Sommarjobb i friluftsskulen
- Arbeidsgiver
- Sogndal kommune Anlegg og friluftsliv
- Stillingstittel
- Sommarjobb i friluftsskulen
- Frist
- 28.04.2024
- Ansettelsesform
- Sommer/Sesong
Vil du jobbe i friluftsskulen i sommar?
Har du lyst på ein aktiv og givande sommarjobb? I år startar Sogn friluftsråd opp Friluftsskulane i Sogn. Friluftsskulane er eit tilbod for born og unge i alderen 10 13 år. Målet med Friluftsskulen er å gi deltakarane ein lystbetont introduksjon til friluftslivet. Friluftsskulane skal vere inkluderande og open for alle.
Om friluftsskulen: Friluftsskolen - Aktiviteter for alle barn mellom 10-13 år - Friluftsskolen
Vi vil i sommar arrangere ein eller fleire friluftskular i alle dei seks medlemskommunane og Sogn friluftsråd søkjer engasjerte instruktørar til å gjennomføre friluftsskulane. Aktuelle veker er veke 26 - 33, fint om du oppgir kva veker som kan vere aktuelle for deg.
Vi vil i forkant av friluftsskulane arrangere ein opplærings- og bli-kjent dag i samarbeid med Fjordane friluftsråd. Denne dagen blir gjennomført i nærleik til Sogndal og inkluderer ei overnatting.
Kva for kompetanse ser vi etter i denne rollen?
Du har kompetanse innan friluftsliv, og gjerne erfaring/kurs frå klatring, padling, sykling, orientering eller andre utandørs aktivitetar.
Kva ser vi etter hjå deg?
Som instruktør skal du vere ein ansvarleg vaksen i møte med borna. Du er med på å legge til rette for at borna får oppleve meistring og læring. Du skal vere ein imøtekomande, engasjert og trygg vaksen. Det er viktig at du er innstilt på å skape eit godt arbeidsmiljø saman med dei andre instruktørane. Personlege eigenskapar vil bli vektlagt.
Kvalifikasjonar
Du må:
Like å arbeide med born og unge, og kunne leie friluftsaktivitetar utandørs
Ha erfaring med og positivt engasjement for natur og friluftsliv
Gyldig politiattest må leggast fram før tilsetting
Ynskja kompetanse, men ikkje krav:
Friluftsliv- eller lærarstudentar ved høgskular eller universitet
Instruktørkurs i padling og klatring
Førstehjelp -/livredningskurs
Erfaring med førstehjelp
Lokalkjennskap til ein eller fleire av medlemskommunane
Personlege eigenskapar
Ansvarsbevisst
Sjølvstendig
Tolmodig
Samarbeidsevner
Det vil vere ein fordel om du disponerer eigen bil.
Vi tilbyr
Ein svært givande sommarjobb der du får vere utandørs og drive med dine interesser saman med born og unge.
Førstehjelp- og livreddingskurs for alle instruktørar
Vi tilbyr sommarjobb i 2-5 veker.
Løn etter avtale.
Om arbeidsgjevar
Sogn friluftsråd er eit interkommunalt samarbeid mellom kommunane Vik, Sogndal,Aurland, Lærdal, Årdal og Luster. Samarbeidet er organisert som eit kommunalt oppgåvefellesskap.
Friluftsrådet skal i samarbeid med deltakarkommunane, fylkeskommune, andre offentlege myndigheiter og organisasjonar, fremje allsidig og miljøvenleg friluftsliv i indre Sogn, til det beste for befolkninga si trivsel og helse. Friluftsrådet skal i samarbeid med kommunane arbeide for meir friluftsliv for alle, heile året.
Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.
Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
Søknadar må leverast innan fristen og må sendast inn via rekrutteringssystemet vårt EasyCruit.
Om arbeidsgiveren
Velkommen til fagre Sogn! Staden der du kan kombinere ei spanande karriere med eit liv i frisk luft og fantastiske omgjevnadar. Sjekk ut sogn.no for fleire grunnar til å kome til Sogndal og Sogn. Sogndal kommune vart etablert 01.01.2020 etter kommunereforma. Det er ca. 12.000 innbyggjarar i kommunen, i tillegg er me vertskommune for over 3.000 studentar gjennom studieåret. Sogndal er regionsenteret i Sogn. Kommunen har om lag 1300 medarbeidarar. Kvar dag leverer me gode tenester i tråd med innbyggjarane og næringslivet sine behov. Me har sett oss som mål å vere ein framtidsretta og kunnskapsbasert samfunnsutviklar med fortrinn innan reiseliv, unike kompetansemiljø og innovasjon. Tilgjengelegheitserklæring: https://uustatus.no/nn/erklaringer/publisert/187f2156-519b-4500-aa98-4e70dee1f837
- Sektor
- Offentlig
- Sted
- Skrivarvegen 7, 6863 Leikanger
- Bransje
- Barn, skole og undervisning
- Stillingsfunksjon
- Undervisning og pedagogikk / Skoleassistent
Nøkkelord
sommerskole, friluftsskole, friluftsliv
Spørsmål om stillingen
- Kontaktperson
- Harald Otterstad
- Telefon
- 48 17 31 65
- Kontaktperson
- Ingrid Kyte
- Telefon
- 97 55 92 24
Skrivarvegen 7, 6863 Leikanger