat m.m.

Inkludering og mangfald er ein styrke. UiO har eit personalpolitisk mål om å oppnå ei balansert kjønnssamansetting. Vidare ønskjer vi medarbeidarar med ulike kompetansar, fagkombinasjonar, livserfaring og perspektiv. Vi vil leggje til rette for medarbeidarar som har behov for det.

Om det er kvalifiserte søkarar med funksjonsnedsetting, hòl i CV-en eller innvandrarbakgrunn, skal vi kalle inn minst éin søkar i kvar av desse gruppene til intervju.

Kontaktinformasjon

Administrativ leiar Stine Bjørløw Dalsøren (https://www.hf.uio.no/imk/personer/adm/stinedal/index.html)

HR-rådgivar Karoline Farbrot (https://www.hf.uio.no/personer/adm/fak/personal/karolfa/index.html)