Ledig stilling som lønnskonsulent i Aukra kommune

Økonomiavdelinga i Aukra kommune har ledig stilling som lønskonsulent i 100% fast stilling.

OM EININGA

Stillinga er plassert i Økonomiavdelinga som er ein del av kommunedirektørens stab. Avdelinga har fagleg ansvar for oppgåver knytt til økonomi, løn, innkjøp, finansforvaltning og eigedomsskatt. Avdelinga er ein viktig støttefunksjon ut mot kommunen sine verksemder.

Økonomiavdelinga har oppgåver knytt til verksemdstyring gjennom ansvar for prosess og utarbeiding av budsjett- og økonomiplan, årsrapport og driftsansvar for kommunens system "Framsikt"

Lønsområdet har ansvar for å utbetale rett lønn til rett tid, krevje inn refusjonar og foreta lovpålagt rapportering av arbeids og lønsdata til offentlege instansar og tredjepartar. Ein viktig del av dette er å kvalitetssikre at lov og avtaleverk vert etterlevd. Vidare støtter vi avdelinga sitt arbeid og prosess ved utarbeiding av budsjett og økonomiplan, rapportering, analyser av avvik og årsrapport.

ARBEIDSOPPGÅVER:

Vi har systemansvar for løn og personalsystemet Visma Enterprise HRM, som og er kommunen sitt masterdata-system for all tilgangsstyring.

Oppgåvene vil omfatte, men er ikkje avgrensa til:

• Sakshandsaming, støtte og opplæring til leiarar i lønsrelaterte spørsmål
• Etablere og sikre kvalitet på grunnlag for utbetaling av fast og variabel løn
• Kontroll av utlegg og reiserekningar jf momskompensasjon og reiseregulativ
• Kontroll av fråværsdata frå forsystemer
• Oppfølging av refusjonskrav for sjukepengar og maksdato mot NAV og leiarar
• Rapportere, kontrollere og avstemme mot regnskap, årsoppgjør

KRAV TIL SØKJAR

Relevant utdanning på bachelornivå innan f.eks økonomi og administrasjon eller politikk, juss og administrasjon. Lengre relevant erfaring med lønsarbeid kan kompensere for manglande utdanning på bachelornivå

Det vil bli lagt vekt på søkjaren si samla kompetanse og om søkaren er personleg eigna for stillinga.

Søkjar må ha god skriftleg og munnleg framstillingsevne, og god IT-kompetanse.

Vi ønskjer oss ein medarbeidar som;

-trivest med oppgåver knytt til løn/fråvær og systemtekniske løysingar.

-har kjennskap til KS tariffområdet og interesse for problemstillingar innan området løn og i skjæringspunkter mellom løn og arbeidsrett

-er nytenkande, nysgjerrig og set seg raskt inn i nye oppgåver

-jobbar strukturert, er nøyaktig og løysingsorientert

-har blikk for dei viktige detaljane og ser heilskap og samanheng av desse

-kan jobbe sjølvstendig og effektivt, og levere innan gitte tidsfristar

-samarbeider godt med andre, er fleksibel og jobbar godt i ein hektisk kvardag.

-deler eigen kompetanse og ser og verdsett andre si kompetanse.

-Er positiv og omgjengeleg, og ønskjer å være ein bidragsytar til det gode arbeidsmiljøet vårt

VI TILBYR:

Eit godt fag- og arbeidsmiljø

• Anledning til fagleg fordjuping og vidareutvikling av eige arbeidsfelt
• Løn etter avtale
• Fordelaktige pensjons- og forsikringsordningar
• Fleksibel arbeidstid
• Sporadisk heimekontor etter avtale