Kontaktperson barnevern

Om stillinga

Aurland og Lærdal barnevern har ledig 100% fast stilling som kontaktperson frå snarast. Me er ei interkommunal teneste som dekker kommunane Aurland og Lærdal. Aurland er vertskommune og me er organisert under kommunalområde oppvekst.

Du bør ha god relasjonskompetanse og evne til å samarbeide både med andre tenester og familiar. Oppmøtestad er Aurland rådhus, men arbeidet skal utførast begge kommunar.

Tenesta er med i eit læringsnettverk kring kompetanse og system for rettleiing, samt at me er aktivt deltakande i utviklingsprosessar på oppvekstområdet i begge kommunar. Me oppmodar om, og legg til rette for, relevant vidareutdanning.

Arbeids- og ansvarsområde

·        Sakshandsaming etter Lov om barnevern

·        Samtalar med barn, unge og vaksne

·        Partsrepresentant i ulike rettsinstansar

·        Samarbeid med aktuelle instansar kring barn og familiar

·        Foreldrerettleiing

·        Arbeidsoppgåvene kan endrast utifrå behov i tenesta

Me tilbyr

·        Ei utfordrande stilling med moglegheit for utvikling og fagleg påverknad

·        Bli ein del av ein triveleg arbeidsplass der arbeidsmiljø står i sentrum

·        Gode pensjons- og forsikringsordningar

·        Løn etter tariff

·        Gratis inngang til treningsrom i Aurlandshallen

·        Gratis inngang til symjehallen

·        Hjelp til å skaffe bustad

·        Hjelp til å skaffe jobb til partnar

 Kvalifikasjonar

·        Minimum bachelor i barnevern eller sosialt arbeid. Andre helse- og sosialfaglege utdanningar kan vere aktuelle, som t.d vernepleiar

·        Det er ynskjeleg med relevant vidareutdanning / master

·        God skriftleg framstillingsevne

·        Relevant erfaring frå sakshandsaming og relasjonsarbeid

·        God barnevernfagleg forståing

Personlege eigenskapar

·        Du arbeider sjølvstendig, strukturert og målretta

·        Du har god relasjonsforståing og eigenrefleksjon

·        Du handterer stress og uventa hendingar

·        Du er ansvarsbevisst og har evne til å ta avgjerder

·        Du kan stå i rettleiing og prosessar over tid

·        Du spelar på lag, tenker heilskap og samarbeid

·        Du har ein open, tydeleg og respektfull kommunikasjon

Våre verdiar er: L-Æ-R, som står for Likeverd, Ærlegdom og Respekt.

Løns- og tilsetjingsvilkår

·        tilsetting, løn og arbeidsvilkår er i samsvar med gjeldande lover, reglement og tariffavtale

·        gode pensjons- og forsikringsordningar

·        politiattest etter barnevernlova må leggast fram innan byrja i stillinga

·        førarkort kl. B

Krav til språk

Du bør kommunisere godt på norsk, både munnleg og skriftleg. Aurland kommune nyttar nynorsk som målform.