Fagsjef sjukehusleveransar

Sjukehusapoteka Vest er det største farmasifaglege miljøet på Vestlandet og føretaket inngår i Helse Vest RHF. Vi har ei årleg omsetning på om lag 1,5 milliardar kroner, har sterkt aukande aktivitet og er i teknologisk front med elektroniske løysingar. Vår erfarne fagsjef for sjukehusleveransar planlegg å gå av med pensjon og vi søker etter deg som brenn for sjukehusfarmasi og kvalitet, og som har ønskje om å vidareutvikle og ta eigarskap til rolla.
Stillinga har ei sentral rolle i å sikre gode og stabile leveransar av legemiddel til sjukehusa og rapporterer til fagdirektør. Arbeidsstad er ved Fagavdelinga/Føretaksadministrasjonen i Bergen.

Arbeidsoppgåver

• Samarbeide med apotekarar og avdelingsleiarar om utvikling av vare- og tenestelevering til sjukehusa i regionen
• Leie faggruppe for sjukehusleveransar og regional gruppe med koordinatorar for kliniske utprøvinger
• Vere prosesseigar for arbeidsprosessar på områda sjukehusleveransar og kliniske utprøvingar
• Ha nært samarbeid med andre prosesseigarar og systemansvarlege for fagsystem om optimalisering av arbeidsprosessar, digitalisering og innføring av eindosepakka legemiddel
• Medverke til at SAV følgjer opp helseføretaka sine behov i tråd med nasjonal satsing på kliniske legemiddelstudier
• Oppfølging av farmasifagleg kompetanseutvikling på ansvarsområdet
• Vere representant for føretaket i ulike nasjonale samarbeidsfora
• Førebu saker til ulike nasjonale og regionale møter, føretaksleiing og styre
• Bidra til ulike utviklingsprosjekt

Kvalifikasjonar

Vi ønskjer deg som

• Er farmasøyt (Bachelor/MSc farmasi) og som gjerne har erfaring frå arbeid med vare- og tenestelevering i spesialisthelsetenesta
• Har leiarerfaring
• Har god IKT-kompetanse og systemforståing
• Har god munnleg og skriftleg framstillingsevne

Personlege eigenskapar

• Nytenkande lagspelar som ønskjer å delta i utforming av framtidige løysingar for levering av legemiddel og farmasifaglege tenester til sjukehusa i Helse Vest
• Endringsdyktig, ansvarleg, tar initiativ og medverker til å utvikle og forbetre arbeidsprosessar
• Interesse for og ønskje om å utvikle eigne leiaregenskapar
• Fleksibilitet til å ta på seg nye arbeidsoppgåver

Vi tilbyr

• Fast stilling
  
• Fleksibel ordning for arbeidstid
• God pensjons- og forsikringsordning
• Løn etter avtale
• Føretaksadministrasjonen held til i moderne lokale i Møllendalsbakken 9 og har eit godt og uformelt arbeidsmiljø

Ver venleg å laste opp attestar, vitnemål og eventuell anna relevant dokumentasjon i søknaden.

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.