Konsulent/rådgjevar fartøyvern

Vestland er fylket med flest freda og verna fartøy i Norge. Fylkeskommunen har forvaltningsansvar for verneflåten, inkludert ei rekkje fartøy med omfattande istandsettingsbehov. For å tildele tilskot til fartøya, samt vurdere tiltak knytt til istandsetjing og restaurering, er det behov for fartøyvernteknisk kompetanse.

Vi lyser difor ut 100 % stilling som spesialkonsulent/rådgjevar.

Arbeidsoppgåver

Arbeidsoppgåvene som skal ivaretakast er m.a.:

• Vurdere tekniske problemstillingar knytt til tilskotssøknadar
• Greie ut og vurdere tekniske problemstillingar ved dispensasjonssøknadar for freda fartøy
• Vurdere tekniske endringar på verna fartøy
• Utarbeide teknisk del av fredingssaker
• Utarbeide teknisk del av vernestatussøknadar
• Oppfølging og rådgjeving
• Forvalting av statlege og fylkeskommunale tilskotsordningar
• Andre oppgåver som naturleg ligg til stillinga

Kvalifikasjonar

Krav til kompetanse

• Teknisk kompetanse knytt til fartøyvern
• Praktisk og relevant arbeidserfaring vil bli særleg vektlagt
• Førarkort for bil klasse B

Personlege eigenskapar

Vi ynskjer oss ein kollega som:

• er strukturert og arbeider sjølvstendig, men også godt saman med andre
• er engasjert og ynskjer å bidra til fagleg kompetansebygging internt og eksternt
• har interesse for historiske fartøy og kjennskap til kystkulturhistorie
• har god skriftleg og munnleg formuleringsevne
• har kjennskap til offentleg forvalting
• har digital kompetanse
  

Vi tilbyr

Eit av Norges mest sentrale fagmiljø innafor vern og utvikling av kulturarven.
Hjå oss vil du få arbeide sjølvstendig i ei fagleg utfordrande og spennande stilling i eit tverrfagleg miljø. Vi kan tilby deg ein variert arbeidskvardag med meiningsfulle arbeidsoppgåver.

• Spennade oppgåver og gode vilkår for fagleg utvikling
• Løns- og arbeidsvilkår i samsvar med gjeldande avtaler i Vestland fylkeskommune
• Gode forsikrings- og pensjonsvilkår
  

Andre opplysningar

• Administrasjonsmålet i fylkeskommunen er nynorsk
• Arbeidsstad Bergen
• Du må rekne med litt reiseaktivitet
• Alle nytilsettingar i Vestland fylkeskommune blir gjort med ei prøvetid på 6 månader