Ynskjer du ei sentral rolle i utviklinga av levekåra for barn og unge på Voss?

Arbeidsgiver: Voss herad
Stillingstittel: Skulesjef
Frist: 23.05.2024
Ansettelsesform: Fast

På vegne av Voss herad søkjer me no etterSkulesjef
Me søkjer ein samlande og utviklingsorientert leiar med gjennomføringsevne for vidare styrking av skulesektoren i kommunen. Som skulesjef vil du rapportera til kommunalsjef Oppvekst og ha det øvste ansvaret for skulesektoren i kommunen, som inkluderer 11 grunnskular og vaksenopplæringa.
Skulesjefen er ein del av kommunalsjef for oppvekst si leiargruppe og har eit medansvar for utviklinga av det samla kommunalsjefområdet. Du vil saman med rådgjevarane dine vera det faglege bindeleddet mellom kommunalsjef for oppvekst og kommunen sine rektorar. Med hovudfokus på fagleiing og utvikling, ynskjer me å sjå at du evnar du å bruka ressursane rundt deg godt. Du bidreg i arbeidet med å byggja ein felles kultur i organisasjonen og tek ansvar for at kommunen sine store ambisjonar for skuleutvikling framover vert innfridd.
Som skulesjef har du ambisjonar og stort engasjement for skule og skuleutvikling. Dette omfattar både elevane si læring og skulen sine tilsette med tydelege resultatmål.

Ansvarsområde

Strategisk utvikling
Organisasjons-, fag- og kompetanseutvikling
Dagleg drift, leiing og personalansvar
Budsjett, økonomi- og verksemdstyring
Kvalitet, helse, miljø og tryggleik
Ansvar som skuleeigar etter opplæringslova og integreringslova
Samhandling med politisk leiing
Samarbeid og samordning på tvers i organisasjonen
Rekruttera og behalda tilsette på området
Partssamarbeid

Du må har relevant høgare utdanning og skulefagleg/pedagogisk kompetanse. Me ser leiarerfaring frå skulesektoren eller anna relevant område som ei stor føremon, og då gjerne erfaring frå leiing av leiarar. Stillinga krev god skriftleg og munnleg kommunikasjonsevne.
Me ser for oss at du er ein engasjert lagspelar som ser viktigheita av å byggja lag og som evnar å inspirera og motivera. Me ynskjer ein trygg og tydeleg leiar, som også er samlande. Du er initiativrik med fagleg tyngde, der du evnar å arbeida planmessig og strukturert mot å nå oppsette mål. I Voss herad praktiserer me meistringsorientert leiing i ein tillitsbasert organisasjon.
Det vil bli lagt stor vekt på at kandidaten sine personlege eigenskapar underbyggjer forventningane til stillinga.

Me tilbyr
Spanande og varierte oppgåver i eit godt, tverrfagleg og sosialt miljø. Det vil til tider vera ein hektisk arbeidskvardag i ein kommune i utvikling. Her vil du få arbeida med kommunen sine utfordringar og moglegheiter saman med dedikerte og fagleg sterke kollegaer.
Løn etter avtale og gode forsikrings- og pensjonsordningar.
Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.
Dersom dette er interessant for deg, er du velkommen til å ta kontakt med vår samarbeidspartnar for rekruttering Jefferson Wells: Torill Eidsheim eller Anette Hansen.
Registrer søknad og CV seinast 23. mai 2024.
Alle førespurnadar vert handsama konfidensielt. Me gjer merksam på at opplysningar om søknaden kan bli offentleggjort sjølv om du har bedt om unntak frå offentleg søkjarliste. Du vil i så fall bli varsla om dette i førekant.
Søkjer du arbeid hjå oss og har ein partnar som gjer det same, finn du fleire, spanande stillingar i Voss herad her: Voss herad - Våre ledige stillingar (easycruit.com)

Om arbeidsgiveren

Livet er meir enn arbeid. På Voss kan du gå på ski om vinteren eller på fjelltur om sommaren, nokon et smalahove, høyrer på jazz eller driv med ekstremsport.
Vossevangen er regionsenteret vårt. Me har eit godt utbygt næringsliv, er eit senter for utdanning i regionen og me er eit knutepunkt mellom aust og vest. Bergensbanen går gjennom Vangen, og me har godt togsamband til både Bergen og Oslo.
Voss herad har om lag 16 500 innbyggjarar og er den største arbeidsgjevaren i bygda, med om lag 1350 tilsette. Nynorsk er administrasjonsmålet i Voss herad.

Verdiane våre er profesjonell påliteleg skapande - inkluderande

https://voss.herad.no/politikk-og-administrasjon/jobb-hja-oss/kvifor-voss/

Sektor: Offentlig
Sted: Voss tinghus Uttrågata 9, 5700 Voss
Bransje: Barn, skole og undervisning,; Økonomi og regnskap,; Offentlig administrasjon
Stillingsfunksjon: Undervisning og pedagogikk,; Økonomi og regnskap / Økonomistyring og budsjettering,; Kontor og administrasjon