Prosjektleiar veg, vatn og avløp

Veg, vatn og avløp er kritisk infrastruktur i ein kommune. Om du vil vera med å bidra til god kvalitet, solide løysingar og effektivt vedlikehald, då er dette jobben for deg. Me treng deg som ønskjer å leia oppgradering av kommunalteknisk infrastruktur, både utført i eigenregi og ved bruk av innleigd entreprenør.

Kommunalteknikk har ansvar for vassmiljø, forureining, vatn og avløp, renovasjon, handtering av overvatn, vegar og offentlege plassar, leikeplassar, parkar og uteområder. I kommunalteknisk avdeling vil du vera ein del av eit lag med både teknisk og naturvitenskapleg kompetanse.

Klepp kommune har vedteke å arbeida etter FN sine bærekraftsmål, og dei skal leggjast til grunn for vårt arbeid med klima og miljø.

Arbeidsoppgåver

Du skal

- delta i planlegging av, og leia gjennomføring av sanerings- og oppgraderingsprosjekt, veg, vatn og avløp

- bidra med forslag til dei beste løysingane i heile anlegget si levetid

- vera med å hente inn tilbod frå entreprenørar

- ha ansvar for kvalitet og lovkrav på eigne anlegg i gjennomføringsfasen

- ansvar for økonomi og framdrift i prosjekta

- ansvar for informasjon før og under anleggsfasen

- kontrollere kvalitet og utføring i byggeperioden på nyanlegg utført av eksterne utbyggjarar

- bistå driftsavdelingen ved behov

Kvalifikasjonar

Me ser er etter ingeniør eller fagarbeidar med lang, relevant erfaring frå anleggsbransjen.

Du har

- god fagleg kompetanse innan VA-leidningar, kummar, ventilar og VA-grøft

- kunnskap om prosjektgjennomføring og prosjektleiing

- kunne lese og forstå tekniske planar og prosjekteringsgrunnlag

- ha kunnskap om økonomi og økonomistyring av prosjekt

- god kjennskap til anleggsgjennomføring av kommunaltekniske anlegg

- det er ønskjeleg med erfaring frå gjennomføring og leiing av kommunaltekniske anlegg

Personlege eigenskapar

Du må

- ha stor interesse for kommunalteknikk

- ønskje å yte god service

- like å snakke med folk, både innbyggjarar og entreprenørar

- like å jobbe i team

- vera sjølvstendig og våga å ta kjappe avgjerder på grøftekanten

- vera open for ny teknologi og nye løysingar

Vi tilbyr

Fagleg utfordrande, varierte og utviklande arbeidsoppgåver
Lønn etter avtale
Fleksibel arbeidstid
Gode forsikrings- og pensjonsordningar

Tilsetting skjer på dei vilkår og med dei plikter som går fram av utlysninga, og dei til ei kvar tid gjelande lovar, reglar og tariffavtalar. Løn i samsvar med lokal lønspolitikk