Brenn du for eit berekraftig landbruk?

Rådgivar/seniorrådgivar - miljøutfordringar i landbruket

Om stillinga

Landbruksavdelinga hos Statsforvalteren i Rogaland har ansvar for at nasjonal politikk blir formidla og følgt opp i fylket.  Landbruksavdelinga skal bidra til å nå nasjonale landbrukspolitiske mål, der matsikkerheit, auka verdiskaping og berekraftig landbruk står sentralt. 

Brenn du for eit berekraftig landbruk? Har du kompetanse innan jord- og miljøfag, eller naturmangfald? Likar du samarbeid og prosjektarbeid? Då er kanskje DU vår nye kollega?

For det er i Rogaland det skjer! Vi er store på matproduksjon, av både frukt, grønsaker og animalske produkt. Dyktige bønder og ein stor leverandør- og foredlingsindustri, er grunnlaget for Matregion Rogaland. Parallelt med å produsere kvalitetsmat skal vi også arbeide for miljøverdiar, som reint vatn, naturmangfald og betre klima. Viktige tema som du, saman med landbruksnæringa, kommunar, ulike FoU-miljø og gode kollegaer skal arbeide med.

Vil du vere med på laget, og bli med i eit erfarent utviklingsteam?

Landbruksavdelinga har ledig ei fast stilling som rådgivar/seniorrådgivar - miljøutfordringar i landbruket. 

Arbeidsoppgåver

• bidra til å nå målet om eit meir berekraftig jordbruk
• følgje opp regionalt miljøprogram (RMP) og andre miljøordningar
• følgje opp miljøkrav i regelverk for jordbruksdrift, særleg gjødselvareregelverket
• følgje opp arbeidet med klimaomstilling i jordbruket
• igangsette og følgje opp faglege utgreiings- og samarbeidsoppgåver innan miljøfeltet
• gi fagleg støtte til kommunane
• delta i ulike fora eksternt og samarbeide med andre regionale etatar
• saksbehandle enkeltsaker
• samarbeide på tvers i embetet

Andre oppgåver kan vere aktuelle avhengig av behov, kvalifikasjonar og kompetanse

Kvalifikasjonskrav

Vi ønskjer oss ein dyktig medarbeidar som:

• har relevant utdanning helst på mastergradsnivå. Utdanning på lågare nivå kan kompenserast med relevant erfaring
• har kunnskap og erfaring frå landbruket, og og helst med miljøspørsmål i landbruket
• er flink til å kommunisere munnleg og skriftleg

Personlege eigenskapar:

• du har gode samarbeidsevner og god relasjonell kompetanse
• du kan arbeide sjølvstendig, ta initiativ, er løysningsorientert og har god gjennomføringsevne
• du er strukturert og nøyaktig i arbeidet ditt

Personlege eigenskapar blir vektlagt.

Du må vere førebudd på å måtte reise ein del i fylket, og delta i møte og arrangement utanom normal arbeidstid.

Det er 6 månaders prøvetid i stillinga.

Statsforvaltaren jobbar med mange sider av livet og samfunnet. Derfor meiner vi at inkludering og mangfald er ein styrke. Vi ønskjer medarbeidarar med ulik kompetanse, fagkombinasjonar, livserfaring og perspektiv for å sikre ei endå betre oppgåveløysing. Så langt som mogleg legg vi til rette for medarbeidarar som har behov for det. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, blir minst éin søkjar innkalla til intervju. For å bli vurdert som søkjar i desse gruppene, må søkjarane oppfylle visse krav og det må kryssast av i søknaden.

Vi tilbyr

• lønn som rådgivar, kr 570 000 - kr 680 000 pr år, lønn som seniorrådgivar kr 600 000 - 740 000 pr år, avhengig av kvalifikasjonar og erfaring. For særleg godt kvalifiserte kan høgare lønn vurderast
• fleksibel arbeidstid og statleg avtaleverk
• god pensjonsordning, gruppelivsforsikring og moglegheit for bustadlån gjennom Statens pensjonskasse (det blir trekt 2% pensjonsinnskot frå lønna)
• gode høve til fagleg utvikling og til å utvikle fagleg nettverk
• nødvendig opplæring og rom for kompetanseutvikling varierte, interessante og viktige oppgåver
• triveleg arbeidsmiljø i Statens Hus sentralt i Stavanger
• HjemJobbHjem-ordning

Spørsmål om stillinga

Du får nærare opplysningar hos landbruksdirektør Monica Dahlmo, mobil nr. 456 52 833, monica.dahlmo@statsforvalteren.no eller ass. direktør Anfinn Rosnes, mobil nr. 481 47 213, anfinn.rosnes@statsforvalteren.no