Undervisningsstillingar - matematikk og naturfag (fast og vikariat)

Bryne vidaregåande skule er ein av dei største vidaregåande skulane i landet, med om lag 2200 elevar og om lag 350 tilsette. Skulen har eit breitt tilbod, fordelt på utdanningsprogramma bygg- og anleggsteknikk, helse- og oppvekstfag, idrettsfag, påbyggsklasser, restaurant- og matfag, sal, service og reiseliv, studiespesialiserande, teknologi- og industrifag, fengselsundervisning og vaksenopplæring dag- og kveldstilbod. I tillegg har me fleire grupper med spesialundervisning. Skulen ligg sentralt i Bryne sentrum, i eit miljø prega av læring, næring og kultur. Våre satsingsområde er vurderingspraksis, relasjonar og profesjonsutvikling, med bakgrunn i fagfornyinga, djupnelæring og satsingsområda i ny overordna del. Elevane som samfunnsressurs er viktige for skulen.

Meir informasjon om skulen på www.bryne.vgs.no.

Det er ledig 100% fast stilling og ca. 200% vikariatstillingar i matematikk og naturfag. Stillingane kan gjelde undervisning for elever på studieforberedande, yrkesfag, innføringsklassar og vaksenopplæring.Det er ønskeleg at søkjaren har undervisningskompetanse i både matematikk og naturfag.

Oppstart frå 1. august 2024

Kvalifikasjoner

• Søkjar skalha formell undervisningskompetanse i minst eit av faga og godkjend praktisk-pedagogisk utdanning
• Godkjend politiattest
• Gode norskkunnskapar
• Me legg vekt på at du er personleg eigna for stillinga

Personlige egenskaper

• Ein tydeleg klasseleiar som trivest med ungdom/unge vaksne, og som evner å bruke varierte og tilpassa opplæringsmetodar
• Ein som legg vekt på elevaktiv læring og elevmedverknad
• Ein tilsett som er open, samarbeidsvillig, kreativ og har godt humør
• At du er fleksibel, engasjert og utviklingsorientert
• At du har gode digitale ferdigheiter
• At du tek ansvar for profesjonsutvikling, og er positiv til å reflektera over, og utvikla eigen praksis saman med elevar og kollegaer

Vi tilbyr

• Flotte undervisningsbygg og eit dynamisk kollegium
• Ein mangfaldig skule med rom for fagleg fordjuping, praktisk og kreativ tilnærming til læring
• Ein vidaregåande skule med mange moglegheiter både for lærarar og elevar
• Løn etter tariff

Vi gjør oppmerksom på at opplysninger om søkeren kan bli offentliggjort selv om søkeren har bedt om ikke å bli ført opp på søkerlisten. Dersom ønsket reservasjon ikke blir tatt hensyn til, vil søkeren bli varslet om dette før offentlig søkerliste blir laget.