Kontrollingeniør Sunnhordaland og Austevoll

Vestland fylkeskommune skal sikre og utvikle gode og vekstkraftige lokalsamfunn og sterke by- og senterområde. Dei regionale tenestene til innbyggarane, organisasjonar og næringslivet skal vidareutviklast med høg kvalitet. Fylkeskommunen skal sikra ein framtidsretta infrastruktur, med mål om betra samband internt i regionen og gode kommunikasjonar mot resten av landet, og ut i Europa.

På avdelinga for infrastruktur og veg (INV) tek vi vare på fylkeskommunen sine forvaltningsoppgåver som vegeigar. Fylkesvegane knyter fylket saman og skal fungere som ei trygg og føreseieleg ferdselsåre.

Planlegging og utbyggingsseksjonen (PU) har ansvar for planlegging og bygging av fylkesvegar, gang- og sykkelvegar, tunnelar og bruer i Vestland fylke. Byggherre-miljøet er delt i fire geografiske einingar; Utbygging Nord (Sogn og Fjordane), Utbygging Sør og Utbygging Bergen og Sunnhordaland (Bergen, Bjørnafjorden, Austevoll, Stord, Bømlo, Sveio, og Tysnes) og Utbygging Vest (Askøy, Øygarden, Nordhordland og Osterøy).

Til eininga utbygging Bergensøkjer vi etter kontrollingeniør for større og mindre vegprosjekt i Sunnhordaland og Austevoll. Kontorplass er Stord.

Bømlopakken omfattar oppgradering og nybygging av store delar av vegnettet i Bømlo kommune. Dette vil gje moderne og trafikksikre vegar som er tilpassa den forventa befolkningsveksten på Bømlo.I revidert Bømlopakke gjenstår fullføring av tre vegprosjekt, i tillegg er det sett opp ei liste på tre reserveprosjekt om det er midlar att i pakken.

Austevollpakken omfattar oppgradering og utbetring av vegenettet i Austevoll kommune, med seks prosjekt som er aktuelle for etablering av gang- og sykkelveger, breiddeutviding og tilrettelegging for tungtrafikk.

Arbeidsoppgåver

• Kontakt og oppfølging av entreprenørar.
• Følge opp kvalitet og kontroll av utførte arbeid, samt framdrift, SHA, målebrev m.m.
• Delta ved utarbeidelse av kontrollplanar og gjennomføring av kontrollar.
• Bidra til å følgje opp krav frå offentlege myndigheiter, herunder rystelsar, grunnvatn, støy, støv,
  henvendelsar frå naboar og andre tredjepartar m.m.
• Kontrollere FDV dokumentasjon.
• Kontrollingeniør vil også vere delaktig i oppfølging av arbeidsgrunnlag mot ansvarleg prosjekterande.
• Rapporterar til byggeleiar.

Kvalifikasjonar

• Du har relevant utdanning frå universitet eller høgskule - minimum 3 år. Dersom du har allsidig praksis,
  eller etterutdanning og gode personlege føresetnader for stillinga, kan vi sjå bort frå utdanningskravet.
• Du har gode IT-kunnskapar.
• Du må gjerne ha erfaring fra bygg- og anleggsbransjen.
• Kjennskap til bruk av modellbasert prosjektering og bruk av BIM under byggeprosessen vil bli vektlagt.
  Dette er likevel ikkje eit krav til stillinga.
• Kjennskap til geomatikk/landmåling blir vektlagt. Detter er likevel ikkje eit krav til stillinga
• Du må ha god munnleg og skriftleg norsk framstilling.
• Førerkort klasse B

Personlege eigenskapar

• Du er strukturert og arbeidar sjølvstendig, men vel så godt med andre.
• At du er kvalitetsbevisst og god på dokumentasjon av tiltaka er også viktige eigenskapar.
• Vi ønskjer oss ein kollega som er engasjert, og som bidreg både fagleg og sosialt. Vi legg stor vekt på
  personlege eigenskapar

Har du spørsmål om stillinga er du velkommen til å ta kontakt med John Nordseth Nesse prosjektleiar Sunnhordaland telefon 99541525 og Marius Lydvo prosjektleiar Bjørnafjorden, Austevoll og Tysnes telefon 95951625

Vi tilbyr

Dersom du begynnar å jobbe hjå oss kan vi tilby ein variert arbeidskvardag, der du får bryna deg på spanande og essensielle oppgåver med stor samfunnspåverknad. Vi er svært opptekne av kontinuerleg utvikling - både saman som ein organisasjon, men også personleg. Derfor set vi verdiane våre open, modig og kompetent høgt - kor vi utfordrar, støttar og hjelp kvarandre. Vi har det kjekt saman på jobb, der det er høgt under taket og mykje latter. På denne måten får vi det beste ut av kvarandre, og vidare leverer vi godt arbeid. Vi har fleksitidsordning, samt gode pensjons- og forsikringsordningar. Løn etter avtale.

Anna informasjon
Administrasjonsmålet i fylkeskommunen er nynorsk. Alle nytilsetjingar i fylkeskommunen blir gjort med ei prøvetid på 6 månader. Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.