Er du vår nye kommunikasjonsrådgivar for internasjonale relasjonar?

Kommunikasjonsrådgivar - internasjonale relasjonar

Om stillinga og avdelinga

Vi søker en initiativrik kommunikasjonsrådgivar med erfaring frå internasjonale samarbeid. Vår nye medarbeidar skal løyse ei rekke oppgåver knytt til internasjonal aktivitet med særskilt ansvar for kommunikasjonsarbeid i Engage.Eu-alliansen (https://www.nhh.no/om-nhh/internasjonale-nettverk/engage.eu/). I tillegg vil du følge opp anna utviklingsarbeid ved NHH knytt til rankingar, akkrediteringar og samspel med nærings- og samfunnsliv.

Arbeidsoppgåvene er varierte. Vi ønsker derfor kommunikasjonsrådgivar som er god til å bygge relasjonar, har strategisk forståing og er operasjonell og initiativrik i det daglege arbeidet.

Stillinga som rådgivar for internasjonale relasjonar inngår i Avdeling for kommunikasjon og samfunnskontakt, som har 17 tilsette. Arbeidet med Engage.Eu utførast i tett samarbeid med koordinator for alliansen og resten av prosjektteamet.

Hovudoppgåver

• delta i internasjonale operative arbeidsgrupper som jobbar med kommunikasjon og effektmåling av aktivitetar i Engage.Eu, herunder publisering i ulike kanalar
• bidra i utvikling av partnarskap, alumniarbeid og næringslivsprogram i Engage.Eu
• synleggjere arbeidet i Engage.Eu i NHHs kanalar, internt og eksternt og sjølv bidra med innhald
• ta initiativ til tiltak som kan styrke vårt arbeid med rankingar og akkrediteringar
• koordinere internasjonale aktivitetar i vårt samspel med samfunns- og næringsliv

Du må regne med noko reising i stillinga, og over tid kan det bli endringar i arbeidsoppgåver.

Kvalifikasjonskrav

• utdanning på masternivå (relevant realkompetanse kan i unntakstilfelle erstatte utdanningskravet)
• minimum tre års relevant erfaring
• svært gode kunnskapar i norsk og engelsk, munnleg og skriftleg
• evne til å skrive redaksjonelle tekstar
• gode digitale ferdigheiter

Det er ein fordel med

• internasjonal erfaring i form av arbeids- og/eller studieopphald i utlandet
• erfaring med utviklingsarbeid

Personlege eigenskapar

• gode kommunikasjonsevner
• fleksibel og initiativrik relasjonsbyggar med gode samarbeidseigenskapar
• utviklingsorientert med evne til å kombinere strategisk forståing og operasjonelle handlingar
• strukturert, målretta og med høg gjennomføringsevne
• trivst med varierte utfordringar, høgt tempo og knappe fristar

NHH kan tilby

• varierte faglege utfordringar
• gode utviklingsmoglegheiter
• eit godt arbeidsmiljø
• fleksibel arbeidstidsordning
• gode forsikrings-, pensjons- og låneordningar i Statens pensjonskasse
• inkluderande arbeidsliv
• velferdsgode som subsidiert trening, bedriftshytte og gratis parkering

Stillinga har kode 1434 - rådgivar og er lønna etter lønnsregulativet til staten med kr 615 000 - 700 000 per år avhengig av kvalifikasjonar. For særleg kvalifiserte søkjarar kan høgare løn bli vurdert. Eit innskot på to prosent til Statens pensjonskasse blir trekt frå løna. I tillegg betalar NHH for tida 10 prosent i pensjonsinnskot.

Generell informasjon

NHH legg vekt på mangfald. Vi oppmodar derfor alle som er kvalifiserte om å søkje stillinga utan omsyn til kjønn, alder, funksjonshemming, kulturell bakgrunn og/eller hol i CV-en.

Vi gjer merksam på at opplysningar om søkjarar kan bli offentleggjorde sjølv om søkjaren har bede om å bli unnateken frå søkjarlista. Søkjarar vil bli informerte om dette på førehand.

Dersom du ønskjer meir informasjon om stillinga, kan du ta kontakt med seniorrådgivar  Sigrid Folkestad, Avdeling for kommunikasjon og samfunnskontakt. E: sigrid.folkestad@nhh.no. M: 915 76 892.