Seksjonsleiar IKT-støtte til pasientbehandling
- Arbeidsgiver
- Sjukehusapoteka Vest
- Stillingstittel
- Seksjonsleiar IKT-støtte til pasientbehandling
- Frist
- 21.04.2024
- Ansettelsesform
- Fast
Sjukehusapoteka Vest HF (SAV) er eit av fem sjølvstendige helseføretak eigd av Helse Vest RHF. Føretaket er del av spesialisthelsetenesta og skal sørgje for at sjukehus og pasientar i Vestland og Rogalandvert sikra legemiddel, høg farmasøytisk kompetanse og tenester.Vår ambisjon er å vere fagleg leiande på sikker og framtidsretta legemiddelforsyning.I pasientbehandlinga leverer vi høgspesialiserte tenester på mange fagfelt.
Våre sjukehusapotek finn du på Haukeland universitetssjukehus, Førde Sentralsjukehus, Haugesund sjukehus, Stavanger universitetssjukehus og på Haraldsplass diakonale sjukehus i Bergen.
SAV og Helse Vest er inne i ei spennande fase, med utvikling og innføring av nye viktige teknologiske løysingar på legemiddelområdet. SAV forvaltar mellom anna modul for legemiddellogistikkog tek og del i utvikling av kjemoterapiløysing i Helse Vest si legemiddelkurve Meona. I tillegg er vi del av anskaffing og innføring av ny regional produksjonsstøtteløysing for legemiddel og arbeid med samordning av kurdefinisjonar for kreftbehandling.
Vi etablerer ny seksjon forIKT-støtte til pasientbehandling og søkjer etter leiar til seksjonen. Som seksjonsleiar vil du ha eit spennande og variert arbeidsfelt, der du får unik moglegheit til å påverke utviklinga av eit område som omfattar arbeid med viktige system på legemiddelområdet. Under dette oppgåver på områda prosjektoppfølging, innføring, forvalting og brukarstøtte.
Seksjonen inkluderer for tida 8 medarbeidarar med god fagkompetanse innan farmasifag, utvikling, validering, implementering og forvalting av apoteksystem og er plassert i Fagavdelinga i Føretaksadministrasjonen. Du vil samarbeide tett med ny seksjon i SAV for IKT og informasjonstryggleik, Helse Vest IKT og fagressursar i SAV.Seksjonsleiar rapporterer til fagdirektør.
Arbeidsoppgåver
- leie seksjonen sitt arbeid med forvalting, utvikling/implementering og brukarstøtte for relevante sytem
- følgje opp deltaking i regionale og nasjonale prosjekt og samarbeidsorgan på legemiddelområdet
- bidra til planlegging på strategisk nivå for IKT-området i føretaket for å understøtte regional og nasjonal utvikling
- ivareta ansvar for kvalitetsarbeid, kompetanse- og opplæringsplanar i seksjonen
- ha budsjett- og personalansvar for seksjonen
- bidra med saksførebuing til leiargruppe og andre forum
- delta i prosjektarbeid etter avtale
Kvalifikasjonar
- vi søkjer deg som har master i farmasi
- det er ein fordel med relevant tilleggsutdanning fortrinnsvis på masternivå, gjerne innan helseinformatikk eller tilsvarande
- erfaring frå utvikling, implementering og forvalting av IKT-løysingar i større organisasjonar er ein fordel
- leiarerfaring og god rolleforståing blir vektlagt
- du må kunne kommunisere godt skriftleg og munnleg på norsk og engelsk
- erfaring frå apotekverksemd eller føretak innan helsenæringa kan vere ein fordel
Personlege eigenskapar
- gode samarbeidseigenskapar
- du bør like utfordringar, være strukturert, ryddig, serviceinnstilt og kvalitetsbevisst
- interesse for og ønskje om å utvikle eigne leiaregenskapar
- fleksibilitet til å ta på seg nye arbeidsoppgåver
Vi tilbyr
- ein spennande arbeidsplass i ein kunnskapsorganisasjon
- arbeid med modernisering, utvikling og fornying
- ansvar og oppgåver med høve til påverknad og personleg utvikling
- eit godt arbeidsmiljø med dyktige og motiverte kollegaer
- medlemskap i pensjonsordning som sikrar gode pensjonsrettar
- løn etter avtale
Ver venleg å laste opp attestar, vitnemål og eventuell anna relevant dokumentasjon i søknaden.
Mangfoldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Om arbeidsgiveren
Sjukehusapoteka Vest (SAV) er eit helseføretak i Helse Vest med om lag 350 tilsette som leverer legemiddel, apotekvarer og farmasifaglege tenester til spesialisthelsetenesta på Vestlandet. Omsetning er på vel 1,5 milliardar kroner. Føretaket har administrasjon i Bergen, og driv fem sjukehusapotek i Førde, Bergen, Haugesund og Stavanger. Sjukehusapoteka Vest satsar på nye teknologiske løysingar og på tenester som bidreg til auka pasienttryggleik, betra kvalitet og meir effektive tenester i sjukehusa.
Sjukehusapoteka Vest HF skal så langt råd er avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
Sjå nettsida vår for meir informasjon www.sjukehusapoteka-vest.no
- Sektor
- Offentlig
- Sted
- Møllendalsbakken 9, 5009 Bergen
- Bransje
- Farmasi og legemiddel
- Stillingsfunksjon
- IT utvikling / IT-sikkerhet,
- Ledelse,
- Helsepersonell / Farmasøyt
- Arbeidsspråk
- Norsk
Nøkkelord
farmasi, leiing, ikt, legemiddel, sjukehusapotek
Spørsmål om stillingen
- Kontaktperson
- Christer B Frantzen
- Stillingstittel
- Fagdirektør
- Telefon
- 99 64 25 88
Møllendalsbakken 9, 5009 Bergen