Servicekokk til Alsaker Fjordbruk sitt nye administrasjonsbygg

Alsaker Fjordbruk gler seg over at det nye administrasjonsbygget på Onarheim ventar å stå klart på ettersommaren 2024, og me søkjer no ein dedikert servicekokk til kantina vår.

Det nye administrasjonsbygget vårt vert hjartet i konsernet, og ein naturleg arena for ulike samlingar som kurs, møte og føredrag. Somme tider kan det verta arrangement på ettermiddag/kveld.

Servicekokken vil dagleg servere kald og varm lunsj til dei tilsette. Ved enkelte samlingar/kurs kan det også vera aktuelt med frukost og middag.

Som servicekokk hjå oss er du bevisst på kor viktig god service er for bedrifta. Du har pågangsmot, er opptatt av trivsel og du ynskjer å vera med å påverke din eigen arbeidskvardag og arbeidsstad.

Servicekokken kan også bli involvert ved ulike anledningar, som t.d. festlege lag i regi av Alsaker Fjordbruk eller representasjonar.

Arbeidstida er i hovudsak på dagtid i vekedagar.  Det kan også bli aktuelt med enkelte kveldar/helgar.

Arbeidsoppgåver:

·       Ansvarleg for drifta av kjøkken og kantine, reinhald av kjøkken

·       Planlegging og gjennomføring av varm lunsj og kald buffet

·       Sikre høg kvalitet på mat og IK-matrutinar

·       Ansvarleg for bevertning ved arrangement, kurs og møte

Kvalifikasjonar:

·       Fagbrev som kokk eller tilsvarende relevant erfaring

·       Erfaring med varebestilling og IK-matrutinar

·       Er serviceinnstilt og har gode kommunikasjonsevner

·       Ryddig, effektiv og strukturert

·       Engasjert og med eit godt humør

·       Fleksibel til å trø til ved spesielle anledningar

Me kan tilby:

·       Utfordrande arbeidsoppgåver i eit triveleg og hektisk miljø

·       Ein kjekk arbeidsplass i eit nytt og moderne kontorbygg

·       Konkurransedyktige vilkår

Me kan hjelpa deg å skaffa bustad.