Kjemiingeniør
- Arbeidsgiver
- Direktoratet for samfunnssikkerhet og beredskap
- Stillingstittel
- kjemiingeniør
- Frist
- 15.04.2024
- Ansettelsesform
- Fast
Vil du bidra til å førebyggje alvorlege hendingar knytt til bruk av trusselstoff? Har du kjemifagleg bakgrunn og trivst med å rettleie andre? DSB ser no etter ein kjemiingeniør som kan bidra med faglege vurderingar og rettleiing internt og eksternt.
Ansvar og arbeidsoppgåver
- utvikle DSB si styresmaktsrolle i arbeidet med trusselstoff
- gi kjemifaglege råd internt og til våre samarbeidspartnarar i Toll, PST og Kripos
- bidra i informasjonsarbeid, kommunisere med verksemder og gi opplæring til nødetatar
- gjennomføre tilsyn med verksemder og bransjar med stort spenn i kunnskap, risikoforståing og kjennskap til regelverk
- samhandle med andre styresmakter regionalt, nasjonalt og internasjonalt
- gjennomføre analysar og faglege utgreiingar og bidra i regelverksarbeid
- bidra til å fornye, forbetre og forenkle arbeidsprosessar
Kvalifikasjonar
Du må ha:
- relevant mastergrad (kjemi e.l.), treårig utdanning og særleg relevant erfaring kan kompensere for kravet til mastergrad. Studentar som ferdigstiller sin master i 2024 kan søkje på stillinga. Utanlandsk utdanning må vere godkjent av NOKUT
- god skriftleg og muntleg formuleringsevne på norsk og engelsk
- følgjande personlege eigenskapar
- gjennomføringsevne
- gode kommunikasjonsevne
- relasjonsbyggjar
- lagspelar
- utviklingsorientert
Vi ønskjer at du har:
- erfaring med førebyggjande arbeid, tilsyn og rettleiing
- erfaring frå offentleg forvaltning
- kunnskap om sikring (security) og framstilling av eksplosivar eller andre trusselstoff
Vilkår
Fast stilling som overingeniør (stillingskode 1087) med årsløn frå kr 635 400-732 300 (lønstrinn 65-73), eller som senioringeniør (stillingskode 1181) med årsløn frå kr 657 300-821 100 (lønstrinn 67-78). DSB kan i heilt ekstraordinære fall vurdere anna lønsplassering
Tryggingsklarering
Den som får tilbod om stillinga må kunne tryggingsklarerast for HEMMELIG/NS før tiltreding.
Om avdelinga, seksjonen og stillinga
DSB er eit faglig kompetanseorgan som støttar Justis- og beredskapsdepartementet, statsforvaltarane og kommunane.
Farleg stoff og industritryggleik er ein av fire seksjonar i DSBs avdeling for Kjemikalie-, Produkt- og Eltryggleik med totalt ca. 90 medarbeidarar. Seksjonen tek i vare DSBs rolle som nasjonal fagstyresmakt for handtering av farleg stoff.
Oppgåvene er knytt til forvaltninga av ei rekke forskrifter, rettleiing til verksemder, gjennomføring av tilsyn og oppfølging av uhell.
Seksjonen arbeider nasjonalt og internasjonalt på ulike arenaer og med ulike verkemiddel.
Den tryggingspolitiske situasjonen krev at vi styrkjer arbeidet med å hindre at farlige stoff kan nyttast til å utføre kriminelle handlingar og terroraksjonar. Utgangsstoff for eksplosivar er kjemiske stoff som kan misbrukast til å framstille ulovlege eksplosivar, som heimelaga bomber. Stoffa kan utgjere eit trussel mot samfunnstryggleiken og er difor strengt regulert. Regelverket og kva stoff som blir regulerte må vurderast løpande for å sikre effektive barrierer. Seksjonen har også ansvar for arbeidet etter kjemivåpenkonvensjonen på vegner av Utanriksdepartementet.
For meir informasjon om DSB, sjå www.dsb.no
Om DSB
DSB (Direktoratet for samfunnstryggleik og beredskap) skal ha oversikt over risiko og sårbarheit i samfunnet. Vi er pådrivarar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 650 tilsette. DSB er underlagt Justis- og beredskapsdepartementet.
Om å jobbe i DSB
Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsprdningar. For å arbeida i DSB må du vera tryggleiksmessig skikka og medverke til ein god kultur for tryggleik.
Hos oss får du
- medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på www.spk.no
- fleksibel arbeidstid
- bedriftshelseteneste
- høve til å trene i arbeidstida
- tilrettelagt for mobilt kontor når det er føremålstenleg
I Arbeidsgivarportalen kan du lese meir om goda ved å jobbe i staten: https://arbeidsgiver.dfo.no/lonn-goder-og-reise
Offentleg søkjarliste
Det vil bli utarbeidd ei offentleg søkjarliste når søknadsfristen går ut. Opplysningar om søkjaren kan bli offentleggjorde sjølv om søkjaren har bede om ikkje å bli ført opp på søkjarlista, jf. offentlegheitslova §25.
Praktisk informasjon om søknadsprosessen
Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du viser både i søknadsbrevet og CV-en korleis kompetansen din oppfyller kvalifikasjonskrava som står i utlysinga. Det er viktig at du registrerer all relevant utdanning og erfaring i profilen du opprettar i rekrutteringssystemet. Dette gir ein strukturert CV og sikrar at vi har opplysningane vi treng. I tillegg ber vi om at du lastar opp både søknadsbrevet og CV-en som vedlegg i PDF-format. Vi tar imot søknader på begge målformar. DSB vil vurdere å gjennomføre bakgrunnssjekk før tilsetting. Interne søkjarar må sende inn søknaden i DFØ HR.
Ikkje nøl med å ta kontakt dersom du har spørsmål! Kontaktperson er
seksjonssjef Brit Skadberg: |e-post brit.skadberg@dsb.no|telefon 33 41 29 16
Velkomen som søkjar hos oss!
Om arbeidsgiveren
Du finn meir informasjon om DSB på www.dsb.no.
Nøkkelord
trusselstoff, tilsyn, risikoanalyse, regelverk, kjemi
Spørsmål om stillingen
- Kontaktperson
- Brit Skadberg
- Stillingstittel
- seksjonssjef
- Telefon
- 33 41 29 16
Rambergeien 9, 3115 Tønsberg