Vi søkjer deg som ønskjer å ta del i utviklinga av eit sterkt lokalt kulturliv

Om stillinga

Me har ledig ei fast stilling som kulturrådgjevar, særleg retta mot musikk, kunst, scene og arrangement. I stillinga vil du ha kontakt kontakt med mange aktørar og jobbe breidt.

Me ser etter deg som brenn for kultur, trivst med å gjennomføre, strukturere og utvikle og som er ein tydeleg fagperson. Er du i tillegg inkluderande og meistrer kunsten å formidle og er tillitsskapande er du den vi søkjer etter.

Du må rekne med noko arbeid på kveld og i helg.

Stillinga er organisert i tenesteområde kultur / kulturutvikling, idrett og frivilligheit. Du trer inn i eit kompetansesterkt og engasjert kollegium, som jobbar med mellom anna scene, musikk, idrett, friluftsliv, kulturarv, kulturhus og frivilligsentralar.

Arbeidsstad er i kommune- og regionssenteret Knarvik, men verkeområdet vil vere heile kommunen.

Arbeidsoppgåver

• Arrangementsutvikling i kommunen, mellom anna for kultursalane Meieriet Frekhaug og Manger kultursal/kino
• Utvikling og administrasjon av kulturlokale- og arenaar
• Fagleg ansvar for den kulturelle skulesekken og spaserstokken
• Utviklingsprosjekt innan scene, kunst og musikk, som oppfølging av vedtatt politikk
• Forvaltning, sakshandsaming og styring mot gjeldande lovverk
• Andre oppgåver kan leggast til stillinga ved behov

Kvalifikasjonskrav

• Relevant utdanning på masternivå innan kunst og kultur
• Relevant erfaring med gode resultat frå arbeid og prosjekt innan kunst- og kulturfeltet
• Svært gode norskkunnskapar skriftleg og munnleg, målformen er nynorsk
• Førarkort klasse B

Me vil setje krav til personleg eignetheit, erfaring og engasjement for feltet.

Vi tilbyr

• Tilsetjingsvilkår etter lov- og avtaleverk
• Løn etter avtale
• Gode pensjon- og forsikringsordningar gjennom KLP
• Varierte og utfordrande arbeidsoppgåver
• Eit tverrfagleg og godt arbeidsmiljø med høg kompetanse
• Moglegheit for heimekontor etter gjeldande retningslinjer

Om deg

Vi søkjer deg som:

• Har erfaring med å jobbe systematisk med arrangementsutvikling
• Har erfaring med marknadsføring
• Har erfaring med prosjektutvikling og -gjennomføring (inkl. prosjektøkonomi)
• Har erfaring med forvaltning og administrasjon
• Har digital kompetanse

Vi søkjer deg trivst med:

• fagfokus innan områda scenekunst/musikk/visuell kunst, og erfaring frå marknadsføring og som arrangør
• samhandling og tilrettelegging, og kombinerer eit tydeleg profesjonelt fagfokus med engasjement som arrangør for det frivillige og profesjonelle scenefeltet
• å jobbe mål- og resultatorientert og er kvalitetsbevisst
• å meistre tidvis høgt arbeidspress