Fysioterapeut

Er du vår nye fysioterapeut?

Likar du varierte arbeidsoppgåver og spennande utfordringar? Er du interessert i rehabilitering og bærekraftige helsetenester? Ergo- og fysioterapitenesta i Bømlo kommune består av fire fysioterapeutar, fire ergoterapeutar og leiar. Me har behov for ein ny fysioterapeut i 100% fast stilling i tenesta. Me har kontor på Bømlo Helsehus, men yt tenester til innbyggjarar i heile kommunen.

Arbeidsoppgåver

Ergo- og fysioterapitenesta yt teneste til innbyggjarar over 18 år i heile kommunen; både i heimar, på institusjonar og poliklinisk avdeling. Det er tett samarbeid med andre faggrupper på ulike område og i heile kommunen. Arbeidet er variert med oppgåver innan m.a. habilitering, rehabilitering, oppfølgjing av kronisk sjuke, oppfølgjing av alvorleg sjuke, kartleggingar, vegleiing, trening og hjelpemiddelformidling. Pasientgruppa er særleg personar med funksjonsnedsetting og eldre. Det er i tillegg 4,2 driftstilskot for avtalefysioterapeutar i kommunen.

Oppgåver blir tillagt stillinga avhengig av m.a. den tilsette sin kompetanse og interesser. Endringar i arbeidsområdet må kunna påreknast.

Kvalifikasjonar

Me søkjer etter autorisert fysioterapeut som har/er:

• Erfaring frå kommunehelsetenesta
  
• Erfaring med hjelpemiddelformidling
• Erfaring og/eller interesse for rehabilitering
• Erfaring og/eller interesse for arbeid med eldre
  
• Fagleg engasjert
  
• Kan norsk skriftleg og munnleg
• Førarkort klasse B (tenesta har leasingbilar)

Personlege eigenskapar

Ved tilsetjing vert det lagt stor vekt på personlege eigenskapar.

Personlege eigenskapar som vert vektlagt er mellom anna:

• Evne til prioritering, planlegging og å takla uforutsette hendingar
• Løysingsorientert, ansvarleg og strukturert
• Evne til å arbeide sjølvstendig
• Fokus og evne til tverrfagleg samarbeid

Me tilbyr

• Varierte og spennande arbeidsoppgåver i ein flott kommune
• Faglege og personlege utfordringar i eit godt og inspirerande arbeidsmiljø
• Gode offentlege pensjons- og forsikringsordningar
• Fleksibel arbeidstid
• Løn og arbeidsvilkår i samsvar med gjeldande lov og avtaleverk
• Stilling i ei inkluderande arbeidslivsverksemd (IA-verksemd)
• Medlemskap med tilsettegoder i velferdsklubben

Anna informasjon

• Administrasjonsmålet i kommunen er nynorsk
• Det vert stilt krav om politiattest ved tilsetjing etter Helse og omsorgstenestelova § 5.4
• Bømlo kommune ser på inkludering og mangfald som ein styrke, og vil oppmoda alle kvaliserte søkjarar om å søkja stilling uavhengig av bakgrunn
• Me gjer merksam på at søkjarar vert ført opp på offentleg søkjarliste. Det er mogleg å søkja om anonymitet, men det må vera særskilte omstende for å få innvilga unntak, jf. Offentleglova § 25

Synast du stillinga virkar interessant og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med verksemdsleiar Kathrine Tislevoll Nygård.