Er du vår nye byggdriftar?

Direktoratet for samfunnstryggleik og beredskap (DSB) søkjer etter ein engasjert og sjølvstendig byggdriftar til ei spennande stilling i Tønsberg. Som byggdriftar vil du ha varierte arbeidsoppgåver innanfor dagleg drift, praktiske gjeremål, økonomi, avtaleoppfølging og tryggleikstiltak. Vi ser etter deg som har god gjennomføringsevne og er ein løysingsorientert lagspelar!

Du får ansvaret for

• dagleg oppfølging og drift av bygningsmasse og uteområde tilknytt kontoret i Tønsberg
• oppfølging av Sentral Drift (SD)-systemet og andre tryggleikssystem knytt til mellom anna fysisk sikring, tilgangskontroll og brannvern
• daglege forefallande oppgåver etter behov
• inngåing og oppfølging av service- og vedlikehaldsavtalar
• budsjett- og økonomioppfølging
• planlegging og gjennomføring av mindre prosjekt
• oppfølging av rutinar og internkontroll knytt til drifta
• tilrettelegging for miljøvennleg og berekraftig drift

Kvalifikasjonar

Du må ha:

• teknisk utdanning eller minimum fagbrev som byggdriftar eller anna relevant fagbrev. Utanlandsk utdanning må vere godkjent av NOKUT
• relevant erfaring frå eigedomsdrift eller prosjektleiing
• gode IT-kunnskapar og praktisk erfaring med moderne dataverktøy som t.d. drifts- og styringssystem
• god munnleg og skriftleg framstillingsevne på norsk
• førarkort klasse B
• følgjande personlege eigenskapar
• lagspelar
• god gjennomføringsevne
• sjølvstendig
• initiativrik
• løysingsorientert

Vi ønskjer at du har:

• erfaring med tryggleikstiltak i bygg
• erfaring med tekniske teikningar / handtering av teikningar
• kjennskap til relevante lover og forskrifter

Vilkår

Fast stilling som driftsleiar (stillingskode 1137) med årsløn frå kr 532 200-692 400 (lønstrinn 54-70)

Tryggleiksklarering

Personen som får tilbod om stillinga, må kunne tryggleiksklarerast til nivå HEMMELEG før tiltreding.

Om avdelinga, seksjonen og stillinga

Seksjon for tryggleiksstyring og drift er éin av to seksjonar ved Avdeling for juridisk og tryggleik. Seksjonen har ansvaret for det førebyggjande tryggleiksarbeidet i DSB og for drifta av DSB-hovudkontoret.

Om stillinga:

I denne stillinga skal du bidra til effektiv og sikker drift, slik at DSB kan oppretthalde funksjonane sine både ved normal drift og ved auka beredskap. Oppgåvespennet er stort, og du må ha evne til å sjå kva som skal gjerast, kunne utføre enkelte praktiske oppgåver, vere systematisk, og ha forståing for økonomi og avtaleoppfølging. Vi ser etter deg som er sjølvstendig og serviceinnstilt!

Du må som hovudregel vere fysisk til stades ved kontoret vårt i Tønsberg, då oppgåvene krev løpande oppfølging og nærvær.

Om DSB

DSB (Direktoratet for samfunnstryggleik og beredskap) skal ha oversikt over risiko og sårbarheit i samfunnet. Vi er pådrivarar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 700 tilsette. DSB er underlagt Justis- og beredskapsdepartementet.

Om å jobbe i DSB

Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsprdningar. For å arbeida i DSB må du vera tryggleiksmessig skikka og medverke til ein god kultur for tryggleik.

Hos oss får du

• medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på www.spk.no
• fleksibel arbeidstid
• bedriftshelseteneste
• høve til å trene i arbeidstida
• tilrettelagt for mobilt kontor når det er føremålstenleg

I Arbeidsgivarportalen kan du lese meir om goda ved å jobbe i staten: https://arbeidsgiver.dfo.no/lonn-goder-og-reise

Offentleg søkjarliste

Det vil bli utarbeidd ei offentleg søkjarliste når søknadsfristen går ut. Opplysningar om søkjaren kan bli offentleggjorde sjølv om søkjaren har bede om ikkje å bli ført opp på søkjarlista, jf. offentlegheitslova §25.

Praktisk informasjon om søknadsprosessen

Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du viser både i søknadsbrevet og CV-en korleis kompetansen din oppfyller kvalifikasjonskrava som står i utlysinga. Det er viktig at du registrerer all relevant utdanning og erfaring i profilen du opprettar i rekrutteringssystemet. Dette gir ein strukturert CV og sikrar at vi har opplysningane vi treng. I tillegg ber vi om at du lastar opp både søknadsbrevet og CV-en som vedlegg i PDF-format. Vi tar imot søknader på begge målformar. DSB vil vurdere å gjennomføre bakgrunnssjekk før tilsetting. Interne søkjarar må sende inn søknaden i DFØ HR.

Ikkje nøl med å ta kontakt dersom du har spørsmål! Kontaktperson er

fungerande seksjonssjef Marte Cecilie Ervik: |e-post marte.ervik@dsb.no|telefon 33 41 27 67

Velkomen som søkjar hos oss!