Utløpt

Leiar for Eigedomsavdelinga

Arbeidsgiver: Gloppen kommune
Stillingstittel: Leiar for Eigedomsavdelinga i Gloppen kommune
Frist: 07.04.2024
Ansettelsesform: Fast

Vil du bli være med å utvikle eigedomsmassen til Gloppen kommune? I år skal vi bygge ny skule i Hyen og tenesteleiar for eigedom skal inn i ny rolle som prosjektleiar. Derfor er vi på jakt etter deg som er praktisk, innovativ, strukturert og glad i å jobbe med folk, til å ta over som leiar for eigedomstenesta. Tenesta har ansvar for drift, vedlikehald og fornying og utvikling av heile eigedomsmassen til kommunen som inkluderer mellom anna skuler, barnehagar, omsorgsbygg, administrasjonsbygg og kommunale bustader.

Samtidig som det skal være full aktivitet og effektiv drift i bygningsmassen, må den tilpassast nye krav til energieffektivitet, inneklima og endra bruk. Jobben passer spesielt bra for deg som meistrar å jobbe både med overordna strategisk arbeid og praktisk problemløysing.

Du vil få budsjett- og personalansvar, og blir leiar for ein stor avdeling med om lag tretti tilsette innanfor reinhald og vaktmeistertenesta. Du vil jobbe tett med fagleiar for reinhald og vaktmesterane, dagens leiar for tenesta som skal jobbe som prosjektleiar, i tillegg til dei andre leiarane i Samfunn og berekraft.

Arbeidsoppgåver

Leie og motivere eit team med medarbeidarar
Vere oppdatert på fagområdet og planleggje for god og effektiv eigedomsdrift
Samarbeide med leiarane for tenestene som bruker bygga
Delta i prosjekt og opplæringsaktivitetar innanfor fagområdet
Vere prosjektleiar for små og mellomstore bygge- og rehabiliteringsprosjekt
Utarbeidde og følgje opp budsjett
Rapportere til politisk og administrativ leiing i kommunen

Kvalifikasjonar

Relevant høgare utdanning innan bygg og eigedomsfag
Byggingeniør , fagskuleingeniør
Leiarerfaring er ønskjeleg, men vi oppfordrar og andre med leiarambisjonar om å søkje
Klima og miljø – energieffektivisering
Evne til å jobbe systematisk med byggforvaltning
God skriftleg og munnleg kommunikasjonsevne
Førarkort personbil

Personlege eigenskapar

Evne til å leie, motivere og inspirere medarbeidarar
Engasjert og motivert til å bidra til betre byggforvaltning i kommunen
Evne til å handtere komplekse saker og utfordringar på ein profesjonell måte
Evne til å arbeide sjølvstendig og systematisk
Tar initiativ og liker å lære

Vi tilbyr

Vi tilbyr ein spennande stilling i eit triveleg arbeidsmiljø. Du vil ha moglegheit til å bidra til ein berekraftig byggforvalting som er essensielt for å gje innbyggjarane gode og effektive tenester. Du vil få ein variert arbeidskvardag medpersonalleiing, kontorarbeid og praktisk oppgåveløysing saman med dedikerte medarbeidarar. Du vil bli kjent med kommunen og få relevant fagleg utvikling. Lønn etter avtale og fleksibel arbeidstid.

Om arbeidsgiveren

Gloppen kommune, med Sandane som kommunesenter, har om lag 5.800 innbyggjarar og er ein del av Nordfjord sin felles bu- og arbeidsmarknad på 40 – 50.000 menneske. Flyplassen i Nordfjord - Sandane lufthamn - ligg i Gloppen, og vi har gode kommunikasjonar til resten av fylket og landet.
Kommunen har eit stort og aktivt miljø innan musikk, idrett og kultur, og kommunen har vore kåra som både årets kulturkommune og årets musikkommune. Vi har flott natur og det er godt tilrettelagt for friluftsliv sommar som vinter. Vi har symjehall, idrettshall, kino og konsertsal. Fine forhold for stisykling. Her er alpinsenter og fleire langrennsløyper.
Gloppen har gode barnehagar og skular, og gode offentlege tenester. Kommunen har i tillegg til grunnskule og kulturskule også folkehøgskule og vidaregåande skule. Næringslivet i kommunen er variert og prega av optimisme.

Nettverk: Facebook
Sektor: Offentlig
Sted: Grandavegen 9, 6823 Sandane
Bransje: Bygg og anlegg,; Drift og vedlikeholdstjenester,; Eiendom
Stillingsfunksjon: Ingeniør,; Ledelse
Arbeidsspråk: Norsk