Vi søkjer deg som brenn for utvikling av tenestene til born og unge!

Vernepleiar / sjukepleiar - 100% - Avlastningsbustader

Om stillinga

Vi har ledig stilling i Kvasten og tilbyr 50 000 i rekrutteringstillegg til den som får jobben. Stillinga inneber todelt turnus med tidleg og seinvakter samt arbeid kvar 3.helg. 

I stillinga vil den viktigaste funksjonen vera direkte tenesteyting og sørga for at tenestemotakarane sine rettmessige behov er dekka. Stillinga er fagleg spanande der ein stor del av arbeidet går ut på å å utvikle det faglege som t.d. forbetra rutiner, utvikla prosessar og gjennomføra dokumentasjonsarbeid. 

Om Kvasten avlastningsbustad

Avdelinga vår består av 4 ulike avlastningsbustader samt aktivitetsbasert avlastning, og totalt har vi kring 20 tenestemottakarar. I tillegg til dette gjev vi bistand på natt i ein privat heim og har ansvar for privat avlastning.

Vårt hovudmål er å gje gode forsvarlege tenester gjennom fagleg dyktige medarbeidar. Vi legg stor vekt på at borna/ungdomane skal ha det så trygt som mogleg, der dei kan få gode opplevingar og oppleve meistring.

Vidare er vi er oppteken av tverrfagleg samarbeid og er kjent for å vere ei avdeling med engasjerte medarbeidarar med høg kompetanse som tek var på kvarandre. Vi er per idag eit team samansett av assistentar, fagarbeidarar, pedagogar, sosionomar, barnevernspedagogar, og vernepleiarar.

Kompetansekrav

• Offentleg godkjend vernepleiar eller sjukepleiar
• Førarkort klasse B
• Gode norskkunnskapar, både munnleg og skriftleg

Arbeidsoppgåver

• Yte tenester i form av hjelp og rettleiing til bebuarane etter vedtak
• Følge opp samt sikre god og forsvarleg medikamenthandtering
• Sikre at brukarar får eit trygt og fagleg forsvarleg avlastningsopphald
• Gje opplæring og rettleiing til kollegaer ved behov
• Primærkontaktoppgåver
• Delta på og bidra fagleg på samarbeids- og personalmøter
• Dokumentere og rapportere i tråd med gjeldande rutinar
• Sikre gode overlappingsrutiner
• Koordinatoroppgåver opp mot enkelte born

Kven er søker vi?

Du er engasjert og trivst i arbeid med born og unge. Vi ser etter deg som er serviceinnstilt og fleksibel, og du har det som trengs for etablere og utvikle gode relasjonar til tenestemottakarane, pårørande og kolleger. Du er ein tydeleg og trygg vaksen, og har evne til å takle andre personar sine utfordringar. Du evner e å møte personar i sårbare situasjonar på ein god måte med tryggleik og respekt. Dine samarbeidsevner er gode og du bidrar til eit godt arbeidsmiljø.

Vi tilbyr

• Rekrutteringtillegg på 50 000kr mot binding i 2 år
• Fagleg spennande arbeid
• Årsturnus
• Meiningsfulle oppgåver i eit godt arbeidsmiljø
• Moglegheit for personleg og fagleg utvikling
• Løn etter tariffavtale
• Pensjonsordning vi KLP
• Sjukepleiare i Alver kommune ligg 10 000 over minstelønsgaranti til KS / vernepleiarar ligg 9000kr over minstelønsgaranti til KS 

Politiattest

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede.

Vi er Alver

Bli kjent med Alver kommune