Apotektekniker

Sjukehusapoteka Vest HF er eit av fem sjølvstendige helseføretak eigd av Helse Vest RHF.
Sjukehusapotekaer del av spesialisthelsetenesta og skal sørgje for at sjukehus og pasientar i Rogaland og Vestland vert sikra legemiddel og høg farmasøytisk kompetanse og tenester. Sjukehusapoteket i Stavanger leverer legemiddel og farmasifaglege tenester til Helse Stavanger, og er eit av landets største apotek med omlag 80 tilsette.

Sjukehusapoteket har fire avdelingar: Produksjonsavdeling, publikumsapotek, sjukehusekspedisjon og avdeling for farmasøytiske tenester. Avdelingane ved sjukehusapoteket samarbeider tett og har eit godt og spennande fagmiljø. Å jobbe som apotektekniker hjå Sjukehusapoteka er fagleg utfordrande og vi kan tilby varierte arbeidsoppgåver.

Vi er i stadig vekst, og søker denne gong etter nye engasjerte tilsette til produksjonsavdelinga og sjukehusekspedisjonen. I begge avdelingane utfører apotekteknikarar fleire viktige oppgåver, både i dagleg drift i apoteket og i utføring av tenester for Helse Stavanger.

Sjukehusekspedisjonen har per i dag 26 tilsette, der 16 er apotekteknikarar.Apotekteknikarane er viktige i arbeidet med å avlaste sjukepleiarar og andre sjukehusansatte med oppgåver der apotekansatte har gode føresetnadar for å gjere arbeidet meir effektivt. Apoteket leverer i dag desse tenestene, og det er forventa auke i alle tre i framtida:

• Apotekstyrt legemiddellager: Apotekteknikar tek legemiddelbestilling for ei sjukehusavdeling basert på ei forhåndsavtalt basisliste, og held orden i medisinlager
• Apotekstyrt legemiddeltilberedning: Apotekteknikar klargjer antibiotika og andre legemiddel som skal gis intravenøst på post. Per i dag leveres denne tenesta til 5 avdelingar
• Trallelegging: Apotekteknikar legger klar tabletter til enkeltpasienter på nokre postar

Utanom desse tenestene gjer apotekteknikarar klar legemiddelbestillingar til alle avdelingar i Helse Stavanger og jobbar med logistikk og varehandtering. I løpet av ein arbeidsdag er apotekteknikaren innom fleire arbeidsoppgåver.

Produksjonsavdelinga har per i dag 34 tilsette, der 20 er apotekteknikarar. Etter Helse Stavanger opnar nytt sjukehus på Ullandhaug flytter produksjonsavdelinga inn i større lokaler med høgare kapasitet.

Produksjonsavdelinga framstiller legemiddel som ikkje er tilgjengeleg frå andre leverandørar, eller som må tilberedast kort tid før bruk. Ein stor del av legemidla som vert produsert er tilpassa den enkelte pasient, dette gjeld spesielt born og kreftpasientar. Produksjonav legemiddel blir gjort av apotekteknikarar i reinrom etter prosedyrer som er utarbeida i samsvar med gjeldande regelverk for produksjon av legemiddel.

Arbeidstider i begge avdelinger er i tidsrommet 7-16 på kvardagar, samt 8.30-13.15 laurdagar i sjukehusekspedisjonen.

Vi forventar ikkje at du har erfaring med oppgåvene frå før, men at du har pågongsmot og interesse for å lære.

Våre nye medarbeidarar må førebu seg på at stillinga kan bli delt mellom fleire avdelingar etter kvart, basert på kompetanse, tidlegare erfaring og ei heilskapleg vurdering av behovet i apoteket.

Arbeidsoppgåver

Oppgåver kjem an på avdelinga stillinga er plassert i:

• Produksjonsavdelinga: Klargjering og aseptisk framstilling av legemiddel til intravenøs bruk.
  
• Sjukehusekspedisjonen: Forsyning av legemiddel og andre apotekvarer til sjukehuset, samt utføring av apotekstyrte tenester.
• Andre oppgåver i avdelingane kan tilfalle ved behov

Kvalifikasjonar

• Det er ynskjeleg med norsk autorisasjon som apotekteknikar eller anna relevant helsefagleg utdanningsbakgrunn
• Bestått 3-årig vidaregåande skule
• Vi ser både etter nyutdanna apotekteknikarar, du som har jobba i apotek og ynskjer å prøve noko nytt, eller du som har jobba i andre sektorar og no ynskjer nye utfordringar i eit sjukehusapotek
• Gode norskkunnskapar, skriftleg og munnleg
  

Personlege eigenskapar

• Du ynskjer å bidra til gode tenester for sjukehusa
• Du bidrar til eit godt arbeidsmiljø ved å vere positiv, fleksibel og samarbeide godt med andre
• Du er nøyaktig og er oppteken av kvalitet i arbeidet
• Du kan jobbe sjølvstendig og tek ansvar
• Du trivst med nye arbeidsoppgåver og ein variert arbeidsdag
• Det vil bli lagt vekt på å vera personleg eigna for stillinga
  
  

Vi tilbyr

• Stilling i eit stort og inspirerande farmasifagleg miljø med fokus på kvalitet og kompetanse
• Høve til fagleg og personleg utvikling
• Naudsynt opplæring
• Løn i samsvar med gjeldande overeinstkomst

Ver venleg å laste opp attestar, vitnemål og eventuell anna relevant dokumentasjon i søknaden.

Mangfoldserklæring

Føretaksgruppa i Helse Vest ønskjer å spegle mangfaldet i befolkninga i rekrutteinga vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.