Har du lyst til å jobbe med internasjonale utviklingsspørsmål?

Programrådgivar

Har du lyst til å jobbe med internasjonale utviklingsspørsmål?

Brenn du for å legge til rette og drive god saksbehandling? Då kan det hende vi har jobben for nettopp deg! Vi ser etter ein person som trivst med å rettleie, og saksbehandle Norec sine tilskot til organisasjonar innan sivilsamfunn.

Ei anna sentral arbeidsoppgåve er å følge opp prosjekta Norec gir tilskot til, blant anna gjennom prosjektbesøk i ulike delar av verda. Prosjekta som får tilskot frå Norec blir gjennomført som partnarskap mellom aktørar innan sivilsamfunn, næringsliv og offentleg sektor i utvalde samarbeidsland verda over.

Norec har også tverrfaglege arbeidsgrupper internt, der du som programrådgivar vil få ansvar og oppgåver ut frå kompetanse og faglege interesseområde. For å lykkast i jobben som programrådgivar må du vere god på samarbeid, like å jobbe i team og trivast med mangfald.

Programrådgivarane våre har kontakt med partnarskap over heile verda, og det er difor viktig at du har gode språkferdigheiter og formidlingsevner, i tillegg til god kulturforståing.

Vil du vite meir om korleis det er å jobbe i Norec?

Lurer du på korleis ein typisk arbeidsdag i Norec ser ut? Eller lurer du på korleis arbeidsmiljøet vårt er?

Ta gjerne kontakt med programrådgivar Karoline på e-post, og spør om det du vil vite meir om.

Kvalifikasjonar:

• relevant høgare utdanning, til dømes innan samfunnsvitskap
• minst to års relevant arbeidserfaring kompetanse innan forvalting, helst erfaring med tilskotsforvalting eller annan type prosjektforvalting
• gode norsk- og engelskkunnskapar, både skriftleg og munnleg. Andre språk er ein fordel
• det er ønskeleg med internasjonal arbeidserfaring, bistandskompetanse eller kunnskap om det globale sør

Norec stiller krav til personleg integritet og evne til å vise respekt for andre. Vi legg vekt på at du er personleg eigna.

Hos oss får du:

• oppgåver der du får brukt alt du kan - og litt til
• eit lærande kollegium der det er rom for å prøve og feile
• gode velferdsordningar
• fleksibel arbeidstid og høve til å jobbe frå heimekontor to dager i veka
• moglegheit for trening i arbeidstida
• høve til å søke om bustadlån i Statens pensjonskasse

Stillinga blir lønna etter avtale innanfor statens lønnsregulativ som rådgivar/kode 1434 frå kr. 540.500 - 646.000. Lønnsplassering vil avhenge av utdanning og erfaring.

Vi tilbyr gode pensjons- og forsikringsordningar i Statens pensjonskasse. Frå lønna blir det trekt 2 % til Statens pensjonskasse.

Om deg

Vi ser etter deg som liker ein variert arbeidskvardag. Du trivst med folk rundt deg, og evnar å ta ansvar og initiativ. Det er mykje sjølvstendig arbeid i stillinga, så du må kunne prioritere og ha god gjennomføringsevne. For å lykkast i jobben må du like å jobbe i team, vere samarbeidsorientert og omgjengeleg.

Norec er ein verdibasert arbeidsplass, og vi vil vektlegge personleg integritet og evne til å vise respekt for andre.

Les dette før du søker:

• Vi trur at mangfald gjer oss betre til å løyse oppgåvene våre. Difor ønsker Norec medarbeidarar med ulike kompetansar, fagkombinasjonar, livserfaringar og perspektiv.
• Vi oppmodar deg til å krysse av i jobbportalen dersom du har nedsett funksjonsevne, hol i CV-en eller innvandrarbakgrunn. Vi kallar inn minst éin kvalifisert søkar frå kvar av desse gruppene til intervju. Avkryssinga i jobbportalen blir berre brukt til anonymisert statistikk.
• Søkarlistene vert offentlege når søknadsfristen er ute. Dersom du vil bli unntatt den offentlege søkarlista, må du grunngi kvifor. Vi kontaktar deg dersom ønsket ditt ikkje vert teke til følge.