Vil du arbeide med oppgåver innan landbruk og vilt?

Vi treng ein drivande rådgjevar i det viktige arbeidet med å fremme utvikling av landbruk og matproduksjon i Vestland. Og for den rette kandidaten kan vi også tilby spennande oppgåver innan vilt, særleg hjort i hjortefylket Vestland.

Stillinga er i seksjon for naturressursar, landbruk og reiseliv. Dette er ein av fire fagseksjonar i vår avdeling for næring, plan og innovasjon. I vår seksjon er vi omlag 20 personar. Vi arbeider med oppgåver knytt til landbruk, reiseliv, lokalsamfunnsutvikling, marint, vassforvaltning, vilt og mineral. Gjennom arbeidet legg vi til rette for å forvalte naturressursane på ein god måte og utvikle samfunna våre.

Noko reising vil vere ein del av arbeidet. Kontorstaden er Leikanger eller Bergen. For særskilt godt kvalifiserte søkjarar kan kontor andre stader der fylkeskommunen har lokale, bli vurdert.

Arbeidsoppgåver

Dersom du blir tilsett vil du mellom anna få ansvar for å

• legge til rette for å utvikle landbruket i Vestland
• delta i prosjekt og tiltak for å gjennomføre årsplanen i temaplan landbruk
• støtte kommunar og andre aktørar som arbeider med næringsutvikling knytt til landbruke
  
• utforme saker som skal til politiske utval
• vere med på prosjektarbeid som fylkeskommunen leier eller er med på
• arrangere og delta på samlingar, nettverk og konferansar
• legge til rette for kunnskapsutvikling og kompetanseheving
  

Innovasjon Norge, faglaga i landbruket,Statsforvaltaren si landbruksavdeling og kommunane er viktige samarbeidsaktørar. Temaplan landbruk er utarbeidd i samarbeid med desse aktørane, og set mål for arbeidet. Fylkeskommunen samlar denne partnerskapen til felles innsats for å utvikle landbruket i Vestland.

For den rette kandidaten ventar ogsåspennande oppgåver innan viltforvaltning, særleg hjort:

• Samlingar for viltansvarlege i kommunane
• Rådgjeving overfor kommunane
• Kunnskapsdeling og kompetanseutvikling
• Støtteordning for vilttiltak
  

Du vil arbeide saman med våre landbruksmedarbeidarar og ha gode fagkollegaer hos samarbeidspartnarane våre. Vi kan til vi viss grad tilpasse oppgåvene til den aktuelle kandidaten.

Kvalifikasjonar

Den som vert tilsett må ha:

• relevant høgare utdanning, helst på masternivå
• god innsikt i problemstillingar kring landbruk

Søkjarar med høgare utdanning på bachelornivå og med lang ogrelevant erfaring kan også vere aktuelle for stillinga, men vert då tilsett som spesialkonsulent og ikkje som rådgjevar.

Det er ein fordel med:

• erfaring med ålegge til rette for næringsverksemd og utvikling av landbruk
• god innsikt i viltforvaltning
• kjennskap til offentleg verksemd

Personlege eigenskapar

• Gode samarbeidsevner og positiv innstilling
• Evne til å ta initiativ og ansvar - og arbeide strukturert og sjølvstendig
• Utviklingsretta og løysingsorientert
• Gode formidlingsevner, både munnleg og skriftleg

Vi tilbyr

• Faglege og personlege utfordringar i eit godt og inspirerande arbeidsmiljø
• Gode offentlege pensjons- og forsikringsordningar
• Løn etter avtale
• Fleksibel arbeidstid
• Stilling i ei inkluderande arbeidslivsverksemd (IA-verksemd)

Her kan du bli betre kjent med oss:Jobb og karriere i Vestland fylkeskommune
Har du spørsmål eller berre lyst å høyre meir om jobben? Ikkje nøl med å ringe, vi fortel gjerne.

Andre opplysningar:
Administrasjonsmålet i fylkeskommunen er nynorsk.

Alle nytilsetjingar vert gjort med ei prøvetid på 6 månader.

Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.