Spanande moglegheit for økonom i Voss herad
- Arbeidsgiver
- Voss herad
- Stillingstittel
- Rådgjevar økonomi
- Frist
- 30.04.2024
- Ansettelsesform
- Fast
Om arbeidsstaden
Voss herad søker ein engasjert og dyktig medarbeidar som er klar for varierte og spennande oppgåver innan rekneskap. Som ein del av Økonomiavdelinga, vil du spele ei nøkkelrolle i eit team på 6 dedikerte medarbeidarar. Me jobbar for å gjera andre gode, gje god service, og legg til rette for høgast mogleg verdiskaping gjennom tett samarbeid med andre driftseiningar. Avdelinga sikrar nøyaktig og relevant økonomisk styringsinformasjon som er ein premiss for gode avgjersler på alle nivå i heradet. Voss herad er i ein spanande prosess med anskaffing av eit nytt ERP-system, som vil forbetre og effektivisere økonomifunksjonen ytterlegare.
Tidsrom:
- Oppstart så snart som råd
Arbeidsoppgåver:
- Ansvar for arbeidsprosessar innan økonomiområdet, som omfattar bl.a. ansvar for eigne leveransar, opplæring, systemansvar og prosessforbetring
- Bokføring, avstemming, dokumentasjon og kvalitetssikring av rekneskap
- Aktiv deltaking i årsoppgjersprosessen
- Bidra til implementering og optimalisering av det nye ERP-systemet
- Vidareutvikling og effektivisering av arbeidsprosessane
- Andre oppgåver etter behov
Kvalifikasjonar:
- Relevant økonomisk utdanning på masternivå
- Erfaring frå rekneskapsarbeid i privat og/eller offentleg sektor er ynskjeleg
- Erfaring med MVA- og årsoppgjer er ein fordel
Personlege eigenskapar:
- Kvalitetsmedviten og nøyaktig.
- Strukturert og engasjert med initiativ og ansvarsevne
- Evne til sjølvstendig arbeid og samstundes å vere ein god lagspelar
- Høg arbeidskapasitet og evne til å levera innan fristar
- Høg digital kompetanse og etisk standard
Me tilbyr:
- Ein trygg og god arbeidsplass med spanande utfordringar.
- Fleksitid og moglegheit for å påverka eigen arbeidskvardag.
- Eit inkluderande arbeidsmiljø med fokus på fagleg og personleg utvikling.
- Gode vilkår for fagleg utvikling
- Yrkesskade- og gruppelivsforsikring
- Gode pensjonsordningar
- Løn etter kommunalt avtaleverk og elles tilsetjing på vanlege kommunale vilkår
Godkjent politiattest må leggjast fram før tiltreding i stillinga
Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. Personlege eigensakpar vil bli vektlagt, og me ser etter ein medarbeidar som kan komplettera vårt eksisterande team.
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.
Ber om at du lastar opp vitnemål og attestar i søknaden.
Om arbeidsgiveren
Livet er meir enn arbeid. På Voss kan du gå på ski om vinteren eller på fjelltur om sommaren, nokon et smalahove, høyrer på jazz eller driv med ekstremsport. Vossevangen er regionsenteret vårt. Me har eit godt utbygt næringsliv, er eit senter for utdanning i regionen og me er eit knutepunkt mellom aust og vest. Bergensbanen går gjennom Vossevangen, og me har godt togsamband til både Bergen og Oslo.Voss herad har om lag 16.000 innbyggjarar og er den største arbeidsgjevaren i bygda, med om lag 1350 tilsette. Nynorsk er administrasjonsmålet i Voss herad.Verdiane våre er profesjonell - påliteleg - skapande - inkluderande
- Sektor
- Offentlig
- Sted
- Uttrågata 9, 5700 Voss
- Hjemmekontor
- Delvis hjemmekontor
- Bransje
- Økonomi og regnskap
- Stillingsfunksjon
- Økonomi og regnskap / Controller,
- Økonomi og regnskap
Nøkkelord
økonom, offentleg, administrasjon, erp, regnskap
Spørsmål om stillingen
- Kontaktperson
- Liv Myklebust
- Telefon
- 97 99 71 55
- Kontaktperson
- Nils Petter Bere
- Telefon
- 99 51 89 30
Uttrågata 9, 5700 Voss