Seksjonsleiar

Sjukehusapoteka Vest HF er eit av fem sjølvstendige helseføretak eigd av Helse Vest RHF. Sjukehusapoteka er del av spesialisthelsetenesta og skal sørgje for at sjukehus og pasientar i Vestland og Rogaland vert sikra legemiddel og høg farmasøytisk kompetanse og tenester.Vår ambisjon er å vera fagleg i front, nasjonalt og internasjonalt i sikker og framtidsretta legemiddelforsyning.

Som eit av fem sjukehusapotek i vest er Sjukehusapoteket i Bergen (SiB) eit av deistørste apoteka i landet med omlag 135 medarbeidarar. Vi har fire avdelingar; Publikum, Sjukehusekspedisjon, Avdeling for farmasøytiske tenester og Produksjon.Sjukehusapoteket i Bergen har den siste tida gått gjennom ein omfattande endringsprosess.

Produksjonsavdelinga er delt mellom seksjon cytostatika (CYT) og steril/ikkje steril produksjon (SIP). Vi produserer cytostatikakurar til pasientar i Helse Bergen og sterile produkt som total parenteral ernæring (TPN), smerteblandingar og andre aseptisk framstilte legemiddel. Samtidig produserer vi ikkje-sterile legemiddel som miksturar, kapslar og dosepulver.I åra somkjem forventar me vekst i produksjonen, særleg innan områda cytostatika og tilsetjingsprodukt.

For åsikre at denne veksten ivaretar høg kvalitet søkjer vi no etter toseksjonsleiarar til produksjonsavdelinga, med oppstart så snart som mogleg.

Arbeidsoppgåver

• Ansvar for den daglege drifta av seksjonen innan avtalt ansvarsområde, herunder ansvar for:
  • Dagleg planlegging av drifta og oppfølging av medarbeidarane ved seksjonen
  • Sikre gjennomføring av opplæringsplan og kompetanseutvikling
• Personalansvar for alle tilsette i eigen seksjon
• Lage arbeidsplanar i bemanningssystemet (GAT)
• Bidra med å utarbeide årlege mål, handlingsplanar og budsjett/ prognose for eiga eining
• Bidra i budsjettprosessen / økonomistyringa med nødvendig informasjon frå seksjonen
• Bidra til at relevante arbeidsprosessar i kvalitetssystemet (SAVvy) blir sett i verk og blir etterlevd i seksjonen
• Saksbehandle avvik, setja i verk tiltak og sjå til at dei blir lukka i samarbeid med næraste leiar
• Bidra ved rapportering av relevante nøkkeltal innan eige ansvarsområde
• Bidra til kvalitativt gode rekrutteringsprosessar og at alle går gjennom introduksjonsprogram for nytilsette
• Bidra til opplæring av medarbeidarane, både i samsvar med dagleg drift og planleggja dagane på ein slik måte at dei får sett av nok tid til kompetanseutvikling
• Bidra til godt HMS-arbeid ved avdelinga
• Bidra ved etablering og oppfølging av handlingsplanar for Ytre miljø
• Stedfortreder for avdelingsleiar PRO (etter avtale) og inngå i den utvida leiargruppa ved Sjukehusapoteket i Bergen (SIB)
• Innhaldet i stillinga kan bli endra ihht. utvikling av apoteket og samfunnet elles

Kvalifikasjonar

• Norsk autorisasjon som farmasøyt
• 3-5 års erfaring innan fagfeltet produksjon
• Leiarerfaring
• Gode norskkunnskapar, skriftleg og munnleg
• Gode IKT-kunnskapar

Personlege eigenskapar

• Vi søkjer ein tydeleg, handlekraftig og involverande leiar som er opptatt av relasjonsbygging og har evne til å inspirera og motivera, lytta og skapa tillit
• Vi ynskjer at du er løysingsorientert, utviklingsorientert og målretta, og skapar meistringsklima i avdelinga
• Du identifiserer deg med våre verdiar; respekt, tryggleik og kvalitet
• Du er god til å samhandle med andre, og du har ein open og inkluderande leiarstil
• Det vil bli lagt vekt på å vera personleg eigna for stillinga

Vi tilbyr

• Stilling i eit stort og inspirerande farmasifagleg miljø med fokus på kvalitet og kompetanse
• Høve til fagleg og personleg utvikling
• Kjekke kollegar og godt arbeidsmiljø
• Naudsynt opplæring
• Løn i henhold til avtale

Ver venleg å laste opp attestar, vitnemål og eventuell anna relevant dokumentasjon i søknaden.

Mangfoldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Sjukehusapoteka Vest (SAV) er eit helseføretak i Helse Vest med om lag 300 tilsette som leverer legemiddel, apotekvarer og farmasifaglege tenester til spesialisthelsetenesta på Vestlandet. Omsetning er på vel 1,5 milliardar kroner. Føretaket har administrasjon i Bergen, og driv fem sjukehusapotek i Førde, Bergen, Haugesund og Stavanger. Sjukehusapoteka Vest satsar på nye teknologiske løysingar og på tenester som bidreg til auka pasienttryggleik, betra kvalitet og meir effektive tenester i sjukehusa.

Sjukehusapoteka Vest HF skal så langt råd er avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. 

Sjå nettsida vår for meir informasjon www.sjukehusapoteka-vest.no