Apotekteknikarar til Sjukehusapoteket på Haukeland

Sjukehusapoteka Vest HF er eit av fem sjølvstendige helseføretak eigd av Helse Vest RHF. Sjukehusapoteka er del av spesialisthelsetenesta og skal sørgje for at sjukehus og pasientar i Vestland ogRogaland vert sikra legemiddel og høg farmasøytisk kompetanse og tenester.
Sjukehusapoteket i Bergen leverer legemiddel og farmasifaglege tenester til Helse Bergen, og er eit av landets største apotek med omlag 130 tilsette. Sjukehusapoteket har fem avdelingar innan forretningsområda publikumsapotek, produksjon, sjukehusekspedisjon og farmasøytiske tenester.

Publikumsapoteket levèr legemiddel og tenester til pasientar, pårørande og tilsette ved sjukehuset og med høg aktivitet søkjer vi no etter apotekteknikar for tilsetting i fast stilling. Vi søkjer ein ny medarbeidar som er serviceinnstilt, ansvarsfull og sjølvstendig. Avdelinga har vel 30 tilsette og eit godt fagmiljø med gode muligheter for fagleg og personleg utvikling.

Produksjonsavdelinga har auka oppdragsmengde og omfattande produksjonsverksemd og vi søkjer nå to apotekteknikarar til faste stillingar. Avdelinga er delt i to seksjonar, cytostatika (CYT) og steril/ikkje steril produksjon (SIP). Kvar seksjon består av omlag 25 medarbeidarar. Vi produserar cytostatikakurar til pasientar til Helse Bergen og sterile produkt som total parenteral ernæring (TPN), smerteblandingar og andre aseptisk framstilte legemiddel. Samtidig produserar vi ikkje-sterile legemiddel som miksturar, kasplar og dosepulvar.

Våre nye kollagar bør trivst med produksjonsarbeid i og utanfor isolatorar i ein travel avdeling med høgt volum, og som kan finne seg til rette som del av eit større fagmiljø.

For å sørgje for fagleg utvikling hjå våre medarbeidarar og ivareta apotekets heilhetlege behov kan stillingane bli delt mellom fleire avdelingar. Kva avdeling ein startar i kjem an på erfaring, personleg eignaheit og ei heilskapleg vurdering i apoteket. Det kan bli aktuelt å tilsette i fleire stillingar.

Arbeidsoppgåver

Arbeidsoppgåver i Publikumsavdelinga til dømes:

• kundebehandling i reseptur og sjølvvalg
• varehandtering og oppgåver knytt til logistikk
• kontakt med sjukehusavdelinger
• vaksinering
• andre oppgåver kan bli aktuelt

Arbeidsoppgåver i tilsetningsproduksjon er til dømes:

• produksjon av cytostatika til pasientar i Helse Bergen
• produksjon av total parenteral ernæring (TPN), smerteblandingar og andre tilsetningar
• andre oppgåver kan bli aktuelt
  

Arbeidsoppgåver i steril/ikkje-steril produksjon er til dømes:

• framstilling av ikkje-sterile legemiddel som mikstur, kapslar, dosepulver, salve/krem mm til den enkelte bestilling
• førebuing til og dokumentasjon av framstilling
• ordrehåndtering og pakking til forsendelse
  

Andre oppgåver relatert til logistikk, vedlikehald og/eller validering kan og bli aktuelt

Kvalifikasjonar

• Du har norsk autorisasjon som apotekteknikar
• Gode norskkunnskapar, skriftleg og munnleg
• Gode IKT-kunnskapar

Personlege eigenskapar

• Du er positiv, serviceinnstilit, ansvarsbevisst og samarbeider godt med andre.
• Du har eit godt auge for detaljar og er opptatt av kvalitet i arbeidet.
• Du trivs i eit hektisk miljø og taklar stressande periodar.
• Du arbeidar sjølvstendig og bidreg til eit godt arbeidsmiljø.
• Det vil bli lagt vekt på å vera personleg eigna for stillingane.

Vi tilbyr

• Naudsynt opplæring
• Stilling i eit stort og inspirerande farmasifagleg miljø med fokus på kvalitet og kompetanse
• Høve til fagleg og personleg utvikling
• Løn i samsvar med gjeldande overeinstkomst

Ver venleg å laste opp attestar, vitnemål og eventuell anna relevant dokumentasjon i søknaden.

Mangfoldserklæring

Føretaksgruppa i Helse Vest ønskjer å spegle mangfaldet i befolkninga i rekrutteinga vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.