Lærar vikariat - 1 år

Knarvik vidaregåande skule ligg sentralt plassert i Knarvik. Skulen tilbyr utdanningsprogram for studiespesialisering samt påbygg. Innan yrkesfaga tilbyr vi fem utdanningsprogam i tett samarbeid med næringslivet i distriktet. Innan fire av desse har vi og 4-årig TAF utdanning, og vi tilbyr og tilrettelagt opplæring.

Skulen har 170 tilsette, og 900 elevar fordelt på to skulebygg.

Vår visjon er læring og vekst for alle, og i vårt utviklingsarbeid har vi spesiell fokus på trygt og godt skulemiljø for elevane våre.

Arbeidsoppgåver

Vi søkjer deg som vil vere vikar i 100% stilling i 1 år, for lærarar i permisjon. Oppstart så snart som mogleg.

Du blir ein del av fellesfag-avdelinga for humanistiske fag. På denne avdelinga er det 30 lærarar som underviser i norsk, engelsk, framandspråk og ulike samfunnsfag. Dei fleste er og kontaktlærarar.

Undervisninga vil foregå på ulike studieprogram, både på studiespesialiserande og på yrkesfag.

Vi treng deg med undervisningskompetanse i:

Norsk og historie (helst begge fag)

Om du i tillegg har samfunnskunnskap er det også ein fordel.

Vi ønskjer også at du kan vere kontaktlærar på studiespesialiserande.

Kvalifikasjonar (overskrift)

Søkjarar må ha relevant fagleg og pedagogisk kompetanse
Gode samarbeidsevner i profesjonelle læringsfellesskap
Godkjent politiattest

Du er dyktig på å bygge gode relasjonar til elevane, og ein trygg klasseleiar
Du er opptatt av å skape eit trygt og godt miljø for alle våre elevar
Du har eit stort engasjement for ungdom
Du likar å samarbeide
Du har godt kompetanse innan bruk av digitale vertkøy, vi nyttar mykje digitale læreverk og hjelpemiddel ved skulen.
Personleg egnethet er viktig

Eit aktivt og godt fagmiljø
Nært samarbeid med gode kollegaer
God delingskultur
Løn og lønsutvikling i tråd med Vestland Fylkeskommune sin lønspolitikk

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg. Lokalsamfunna er ramma for gode kvardagsliv som gjev like mogelegheiter til å delta i verdiskaping i heile Vestland. Fylkestinget er øvste politiske organ i fylkeskommunen.