Er du vår nye kommunikasjonsrådgivar for internasjonale aktivitetar
- Arbeidsgiver
- Norges Handelshøyskole (NHH)
- Stillingstittel
- Kommunikasjonsrådgivar - internasjonale aktivitetar
- Frist
- 07.04.2024
- Ansettelsesform
- Fast
Kommunikasjonsrådgivar - internasjonale aktivitetar
Om stillinga og avdelinga
Vi søker ein initiativrik kommunikasjonsrådgivar med erfaring frå internasjonale samarbeid. Vår nye medarbeidar skal løyse ei rekke oppgåver knytt til internasjonal aktivitet med særskilt ansvar for kommunikasjonsarbeid i den europeiske universitetsalliansen ENGAGE.EU (https://www.nhh.no/om-nhh/internasjonale-nettverk/engage.eu/). I tillegg vil du følge opp anna utviklingsarbeid ved NHH knytt til rankingar, akkrediteringar og samspel med nærings- og samfunnsliv. Arbeidsoppgåvene er varierte. Vi ønsker derfor ein kommunikasjonsrådgivar som er god til å bygge relasjonar, har strategisk forståing og er operasjonell og initiativrik i det daglege arbeidet.
Stillinga som rådgivar for internasjonale relasjonar inngår i Avdeling for kommunikasjon og samfunnskontakt, som har 17 tilsette. Arbeidet med ENGAGE.EU utførast i tett samarbeid med koordinator for alliansen og resten av prosjektteamet.
Hovudoppgåver
- bidra til utvikling av kommunikasjonsarbeidet knytt til internasjonale initiativ ved NHH
- delta i internasjonale operative arbeidsgrupper som jobbar med kommunikasjon og effektmåling av aktivitetar i ENGAGE.EU, herunder publisering i ulike kanalar
- synleggjere arbeidet i ENGAGE.EU i NHHs kanalar, internt og eksternt og sjølv bidra med innhald
- bidra i utvikling av partnarskap, alumniarbeid og næringslivsprogram i Engage.Eu
- ta initiativ til tiltak som kan styrke vårt arbeid med rankingar og akkrediteringar
- koordinere internasjonale aktivitetar i vårt samspel med samfunns- og næringsliv
Du må regne med noko reising i stillinga, og over tid kan det bli endringar i arbeidsoppgåver.
Kvalifikasjonskrav
- utdanning på masternivå (relevant realkompetanse kan i unntakstilfelle erstatte utdanningskravet)
- minimum tre års relevant erfaring
- svært gode kunnskapar i norsk og engelsk, munnleg og skriftleg
- evne til å skrive redaksjonelle tekstar
- gode digitale ferdigheiter
Det er ein fordel med
- internasjonal erfaring i form av arbeids- og/eller studieopphald i utlandet
- erfaring med utviklingsarbeid
Personlege eigenskapar
- gode kommunikasjonsevner
- fleksibel og initiativrik relasjonsbyggar med gode samarbeidseigenskapar
- utviklingsorientert med evne til å kombinere strategisk forståing og operasjonelle handlingar
- strukturert, målretta og med høg gjennomføringsevne
- trivst med varierte utfordringar, høgt tempo og knappe fristar
NHH kan tilby
- varierte faglege utfordringar
- gode utviklingsmoglegheiter
- eit godt arbeidsmiljø
- fleksibel arbeidstidsordning
- gode forsikrings-, pensjons- og låneordningar i Statens pensjonskasse
- inkluderande arbeidsliv
- velferdsgode som subsidiert trening og bedriftshytte
Stillinga har kode 1434 - rådgivar og er lønna etter lønnsregulativet til staten med kr 615 000 - 700 000 per år avhengig av kvalifikasjonar. For særleg kvalifiserte søkjarar kan høgare løn bli vurdert. Eit innskot på to prosent til Statens pensjonskasse blir trekt frå løna. I tillegg betalar NHH for tida 10 prosent i pensjonsinnskot.
Generell informasjon
NHH legg vekt på mangfald. Vi oppmodar derfor alle som er kvalifiserte om å søkje stillinga utan omsyn til kjønn, alder, funksjonshemming, kulturell bakgrunn og/eller hol i CV-en.
Vi gjer merksam på at opplysningar om søkjarar kan bli offentleggjorde sjølv om søkjaren har bede om å bli unnateken frå søkjarlista. Søkjarar vil bli informerte om dette på førehand.
Dersom du ønskjer meir informasjon om stillinga, kan du ta kontakt med seniorrådgivar Sigrid Folkestad, Avdeling for kommunikasjon og samfunnskontakt. E: sigrid.folkestad@nhh.no. M: 915 76 892.
Om arbeidsgiveren
Noregs handelshøgskole (NHH) er ein av dei leiande handelshøgskolane i Europa. Vi er internasjonalt akta for forskingsmiljøet vårt, og vi utdannar framtidas økonomar og leiarar. NHH er førstevalet til studentar som skal ta økonomisk-administrativ utdanning i Noreg. Vi har om lag 3 600 studentar og 450 tilsette.På NHH arbeider vi saman for berekraftig verdiskaping.
Høg kvalitet, solid etisk standard og innsats for felles mål pregar all verksemda vår. Høgskolens kjerneverdiar engasjert, open og ambisiøs står sentralt for tilsette og studentar.NHH – for deg som vil noko meir!
- Sektor
- Offentlig
- Sted
- Helleveien 30, 5045 Bergen
- Bransje
- Forskning, utdanning og vitenskap,
- Økonomi og regnskap
- Stillingsfunksjon
- Journalist,
- PR og informasjon,
- Rådgivning
Spørsmål om stillingen
- Kontaktperson
- Sigrid Folkestad
- Stillingstittel
- Seniorrådgivar
- Telefon
- 91 57 68 92
Helleveien 30, 5045 Bergen