Bli vår neste økonomirådgivar!

Klepp kommune ønskjer deg som rådgivar i økonomiavdelinga. Er du ein real talknusar som kan nytta kunnskapen din analytisk inn mot organisasjonen vår, er du kanskje den me leitar etter? Stillinga vil ha overordna oppgåver og oppgåver som økonomirådgivar, for tida inn mot oppvekst og skular.

Økonomiavdelinga har 9 tilsette med ansvar for økonomi, rekneskap og innkjøp. Økonomirådgivarane er sentrale i arbeidet med handlings- og økonomiplan, økonomirapportering, analyse- og planarbeid, innføring og utvikling av nye system og arbeidsprosessar og økonomirådgiving til leiarar og andre tilsette i kommunen.

Klepp kommune har god økonomistyring og robust økonomi, og i tida framover forventar me vidare vekst og nye utfordringar. Det er gjort grep i struktur for skule og barnehagar, me arbeider med omstilling for å handtere eldrebølge og kommunen har mange store utbyggingsprosjekt.

Arbeidsoppgåver

• Oppfølging av budsjett og rådgiving innan ansvarsområdet ditt.
• Laga analysar og prognosar som organisasjonen etterspør eller på eige initiativ.
• Arbeid med ny finansieringsmodell for skulane.
• Arbeid med handlings- og økonomiplan og økonomirapporta.
• Bidra til overordna koordinering av prosessar.
• Viktig rolle i vidareutvikling av system for planar og rapportering.

Formelle kvalifikasjonar og personlege eigenskapar

• Vi treng deg med høgare utdanning som siviløkonom/master i økonomi eller tilsvarande.
• Det er ein fordel om du har erfaring inn mot fagfeltet som blir beskrive.
• Me vil vektleggja erfaring med offentleg sektor, gode digitale ferdigheiter og eit ønske om å bidra til auka digitaliserings- og forbetringsarbeid.
• Du må kunna snakka og skriva godt norsk.
• Du må kunna samarbeida godt med kollegaene dine og naturlege samarbeidspartnarar, samtidig som at du kan arbeida sjølvstendig, systematisk og nøyaktig.
• Du må vera løysings- og resultatorientert med fleksibilitet og endringsvilje.
• I tillegg treng me deg med gode analytiske evner som kan nytta faget i eit analytisk arbeid.
• Me søkjer deg som trivst med mange ballar i lufta, men høgt arbeidstempo og stramme fristar.

Me tilbyr

Me kan tilby ein arbeidsplass med gode, engasjerte og fagleg sterke kollegaer. Du vil kunna arbeida sjølvstendig og få stor fagleg utvikling og spanande utfordringar. Du får vera med på å skapa gode prosessar og løysingar.

Du får fleksitid og lønn etter avtale. Som kommunalt tilsett får du gode pensjons- og forsikringsordningar og andre personalgoder.

Me vil ha arbeidsstad i fine lokaler i Bedriftsvegen 4 på Øksnavad dei næraste tre åra, medan me skal byggja nytt rådhus. Det er nær toglinja viss du tek kollektiv transport og har god parkering.

Tilsetting skjer på dei vilkår og med dei plikter som kjem fram i utlysinga, og dei til ei kvar tid gjeldende lover og regler.