Rådgjevar strategisk HR

DSB søkjer etter ein ny kollega med kompetanse innanfor strategisk HR. Som ein del av HR-avdelinga skal du assistere leiarar og tilsette slik at vi saman kan levere på samfunnsoppdraga som DSB har. Du skal vere pådrivar i utviklingsarbeid og ha auge for framtidsretta måtar å jobbe på.

Vi ser etter deg som er utviklingsorientert, har god relasjons- og organisasjonsforståing, solid digital kompetanse og gode kommunikasjonsevner.

Oppgåver

• ansvar for å vidareutvikle system for kompetanseutvikling
• bidra i prosessar knytt til organisasjonsutvikling/-design
• ansvar for å følgje opp og vidareutvikle arbeidet med likestilling og mangfald i DSB
• bidra i utgreiingar og analysar på HR-området
• bidra i arbeidet med HMS

Kvalifikasjonar

Du må ha:

• relevant mastergrad. Bachelorgrad og særleg relevant erfaring kan kompensere for kravet til mastergrad. Utanlandsk utdanning må vere godkjend av NOKUT
• solid digital kompetanse
• særs god munnleg og skriftleg framstillingsevne på norsk
• kunnskap om ei eller fleire av oppgåvene som er skisserte ovanfor
• følgjande personlege eigenskapar:
• strukturert og analytisk
• utviklingsorientert
• gjennomføringsevne
• relasjonsbyggjar

Vi ønskjer at du har erfaring frå:

• organisasjonsutvikling og endringsprosessar
• arbeid med kompetanseutvikling
• analyse- og utgreiingsarbeid

Vilkår

Fast stilling som rådgjevar (stillingskode 1434) med årsløn frå kr 615 700 - 667 700 (lønstrinn 63-68), eller som seniorrådgjevar (stillingskode 1364) med årsløn frå kr 667 700 - 821 100 (lønstrinn 68-78).

Om avdelinga og stillinga

DSB er ein kompleks organisasjon som omfattar mange ulike fagområde og eit breitt spekter av profesjonar og kompetanseområde. Avdelinga for HR har ein sentral HR-funksjon som støttar opp om heile verksemda. Avdelinga har ansvar for områda rekruttering, kompetanseutvikling, leiarutvikling, personalforvalting, løn og organisasjonsutvikling, medråderett og HMS. I denne stillinga kjem du til å jobbe med oppgåver innanfor eit breitt felt av desse områda. Avdelinga for HR har 13 medarbeidarar med brei kompetanse innanfor HR-faget.

Dette er ei fagleg utfordrande og spennande stilling i ei verksemd med dyktige og engasjerte medarbeidarar og eit viktig samfunnsoppdrag.

Om DSB

DSB (Direktoratet for samfunnstryggleik og beredskap) skal ha oversikt over risiko og sårbarheit i samfunnet. Vi er pådrivarar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 700 tilsette. DSB er underlagt Justis- og beredskapsdepartementet.

Om å jobbe i DSB

Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsprdningar. For å arbeida i DSB må du vera tryggleiksmessig skikka og medverke til ein god kultur for tryggleik.

Hos oss får du

• medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på www.spk.no
• fleksibel arbeidstid
• bedriftshelseteneste
• høve til å trene i arbeidstida
• tilrettelagt for mobilt kontor når det er føremålstenleg

I Arbeidsgivarportalen kan du lese meir om goda ved å jobbe i staten: https://arbeidsgiver.dfo.no/lonn-goder-og-reise

Offentleg søkjarliste

Det vil bli utarbeidd ei offentleg søkjarliste når søknadsfristen går ut. Opplysningar om søkjaren kan bli offentleggjorde sjølv om søkjaren har bede om ikkje å bli ført opp på søkjarlista, jf. offentlegheitslova §25.

Praktisk informasjon om søknadsprosessen

Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du viser både i søknadsbrevet og CV-en korleis kompetansen din oppfyller kvalifikasjonskrava som står i utlysinga. Det er viktig at du registrerer all relevant utdanning og erfaring i profilen du opprettar i rekrutteringssystemet. Dette gir ein strukturert CV og sikrar at vi har opplysningane vi treng. I tillegg ber vi om at du lastar opp både søknadsbrevet og CV-en som vedlegg i PDF-format. Vi tar imot søknader på begge målformar. DSB vil vurdere å gjennomføre bakgrunnssjekk før tilsetting. Interne søkjarar må sende inn søknaden i DFØ HR.

Ikkje nøl med å ta kontakt dersom du har spørsmål

Kontaktperson er avdelingsdirektør Kirsten Agerup: e-post kirsten.agerup@dsb.no, telefon 33 37 33 14.

Du finn meir informasjon om DSB på www.dsb.no. Velkomen som søkjar hos oss!