Driftsteknikar - hjelpemiddelteknikar

Stad kommune har ledig nyoppretta 100 % fast stilling som driftsteknikar til Eining for eigedom, som skal ha ansvar for hjelpemiddel og velferdsteknologi. Vi søkjer deg med utdanning innan elektro/automasjon, eller med erfaring/interesse for fagfeltet. Stillinga er ledig frå 01.04.2024.

Eininga eigedom har ansvar for drift og vedlikehald av bygg. Eininga dekkjer heile Stad kommune sin portefølje av kommunale bygg frå utleigebustadar til institusjonar. Eininga utfører i tillegg oppgåver knytt til hjelpemiddel og velferdsteknologi. Stillinga er ein del av kommunen si auka satsing på bruk av teknologi. Hjelpemiddel og velferdsteknologi er eit av fleire tiltak for at innbyggarane i kommunen skal vere sjølvstendige og kunne bu lenger i eigen heim.

Arbeidsstad er heile Stad kommune med oppmøtestad på Nordfjordeid. Stillinga vil ha eit tett samarbeid med fysio/ergoterapitenesta, NAV hjelpemiddelsentral, heimetenesta og eining eigedom.

Stillinga vil disponere tenestebil.

Arbeidsoppgåver

Driftstekniker skal arbeide med eit breidt spekter av hjelpemiddel og velferdsteknologi. Dette er utstyr som gjev brukarane moglegheit å til meistre kvardagsaktiviteter.

Oppgåvene innebær mellom anna:

• Service/vedlikehald/feilsøking, montering/demontering av tekniske hjelpemidler og bestilling av deler til utstyr som er lånt ut av NAV Hjelpemiddelsentralen, samt hjelpemiddel og velferdsteknologi som kommunen eig
• Transport, mottak og retur av hjelpemiddel
• Logistikk og planlegging
  
• Direkte kontakt med tilsette og brukarar , ta i mot, prioritere og dokumentere tilvisingar/oppdrag
• Samarbeid med ergo- og fysioterapeutar og andre om å tilrettelegge tenelege og praktiske løysingar for brukarar
• Informasjon, rettleiing og opplæring i høve teknologi og hjelpemiddel til tilsette og brukarar
• Vere delaktig i kommunen si vidare satsing på velferdsteknologi, til dømes oppfølging av pasientvarslingssystem og innføring av e-lås i 2024
• Tenesta skal utførast primært i brukarane sin heim og på institusjon
• Driftsteknikar oppdrag på bygg

Kvalifikasjonar

• Fagbrev i elektriske eller mekaniske fag, dokumentert erfaringsbasert kompetanse tilsvarande fagbrev kan vurderast
• Kompetanse og erfaring frå teknisk, praktisk arbeid og bruk av ulike verktøy er ein fordel
• Kunne utføre enklare programmering av hjelpemiddel og velferdsteknologi
• IKT kompetanse, tileigne seg bruk av kommunen sine fagverktøy, til dømes elektronisk journalsystem
• Gode samarbeids- og kommunikasjonsevner
• Serviceinnstilt og omstillingsdyktig
• Sjølvstendig og løysingsorientert
• Beherske norsk godt, både munnleg og skriftleg
• Sertifikat klasse B, og helst BE
  
  Ein del av arbeidsoppgåvene kan vere fysisk krevjande. Ein vil få naudsynt kursing og rettleiing for å ivareta helse-, miljø og tryggleik.

Personlege eigenskapar

• Gode evner til relasjonsbygging og kommunikasjon både muntleg og skriftleg
• Samarbeids- og omstillingsviljug
• Godt humør
• Personlig egnahet og hensyn til samansettinga for øvrig i arbeidsmiljøet vil bli vektlagt ved utvelgelsen
• Kan arbeide sjølvstendig og saman med andre
• Allsidig person med initiativ og serviceinnstilling
  

Vi tilbyr

• Utfordrande og svært varierte arbeidsoppgåver – ikkje ein dag er lik!
• Godt arbeidsmiljø
• Løn etter kommunale vilkår i samsvar med gjeldande lov- og avtaleverk
• Gode pensjons- og forsikringsordningar

Stad kommune har 6 månader prøvetid. Attestar og vitnemål skal lastast opp saman med søknaden.

Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.

Dersom du har spørsmål om utlysninga kan du ta kontakt med einingsleiar eigedom, Tore Nyhammer-Taklo.