Seksjonsleiar IKT og informasjonstryggleik

Sjukehusapoteka Vest HF (SAV) er eit av fem sjølvstendige helseføretak eigd av Helse Vest RHF. Føretaket er del av spesialisthelsetenesta og skal sørgje for at sjukehus og pasientar i Vestland og Rogaland vert sikra legemiddel og høg farmasøytisk kompetanse og tenester. Vår ambisjon er å vere fagleg i front, med sikker og framtidsretta legemiddelforsyning. I pasientbehandlinga leverer vi høgspesialiserte tenester på mange fagfelt.

Våre sjukehusapotek finn du på Haukeland universitetssjukehus i Bergen, Førde Sentralsjukehus, Haugesund sjukehus, Stavanger universitetssjukehus og på Haraldsplass Diakonale Sjukehus i Bergen.

SAV er inne i ei spennande fase, med utvikling og innføring av nye viktige teknologiske løysingar på legemiddelområdet. SAV har samarbeidsavtale med Helse Vest IKT om forvalting og utvikling av system og det pågår viktig arbeid for å auke digitaliseringa av legemiddelområdet i Helse Vest. Vårt ERP-system er SAP, og vi nyttar lagerrobotar og logistikksystemet Castor. Nytt butikk- og resepturdatasystem er under utvikling og ny avdeling for pakking av eindoser er under etablering.

Vi etablerer ny seksjon for IKT og informasjonstryggleik og vi søkjer etter leiar til seksjonen. Som seksjonsleiar vil du ha eit spennande og variert arbeidsfelt, der du får unik moglegheit til å påverke utviklinga av IKT-området som omfattar arbeid med systemarkitektur, informasjonstryggleik samt brukarstøtte og forvalting av viktige system på legemiddelområdet. Du vil samarbeide tett med ny seksjon i SAV for IKT støtte til pasientbehandling innan legemiddelområdet, med fagressursar i SAV og med Helse Vest IKT. Seksjonen inkluderer for tida 5 medarbeidarar med god fagkompetanse innan farmasifag, utvikling, implementering og forvalting av apoteksystem og IKT drift i apotek. Seksjonen er plassert i Økonomi og IKT-avdelinga i Føretaksadministrasjonen. Seksjonsleiar rapporterer til økonomi- og IKT-direktør.

Arbeidsoppgåver

Som leiar for nyetablert seksjon vil du få ei sentral rolle i å forme seksjonen sitt arbeid i samarbeid med sentrale ressursar i SAV og Helse Vest IKT;

• leie arbeidet med IKT-fagleg utvikling, informasjonstryggleik og systemarkitektur i føretaket.
• leie seksjonen sitt arbeid med forvaltning, utvikling/implementering og brukarstøtte for relevante system
• bidra til planlegging på strategisk nivå for IKT-området for å understøtte regional og nasjonal utvikling
• følgje opp deltaking i regionale og nasjonale prosjekt og samarbeidsorgan
• vidareutvikle føretaket sin funksjon for drift - og brukarstøtte
• overordna ansvar for kompetanse- og opplæringsplanar innan IKT i føretaket
• ha ansvar for føretaket sitt IKT budsjett
• ha budsjett- og personalansvar for seksjonen
• bidra med saksførebuing til leiargruppe og andre forum
• delta i prosjektarbeid etter avtale
  

Kvalifikasjonar

• Vi søkjer deg med relevant IKT-utdanning fortrinnsvis på masternivå. Erfaring frå arbeid med informasjonstryggleik og planlegging av systemarkitektur er ein fordel.
• Erfaring frå utvikling og implementering av IKT-løysingar i større organisasjonar er ein fordel
• Leiarerfaring og god rolleforståing blir vektlagt.
• Du må kunne kommunisere godt skriftleg og munnleg på norsk og engelsk
• Erfaring frå apotekverksemd eller føretak innan helsenæringa kan vere ein fordel.

Personlege eigenskapar

• Som seksjonsleiar for IKT og informasjonstryggleik må du ha gode samarbeidseigenskapar.
• Du børlike utfordringar, være strukturert, ryddig, serviceinnstilt og kvalitetsbevisst.

Vi tilbyr

• ein spennande arbeidsplass i ein kunnskapsorganisasjon
  
• arbeid med modernisering, utvikling og fornying
  
• ansvar og oppgåver med høve til påverknad og personleg utvikling
  
• eit godt arbeidsmiljø med dyktige og motiverte kollegaer
  
• medlemskap i KLP som sikrar gode pensjonsrettar
  
• løn etter avtale

Ver venleg å laste opp attestar, vitnemål og eventuell anna relevant dokumentasjon i søknaden.

Mangfoldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.