Vil du ta del i ei unik og spennande reise, og har peiling på HMS? Då må du sjå her!

Engebø Rutile and Garnet AS er eit selskap i vekst og vi riggar oss for oppstart av produksjon hausten 2024. Difor treng vår dyktige leiar for miljø og berekraft, Ylva Wård, fleire hjelpande hender. Dette er ei stilling som gir deg moglegheit for karriereutvikling, samt kort veg til alt Sunnfjord har å by på. 

Vi søker etter ein ESG Koordinator. ESG står for Environment, Social og Governance, og er ei samanslåing av HMSK, kommunikasjon og ytre miljøarbeid. Eit fagområde innan utvikling som bidrar på tvers av fleire fagområder.  

Ei slik stilling vil vere allsidig med variert arbeid både ute og inne, og vi skal arbeide saman som eit større team.

Arbeidsoppgåver og ansvarsområde vil i hovedsak vere:

• Fremme og bidra til ein positiv ESG kultur saman med leverandørar, kundar og medarbeidarar
• Delta i risikoanalyseprosessar
• Bidra til å identifisere ESG relatert risiko med oppfølging for å redusere fare for ytre miljø og helse, miljø og sikkerhet
• Følge opp etablerte ESG planar
• Bidra til erfaringsoverføring gjennom etablerte system og prosessar
• Avvikshandtering
• Rapportering knytta til ESG og TSM (Towards Sustainable Mining)

Ønska kvalifikasjonar:

• Utdanning eller kompetanse innan HMS relaterte fagområder
• Relevant erfaring kan kompensere for mangel på formell utdanning
• Praksis innanfor teknisk og industriell produksjon
• Kunnskap om kvalitetsleiing
• Erfaring med industrivern
• Gode kommunikasjonsferdigheiter på skandinavisk og engelsk, skriftleg og muntleg
• Førarkort for klasse B (Bil)

Spennande? Ja, då er det bare å hive seg rundt og sende inn ein enkel søknad. Om du er introvert eller ekstrovert spelar ingen rolle så lenge du har interesse for faget ditt, har lyst til å utvikle deg, og eit sterkt ønske om å bidra til forbetringar. Har du eit ønske om å ta del i dette unike mineraleventyret er det nettopp deg vi ser etter! 

Vi opptrer profesjonelt og er oppteken av å bygge eit trygt og solid arbeidsmiljø beståande av mangfald og god kultur. Vi skal vere av dei beste på å utvikle leiarane våre, og har fokus på balansen mellom jobb og fritid. 

Vi tilbyr ein unik moglegheit med rom for personleg og fagleg kompetanseutvikling. Ein jobbar tett på leiinga, med kort veg frå ide til avgjersle. Dette gir moglegheit for å påverke kva du ønsker å prioritere. 

Du vil ta del i eit rykande ferskt team, der alle startar med blanke ark. Vi er for tida ein gjeng på 28 tilsette frå 4 forskjellige kontinent med eit bredt spekter av bakgrunn og erfaring. Det er ei jamn fordeling mellom kvinner og menn i organisasjonen, noko vi tør påstå er unikt i vår bransje. Ettersom dette er den første gruva i Noreg på over 40 år, står vi alle på same "fjell", der dei færraste har direkte erfaring frå oppstart av gruvedrift. Fellesnemnaren er at vi alle er motiverte til å skape unike verdiar! 

Vi skal bli ei hjørnesteinsbedrift i Sunnfjord. Når det kjem til berekraft er vi allereie veldig gode, men vi gir oss ikkje før vi er aller best i klassen. Vi skal og vere heilt på toppen innan moderne systemløysingar for å skape ein oversiktleg og effektiv kvardag. 

Ikkje nøl med å kontakte oss dersom du har spørsmål til stillinga eller korleis det er å jobbe i Engebø Rutile and Garnet. Send gjerne ei henvending til vår "motsette referanse" Katarina, kontaktinfo finn du på engeboprosjektet.no/karriere. 

Arbeidsstad blir på Engebø i nytt og moderne administrasjonsbygg og produksjonshallar. 

Vurdering av aktuelle kandidatar, og innkalling til intervju vert gjort fortløpande, så det er ingen grunn til å vente med å søke. Vi ser fram til å høyre frå deg!