Arbeidsleiar - Rør
- Arbeidsgiver
- Ulstein Verft AS
- Stillingstittel
- Arbeidsleiar Rør
- Frist
- 12.05.2024
- Ansettelsesform
- Fast
Ulstein er eit familieeigd selskap som arbeider innan det maritime området. Vi designar, byggjer og leverer løysingar til skip samstundes som vi tilbyr eit breitt spekter av tenester innan ettermarknad. Vi likar å utfordre bransjen og kome opp med løysingar som reduserer miljøavtrykk og gir kundane våre konkurransefortrinn. Verdiane våre - å engasjere, innovere og avansere - bidreg til å skape eit godt arbeidsmiljø og gjer Ulstein til ein trygg og ansvarleg samarbeidspartnar.
Ulstein Verft har aukande aktivitet og søker derfor etter fagleg sterke kandidatar som har ei interesse for skipsbygging og skipsoppgraderingar, og som ynskjer å utvikle og skape resultat saman med oss. Vi har gode produksjonsfasilitetar der arbeidet i all hovudsak føregår innandørs i vår utrustnings- og dokkhall.
Arbeidsoppgåver
Er du klar for å løyse framtidas utfordringar for den maritime industrien?
Ulstein Verft har ein velfungerande produksjon med høgt kompetansenivå og dyktige medarbeidarar som ivaretek våre prosjekt på ein god måte. Som tilsett hos oss vil du få spennande og utfordrande oppgåver. Du vil vere ein del av eit dyktig team, der du vil bli utfordra til å skape kreative og gode løysingar for noverande og framtidige prosjekt.
Arbeidsleiar vil ha eit hovudansvar for fagområdet Rør, men vil ved behov i periodar også måtte bidra inn mot andre fagområde på avdelinga, som t.d. Maskin.
Arbeidsoppgåvene som Arbeidsleiar vil kunne innebere:
- Planlegging og leiing av arbeid ombord i nybygg og ved reparasjonsoppdrag
- Time- og bemanningskontroll over eigne og innleigde ressursar
- Rapportering av framdrift i samsvar med planlagde aktivitetar
- Oppfølging av interne rutinar og kvalitetsprosessar
- Delta på inspeksjonar og utføre kvalitetskontroll på utført arbeid
Kvalifikasjonar
- Fagbrev som rørleggar. Relevant erfaring frå maritim industri kan kompensere for manglande formell utdanning
- God tverrfagleg teknisk forståing
- God teikningsforståing
- Erfaring frå skipsbygging og maritim næring vil bli tillagt vekt
- Gode norsk- og engelskkunnskapar munnleg og skriftleg
- Gode datakunnskapar
- Leiarferdigheiter; erfaring med personalansvar vil bli vektlagt
Personlege eigenskapar
- Fagleg interessert
- Positiv, engasjert og med god arbeidsmoral
- Sjølvstendig og med høge krav til eige arbeid
- Gode samarbeids- og kommunikasjonsevner
- Resultatorientert og initiativrik
- God HMS-haldning
Vi tilbyr
- Godt fagleg miljø
- Fleksitidsavtale
- Gode forsikrings- og pensjonsordningar
- Interessante og varierte arbeidsoppgåver
Oppstart etter avtale.
Om arbeidsgiveren
ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har 360 tilsette. Ulstein er ei lærlingbedrift og ei av hjørnesteinsbedriftene i kommunen.
Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.
Ulstein Verft bygger og leverer spesialfartøy i hovudsak innan offshoreenergi. Typiske prosjekt er bygging av avanserte skip med stor andel utrusting, som stiller høge krav til prosjektleiing, teknisk kunnskapsnivå og integrasjonskompetanse. Vår ekspertise innan engineering, installasjon og kommisjonering kjem til sin rett innan ettermarknadstenestene våre der vi leverer alle typar ombyggingar, reparasjonar og tørrdokkingar. Saman med Ulstein Elektro Installasjon er selskapet ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon.
- Sektor
- Privat
- Sted
- Osnesvegen 110, 6065 Ulsteinvik
- Bransje
- Industri og produksjon,
- Maritim og offshore,
- Verksindustri
- Stillingsfunksjon
- Ledelse,
- Produksjon
- Arbeidsspråk
- Norsk,
- Engelsk
Nøkkelord
Skipsverft, Skipsbygging, Formann
Spørsmål om stillingen
- Kontaktperson
- Vidar Hungnes
- Stillingstittel
- Department Manager - Pipe & Machinery
- Telefon
- 90 96 07 46
Osnesvegen 110, 6065 Ulsteinvik