Er du vår nye kollega?

Tussa IKT

Tussa IKT AS er eit dotterselskap i Tussakonsernet, har om lag 95 tilsette og er eit av dei største IKT-miljøa på Nord-Vestlandet. Selskapet er lokalisert i Ørsta, Ålesund, Åndalsnes og Stryn. Tussa har arbeidd med datasenterteknologi i mange år, er ISO 27001-sertifisert og er Microsoft Gold Partnar.

Vi utvidar konsulentmiljøet vårt i Ålesund

Tussa IKT ser etter deg som er løysingsorientert, utadvendt og kundeorientert. Du må vere opptatt av å yte god kundeservice, jobbe strukturert og systematisk. I tillegg må du beherske norsk og engelsk både skriftleg og munnleg. Det må påreknast reiseverksemd ut til kunde i regionen.

Arbeidsoppgåver

• løysingsdesign til nye og eksisterande kundar
• planlegging og implementering av server og nettverksløysingar
• administrasjon, installasjon og feilsøking av nettverk
• andre utfordrande og varierte oppgåver hos, og for, kunde

Kvalifikasjonar

• relevant utdanning og god teknisk forståing
• erfaring med oppsett og konfigurasjon av brannmur og nettverksløysingar (Fortinet/Cisco)
• erfaring med oppsett og konfigurasjon av ei eller fleire av følgjande løysingar - vmware/HyperV/xenserver/SAN/Veeam/Windows server
• erfaring frå prosjektarbeid
• personlege eigenskapar vil verte vektlagt

Kandidaten må ha førarkort klasse B og disponere eigen bil.

Vi kan tilby

• interessante og utfordrande arbeidsoppgåver i eit selskap med høg aktivitet
• eit uformelt arbeidsmiljø som legg vekt på personleg utvikling, sjølvstende og trivsel
• kompetanseutvikling og sertifiseringar
• konkurransedyktig løn
• gode pensjons- og forsikringsordningar