Osterøy kommune søkjer helsefagarbeidarar til faste stillingar og vikariat ved Osterøytunet!
- Arbeidsgiver
- Osterøy kommune
- Stillingstittel
- Er du helsefagarbeidar og engasjert i eldreomsorg?
- Frist
- 05.05.2024
- Ansettelsesform
- Fast
Om stillinga
Osterøytunet er kommunen sin sjukeheim og ligg på Hauge. Sjukeheimen har 65 plassar fordelt på to avdelingar, med tre-fire grupper i kvar avdeling. Kvar gruppe har 9-11 pasientar. Me har eige kjøkken og eigen lege. Me søkjer helsefagarbeidarar til faste stillingar og eitt vikariat. Me har ledig faste stillingar på 100% og 80%. I tillegg har vi eitt vikariat i 50% stilling fram til 01.08.25 og eitt vikariat i 80% 1 år. Stillingane har ordinær todelt turnus med arbeid kvar 3.helg. Me har starta prosjektet "Tid for handling", der me ser på oppgåvefordeling ved sjukeheimen ut frå kompetanse og har nyleg starta med sjukepleiarteam. Som helsefagarbeidar har du ei viktig rolle i å skape trygge og gode rammer for bebuarane våre og dagleg drift av gruppa. Du får delta på legevisitt saman med sjukepleiar og me planlegg kompetanseheving for helsefagarbeidarar i møte med nye oppgåver/ansvarsområder.
Kven søkjer vi etter?
Me søkjer etter deg som trives i lag med eldre! Du som er engasjert, jobbar sjølvstendig og samtidig har gode samarbeidsevne. Du må like å ha ansvar, men bør også like å spele kollegaene dine gode. Du bør evne å opprette god relasjon til både pasientar, deira pårørande og dine kollegaer. Om du har eit godt humør og ei positiv innstilling er du langt på veg!
Høyres dette ut som deg - eller kanskje nokon du kjenner? Ikkje nøl med å ta kontakt med oss!
Vi tilbyr deg
Ei spanande og gjevande stilling
Du får samarbeide med fagleg dyktige og engasjerte kollegaer
Eit godt arbeidsmiljø med god blanding av fagleg kunnskap, humor og hjertevarme
Moglegheit for fagleg utvikling
Moglegheit til å påverke eigen arbeidplan i planlegginga av årsturnus (kvar haust)
Gode pensjons- og forsikringsvilkår
Arbeidsoppgåver
Heilskapeleg omsorg og pleie
Bistand og rettleiing ut frå pasienten sine behov
Målretta miljøarbeid.
Primærkontaktoppgåver
Kvalifikasjonar
Du må ha autorisasjon som helsefagarbeidar eller hjelpepleiar
Relevant vidareutdanning er ein fordel
Søkjarar utanfor Skandinavia må dokumentera kunnskap i norsk skritfleg og muntleg gjennom bestått B2 test i norsk
Om arbeidsgiveren
Osterøy kommune – Nær byen, nær naturen. Osterøy, ei av Nord-Europas største innlandsøyer, eit levande lokalsamfunn med allsidig næringsliv, godt utbygd servicetilbod og vakkert landskap. Folketalet er på om lag 8 000 innbyggjarar og det er både bru- og ferjesamband til nabokommunen Bergen. Frå Lonevåg sentrum, kommunesenteret vårt, tar køyreturen til Bergen om lag 45 minutt, til Åsane tar det om lag 30 minutt og til Arna kjem du på om lag 20 minutt. I tillegg til Lonevåg har ein og Valestrand, Haus, Fotlandsvåg og Bruvik som større bygder/tettstadar.
Osterøy har ein allsidig og livskraftig småindustri innan mekanisk, møbel, tekstil og næringsmiddelindustri. Fiskeoppdrett/-foredling er og ei viktig næring. Landbruk sysselset om lag 300 personar og tømraryrket står framleis høgt i kurs her på Osterøy.
I Osterøy skal det vere godt å bu både for unge og eldre. Kommunen har eit rikt kulturliv, ulike idrettsaktivitetar, godt utbygd skule- og barnehagetilbod og gode helse- og sosiale tenester.
Bli med på laget i Osterøy kommune! Me ønskjer oss stadig fleire kompetente og engasjerte medarbeidarar. Vi ser fram til å ta godt i mot deg og gje deg ei meiningsfull arbeidskvardag.
- Sektor
- Offentlig
- Antall stillinger
- 4
- Sted
- Osterøytunet 3, 5281 Valestrandsfossen
- Bransje
- Barn, skole og undervisning,
- Helse og omsorg,
- Offentlig administrasjon
- Stillingsfunksjon
- Helsepersonell / Helsefagarbeider/hjelpepleier
Spørsmål om stillingen
- Kontaktperson
- Grethe Holsen
- Stillingstittel
- Avdelingsleiar
- Telefon
- 56 19 25 02
Osterøytunet 3, 5281 Valestrandsfossen