Barnehagelærar/pedagog

Læringsverkstedet Krikane har ledig 100% vikariat og 70% fast som barnehagelærar frå august 2024. Vi søkjer etter deg som har evne til å lese barna sine behov, viser entusiasme i møte med barna, og er god på relasjonar og leiing.Er du ein aktiv vaksen som ikkje er redd for å by på deg sjølv? Då er du den vi ser etter!

Læringsverkstedet Krikane opna i 2007, og er ein 4-avdelingsbarnehage. Læringsverkstedet Krikane har ein flott og stor uteplass med gode moglegheiter for aktiv utfolding, og vi ligg i "midt i smørauget" for turmoglegheiter. Vi er i nærleiken av sjø, skog og idrettsbane, og den nye sentrumsskulen ligg berre eit steinkast unna.

Våre satsingsområder er hjertekultur og motorisk utvikling. Hovudmålet med hjertekulturen er å skape ei god og trygg atmosfære, og eit inkluderande barnehagemiljø. Det er i trygge rammer utvikling og læring skjer. Hos oss skal barna få oppleve og erfare inkludering og likeverd. Vi jobber med å støtte barna si utvikling av relasjonar og sosial kompetanse. I tillegg er vi ein del av prosjektet Solid Start Sykkylven saman med dei andre barnehagane i bygda der vi følg eit årshjul for motorisk utvikling. Dette skal vere leikbasert og kjekt.

I alle Læringsverkstedbarnehagar har vi eit matkonsept som heiter "Eit godt måltid" som er utvikla av pedagogar samen med Arne Brimi og Ryfylkekokken Frode Selvaag. Vi serverer alle måltid i barnehagen og er opptekne av næringsrik mat og eit variert kosthold. Barna skal vere med på tilbereding og opprydning, og måltidet skal vere ein pedagogisk arena.

I Læringsverkstedet Krikane skal det vere godt å vere barn, forelder og tilsett. Derfor er det viktig at du er hyggelig, raus og serviceinnstilt. Ei positiv innstilling med eit ønskje om å gjere andre godt er ei viktig haldning for oss.

Nokon tilsette har jobba her sidan barnehagen opna, medan andre har kome til undervegs. Vi har eit stort spenn i alder og erfaring hos våre medarbeidarar. Her samarbeider alle om å få verdas viktigaste verdiar til å vekse.

Vi gler oss til å få inn personer som kan berike vårt faglege miljø, og som kan vere ein positiv bidragsytar til vårt arbeidsmiljø og kultur innad i barnehagen.Vi som jobber i Læringsverkstedet Krikane er ein flott gjeng med mange ulike kvalitetar. Vi er opptekne av å ha eit godt samarbeid innad, med foreldre og med eksterne instansar og vi er ein gjeng som vil kvarandre vel. Vi gler oss til å bli kjent med deg, og håper at du har lyst til å bli ein del av vårt team!

• Personleg eignaheit vil vektleggast
• Politiattest må leggast fram før tiltreding (jmf barnehageloven § 30)

Arbeidsoppgåver

• Vere med å bygge ein sterk kultur i vår barnehage der verdiplattforma ligg i botn
• Ansvar for å skape ein god og trygg kvardag for barna
• Legge til rette for eit godt foreldresamarbeid, forbereding og gjennomføring av foreldresamtaler
• Aktiv deltaking i leik og kvardagsaktivitetar, samt praktiske gjeremål på avdeling
• Ivareta barna sine behov gjennom leik og omsorg, både inne og ute
• Rettleie og støtte det øvrige personalet i det pedagogiske arbeidet og vere ein god rollemodell for barn og kollegaer, delegere arbeidsoppgåver til personalet og sikre at måla på avdelinga blir nådd
• Sikre ein effektiv organisasjon med eit godt arbeidsmiljø, bl.a. etterleving av Læringsverkstedet sin kvalitetsstandard "Trygghet - Varme mennesker - Faglig best"
• Bidra til kompetanseheving i barnehagen, vere med å utvikle det pedagogiske tilbodet og dele kunnskap om barna si læring og utvikling
• Planlegge, utføre og evaluere oppgåver knytt til det pedagogiske arbeidet på avdeling og medansvar for gjennomføring
• Halde deg fagleg oppdatert, samt delta på kurs og fagopplæring som tilbys
  
• Vere ein raus og tydeleg pedagog, og delta aktivt i barnehagen sitt leiarteam
  

Kvalifikasjonar

• Godkjent 3-årig utdanning som barnehagelærar eller førskulelærar
• Meget gode norskkunnskapar både skriftleg og muntleg, minimum B2 (jf. barnehageloven § 27)
• Faglege ambisjonar og hjerte for det du driv med
• Evne til å skape engasjement og lyst til å delta i barns leik og utvikling
• Gyldig politiattest
• Ei god helse, slik at du kan vere ein aktiv vaksen saman med barna og kunne iverksette sikkerheitstiltak
• God struktur og evne til å kommunisere godt med andre, samt god relasjonell kompetanse
• Gjerne ha erfaring frå arbeid i barnehage
• Du er ein leiar som leiar
  

Personlege eigenskapar

• Ein som identifiserer seg med Læringsverkstedet sine verdiar – "Leken og ambisiøs, Raus og tydelig"
• Stort engasjement for barna sin oppvekst og ei positiv haldning
• Relasjonsorientert person som ser kvart enkelt barn
• Vere ein pedagog som er god, varm, tydeleg og omsorgsfull, og kan vere ein tryggleik for barna våre, foreldra og kollegaer
• Løysingsorientert, fleksibel og samarbeidsvillig. For å lykkast i rolla må du kunne kommunisere med mennesker med ulik bakgrunn og i ulike livssituasjonar
• Kunne jobbe sjølvstendig og i team, og har høg gjennomføringsevne
• Kunne leie deg sjølv, barn og kollegaer
• Kreativ, initiativrik og leiken
• By på deg sjølv, og vere ein kollega resten av personalet gler seg til å møte
• Faglege ambisjonar og hjerte for det du driv med, har driv og evne til å arbeide godt og effektivt, samt likar nye utfordringar
• Strukturert, systematisk og har auge for detaljar
• Forståing av små barn si utvikling og behov, og evne til å tilrettelegge for progresjon
  

Vi tilbyr

• Tariffavtale gjennom PBL og gode pensjons- og forsikringsordningar
• IA-bedrift
• Eit arbeidsmiljø prega av humor og rause kollegaer
• Engasjerte og fagleg dyktige kollegaer
• Læringsverkstedet sitt løfte til alle tilsette: "Hos oss har du alle moglegheiter til å utvikle deg både fagleg og menneskeleg, og gjere verdas viktigaste jobb på best mogleg måte"
• Kompetanseutvikling gjennom Læringsverkstedet Akademiet og jevnlige samlingar
• Delekultur: Vi deler den kunnskapen vi har med kvarandre og håper du har nokon nye og spennande idèar du kan dele med oss. Vi samarbeidar med andre Læringsverkstedet barnehagar
• Ressursbank for alle tilsette med tilgang til mykje felles materiell, elektroniske verktøy, ferdiglagde malar og støttesystem
• Store moglegheiter til å påverke din eigen arbeidskvardag
• Om du brenn for matlaging, kost og ernæring er det òg ei moglegheit å vere pedagog med ansvar for "Eit godt måltid", eller ansvar for barn med spesielle behov