Vil du arbeide med vassforvaltning i Vestland?
- Arbeidsgiver
- Vestland fylkeskommune
- Stillingstittel
- Vil du arbeide med vassforvaltning i Vestland?
- Frist
- 29.04.2024
- Ansettelsesform
- Vikariat
Vi søker ein dyktig medarbeidar som har lyst til å vere med og forvalte vassressursane våre i Vestland. Dette er eit 2-årig vikariat/engasjement med kontorstad Leikanger eller Bergen. For særleg godt kvalifiserte kandidatar kan vi opne for kontorstad også andre stadar der vi har kontorstad for våre fagfolk. Stillinga er lagt til seksjon for naturressursar, landbruk og reiseliv, og inngår i avdeling for næring, plan og innovasjon i Vestland fylkeskommune. I seksjonen arbeider vi med vassforvaltning, landbruk, marin sektor, reiseliv, vilt og mineral, og lokalsamfunnsutvikling. Fellesnemnaren for arbeidet er å utvikle samfunna våre og forvalte naturressursane på ein god måte.
Målet med arbeidet innan vassforvaltning er å beskytte miljøtilstanden i vassdraga våre, i grunnvatnet, i fjordane og langs kysten. Ei god arealplanlegging er viktig for å nå målet om god tilstand i alt vatn. Vestland har ein regional plan for vassforvaltning for 2022-2027 som skal følgjast opp og oppdaterast.
Arbeidsoppgåver
Det første året er eit vikariat der vår nye medarbeidar hovudsakleg vil arbeide som rådgjevar/saksbehandlar med desse oppgåvene:
- koordinere vassmiljøfaglege innspel til kommunale planar
- koordinere inngrepssakar i vassdrag og sjø
- utarbeide innspel til ureiningssaker
- bidra til oppfølgjing og oppdatering av den regionale planen for vassforvaltning
- arbeide med å utvikle gode samarbeidsmåtar innan fagfeltet
- arbeide med samlingar og formidle informasjon og kunnskap innan fagområdet
Det andre året vil vår nye rådgjevar arbeide med prosjektretta oppgåver innan vassmiljø, der arbeid inn mot akvakultur også vil inngå.
Arbeidet inneber nær kontakt med andre medarbeidarar i fylkeskommunen, og kontakt med kommunar, statsforvaltaren og andre statlege etatar, lag og organisasjonar.
Kvalifikasjonar
Vi ser primært etter ein person med god kunnskap om vassmiljø og planfag. Høgare utdanning på mastergradnivå innan naturvitskaplege fag med god kunnskap om planfag, eller høgare utdanning innan planfag med god kunnskap om naturvitskaplege fag er ønskeleg. Kravet til utdanning kan fråvikast for søkjarar som har særs god og relevant praksis. Stillingstittel vert fastsett ut frå utdanning og erfaring.
Det er ein fordel med:
- kjennskap til og gjerne erfaring frå offentleg forvaltning
- erfaring med arbeid innanfor fagområda vassforvaltning og plan
- kunnskap om plan- og bygningslova og vassforskrifta
Personlege eigenskapar
- Gode samarbeidsevner og positiv innstilling
- Evne til å ta initiativ og ansvar - og arbeide strukturert og sjølvstendig
- Utviklingsretta og løysingsorientert
- Gode formidlingsevner, både munnleg og skriftleg
Vi tilbyr
- faglege og personlege utfordringar i eit godt og inspirerande arbeidsmiljø
- gode offentlege pensjons- og forsikringsordningar
- løn etter avtale
- fleksibel arbeidstid
- stilling i ei inkluderande arbeidslivsverksemd (IA-verksemd)
Her kan du bli betre kjent med oss: Jobb og karriere i Vestland fylkeskommune
Har du spørsmål eller berre lyst å høyre meir om jobben? Ikkje nøl med å ringe, vi fortel gjerne.
Andre opplysningar:
Administrasjonsmålet i fylkeskommunen er nynorsk.
Alle nytilsetjingar vert gjort med ei prøvetid på 6 månader. Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste.
Om arbeidsgiveren
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg. Lokalsamfunna er ramma for gode kvardagsliv som gjev like mogelegheiter til å delta i verdiskaping i heile Vestland. Fylkestinget er øvste politiske organ i fylkeskommunen.
- Sektor
- Offentlig
- Sted
- Askedalen 2, 6863 Leikanger
- Flere arbeidssteder
-
- Lars Hilles gate 22, 5008 Bergen
- Bransje
- Offentlig administrasjon
- Stillingsfunksjon
- Kontor og administrasjon,
- Rådgivning,
- Saksbehandler
- Arbeidsspråk
- Norsk
Nøkkelord
vannforvaltning, offentlig forvaltning, saksbehandling, miljøvern, arealplanlegging
Spørsmål om stillingen
- Kontaktperson
- Merete Farstad
- Stillingstittel
- Fagkoordinator vassforvaltning
- Telefon
- 97 74 23 81
- Kontaktperson
- Endre Høgalmen
- Stillingstittel
- Seksjonssjef naturressursar, landbruk og reiseliv
- Telefon
- 95 20 77 89
Askedalen 2, 6863 Leikanger