Vil du vera med å bygge eit trygt og kompetent arbeids- og læringsmiljø på Brann- og redningsskolen?

DSB søker etter deg som ønsker å drive systematisk HR- og HMS-arbeid i ei verksemd med stort fokus på kompetanse, helse og tryggleik.

Brann- og redningsskulen er ein organisasjon i vekst og ønsker å styrke arbeidet innan HR. Me treng deg som tek initiativ til å få ting gjort, som ser utviklingspotensiale, og likar å arbeide systematisk for å gjennomføre endringar. Vi ønsker at vår nye HR-rådgjevar har solid kompetanse innan strategisk HMS-arbeid. Du må trivast med å samhandle med menneske i ulike roller og funksjonar.

Ansvar og arbeidsoppgåver

• strategisk og operativt HR-arbeid
• leiarstøtte og saksførebuing i rekruttering og HR-saker
• sikre oppdaterte prosedyrar, retningsliner og informasjon
• leiarstøtte i prosessar innan HMS, arbeidsmiljøspørsmål og inkluderande arbeidsliv
• saksførebuing til AMU, samhandling med vernetenesta og BHT
• bidra i organisasjons- og kompetanseutvikling
• bistå og utføre kompetanseheving i organisasjonen

Kvalifikasjonar

Du må ha:

• relevant bachelorgrad som t.d. HR, leiing, HMS. Annan relevant utdanning og arbeidserfaring kan erstatte kravet om bachelorgrad. Utanlandsk utdanning må vera godkjent av NOKUT
• erfaring med systematisk HR- , HMS- og/eller kvalitetsarbeid
• god organisasjons- og prosessforståing
• god skriftleg og god munnleg formidlingsevne på norsk, ev anna skandinavisk språk
• god digital forståing

Personlege eigenskapar:

• lagspelar
• gode kommunikasjonsevner
• strukturert
• utviklingsorientert
• god gjennomføringsevne

Vi ønsker at du har:

• interesse for og erfaring med utvikling av arbeidsmiljø- og organisasjonskultur
• relevant erfaring frå saksbehandling

Vilkår

• årsløn frå kr 532 200 til 635 400 (lønstrinn 54 - 65) i stillingskode 1434 rådgjevar eller årsløn frå kr 604 900 til 732 300 (lønstrinn 62-73) stillingskode 1364 seniorrådgjevar. For særskild kvalifiserte kandidatar, kan ytterlegare løn vurderast
• spanande arbeidsplass med dyktige kollegaer, varierte og utfordrande arbeidsoppgåver, høve til å utvikle og påverke eige ansvarsområde og eigen kompetanseutvikling
• høve til å ta del i relevante interne og eksterne kompetansehevingstiltak
• trening i arbeidstida og tilgang til treningsrom
• fleksibel arbeidstid

Om seksjonen og stillinga

I stillinga vert du del av eit lag på to som arbeider med HR. Til stillinga ligg varierte og spanande oppgåver innan strategisk og operativt HR-arbeid, og du vil samhandle tett med HR, leiarar, kvalitets- og HMS-ansvarlege, tillitsvalde og verneombod i organisasjonen. Seksjon administrasjon- og verksemdsstyring har ansvar for å levere stabs-, støtte- og servicetenester til skuleleiinga, dei tilsette, elevar, kursdeltakarar og studentar. Seksjonen har ansvar for verksemdsstyring, økonomi, kurs- og studieadministrasjon, resepsjon, IKT, HR, kommunikasjon, kvalitet og HMS. Vi har eit breitt samansett fagmiljø med høg yrkesstoltheit og godt lagspel. Vi er vel 20 tilsette som samarbeider tett med våre kollegaer i seksjonen, på skulen, i DSB og med eksterne samarbeidspartnarar.

Om Brann- og redningsskulen

Brann- og redningsskulen utdannar personell til brann- og redningsvesen og naudmeldesentralar i Noreg. Vi tilbyr eit breitt utval av kurs og vidareutdanning for tilsette i brann- og redningstenesta. I 2024 opna vi ei toårig fagskuleutdanning i brann, redning og samfunnstryggleik og er no inne i ein svært spanande periode med ferdigstilling av eit helt nytt øvingsfelt, utvikling av kurstilbodet og klargjering til mottak av studentar på Fjelldal.

Brann- og redningsskulen utdannar landets brann- og redningspersonell. Skulen ligg på Fjelldal, mellom Harstad og Narvik, og tek imot 160 nye studentar og over 1 000 kursdeltakarar i året.

Saman skal vi bidra til at landets brann- og redningsvesen har mot til å tore, og kunnskap til å handle, når det verkeleg gjeld.

Les meir på: www.brsk.no

Om DSB

DSB (Direktoratet for samfunnstryggleik og beredskap) skal ha oversikt over risiko og sårbarheit i samfunnet. Vi er pådrivarar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 700 tilsette. DSB er underlagt Justis- og beredskapsdepartementet.

Om å jobbe i DSB

Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsprdningar. For å arbeida i DSB må du vera tryggleiksmessig skikka og medverke til ein god kultur for tryggleik.

Hos oss får du

• medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på www.spk.no
• fleksibel arbeidstid
• bedriftshelseteneste
• høve til å trene i arbeidstida
• tilrettelagt for mobilt kontor når det er føremålstenleg

I Arbeidsgivarportalen kan du lese meir om goda ved å jobbe i staten: https://arbeidsgiver.dfo.no/lonn-goder-og-reise

Offentleg søkjarliste

Det vil bli utarbeidd ei offentleg søkjarliste når søknadsfristen går ut. Opplysningar om søkjaren kan bli offentleggjorde sjølv om søkjaren har bede om ikkje å bli ført opp på søkjarlista, jf. offentlegheitslova §25.

Praktisk informasjon om søknadsprosessen

Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du viser både i søknadsbrevet og CV-en korleis kompetansen din oppfyller kvalifikasjonskrava som står i utlysinga. Det er viktig at du registrerer all relevant utdanning og erfaring i profilen du opprettar i rekrutteringssystemet. Dette gir ein strukturert CV og sikrar at vi har opplysningane vi treng. I tillegg ber vi om at du lastar opp både søknadsbrevet og CV-en som vedlegg i PDF-format. Vi tar imot søknader på begge målformar. DSB vil vurdere å gjennomføre bakgrunnssjekk før tilsetting. Interne søkjarar må sende inn søknaden i DFØ HR.

Ikkje nøl med å ta kontakt dersom du har spørsmål

Kontaktperson er rekrutterande leiar Veronika Solvang: e-post VERONIKA.SOLVANG@DSB.NO, telefon (Norge +47) 41466672.

Du finn meir informasjon om DSB på www.dsb.no. Velkomen som søkjar hos oss!