Utløpt

Arealplanleggar/miljørådgjevar

Arbeidsgiver: Øystre Slidre kommune
Stillingstittel: Arealplanleggar/miljørådgjevar
Frist: 04.04.2024
Ansettelsesform: Fast

Øystre Slidre kommune har ledig 100 % fast stilling som arealplanleggjar/miljørådgjevar. Vi søker etter deg som har interesse for berekraftig samfunnsutvikling og arealplanlegging, som kan fylle rollen som medarbeidar i dei ulike planprosessane vi jobbar med. Klima og berekraft er på dagsorden, og arbeid knytt til dette vil vere ein viktig del av stillinga.

Stillinga høyrer til under eininga Næring, Plan og Byggesak, kor vi har eit svært godt sosialt og sterkt tverrfagleg arbeidsmiljø, med faglege utfordringar og gode moglegheiter for personleg utvikling. Avdelinga har i dag eit ungt miljø med fagpersonar med variert kompetanse. Stillinga du søker på vil kunne endre seg over tid etter interesser og behov, og den rette kandidaten vil ha moglegheit til å i stor grad forme sin eigen arbeidskvardag.

Arbeidsoppgåver

Utarbeide kommunedel- og temaplanar og faglege analysar som grunnlag for dette planverket
Oppgåver innan miljørådgjeving og utvikling, med ansvar innan klima og klima-tilpassing, verne- og utbyggingsplanar i LNF-område, og andre miljørelaterte oppgåver
Behandling av private planforslag
Utarbeiding av handlingsplanar
Analysearbeid og utarbeiding av utgreiingar og demografisk informasjon som grunnlag for politiske og administrative avgjerder
Oppfølging av kommunen sitt miljøfyrtårnarbeid
Generell informasjon og publikumskontakt

Kvalifikasjonar

Min. 3-årig utdanning frå høgskule/universitet innan planlegging og/eller naturforvaltning. Søkjarar utan etterspurt utdanning, men med relevant arbeidserfaring vil bli vurdert
Relevant arbeidserfaring, gjerne frå kommunal planlegging, og frå miljøområdet
God skriftleg og munnleg formuleringsevne, analytiske evner og interesse for fagområdet
Ansvarsbevisst, med positiv haldning til tverrfagleg teamarbeid. Det er stor variasjon i arbeidsoppgåver, og god fagleg breidde i avdelinga er ynskjeleg
Erfaring med bruk av GIS-verktøy er ein fordel men ikkje eit krav

Personlege eigenskapar

Fagleg engasjert
Inkluderande
Trivast med regelstyrt arbeid
Løysingsorientert
Ynskje om vidareutvikling

Vi tilbyr

Viktig stilling i ei kommune i stor utvikling
Gode pensjons- og forsikringsordningar
Gode lønns- og arbeidsvilkår
Varierte arbeidsoppgåver
Godt arbeidsmiljø med positive og dyktige medarbeidarar

Om arbeidsgiveren

Nasjonalparkkommunen Øystre Slidre ligg ved inngangsporten til Jotunheimen, med Beitostølen som et naturleg utgangspunkt. Vegen er kort til toppturar både sommar og vinter.
Friluftsliv, jakt, fiske og stølsliv er viktig i kommunen. Du finn mellom anna deler av Langsua nasjonalpark, eit stort turløypenett og milevis med skiløyper i heile kommunen. På Valdresflye varar skisesongen lenge. Velkommen til rein naturglede!
Reiseliv og jordbruk er blant dei største næringane, og det finst spanande arbeidsplassar innan fleire bransjar.Øystre Slidre har dei siste åra hatt vekst i folketallet.
Øystre Slidre kommune skal tilby gode tenester til innbyggarar og tilreisande i alle aldersgrupper. Nytt og moderne helsetun stod ferdig i 2021. Eit rikt kulturtilbod, eit godt tilbod til barn og unge og ein unik dugnadsånd er med på å gjere kommunen til ein attraktivt stad å bu.
Gode handelstilbod finn ein både i kommunen og rundt regionsenteret Fagernes.
Vil du vite meir om Valdres? Vi har unik natur, kultur og er ein attraktiv region, sentralt i Norge. Les meir på valdres.no.

Sektor: Offentlig
Sted: Bygdinvegen 1989, 2940 Heggenes
Bransje: Offentlig administrasjon,; Arkitektur, areal og interiør,; Miljøtjenester
Stillingsfunksjon: Arkitekt og planlegging / Arealplanlegger,; Saksbehandler
Arbeidsspråk: Norsk