Vi søkjer etter deg med engasjement for fagfeltet psykisk helse og rus!

Sjukepleiar/vernepleiar - 100 % fast

Om stillinga

Tenesta psykisk helse og rus i Alver kommune utvidar tilboda sine og vi er derfor i behov for fleire nye medarbeidara.

Tenesta har tre avdelingar som gir heildøgnstenester og ei avdeling som gir tenester på dagtid. Vi har nå ledig tre stillingar i avdeling heimebuande - tilbod på dagtid. Denne avdelinga gir tenester i heile kommunen. Avdelinga er delt i tre team - Tidleg innsats og livsmeistring, Oppfølgingsteam Psykisk helse og Oppfølgingsteam Rus og avhengigheit. Avdelinga gjev i hovudsak tilbod på dagtid, men ettermiddag/ kveld må påreknast.

Vi søkjar no etter deg som er motivert og engasjert sjukepleiar eller vernepleiar til 100 % fast stilling.

Arbeidsoppgåver

• Individuell oppfølging av brukarar gjennom kartlegging av ressursar og behov, støtte- og motivasjonssamtaler
• Leggje til rette for aktivitet og for at brukar skal kunne meistre eigen kvardag
• Medisinoppfølging/ LAR
• Delta i gruppetilbod og aktivitetstilbod
• Delta i kvalitetsutviklinga av tenesta, og bidra til at målsettingar innan tenesta vert nådd
• Tverrfagleg samarbeid med interne og eksterne samarbeidspartar om eit heilskapleg tenestetilbod
• Bidra fagleg gjennom rettleiing, undervisning, utviklingsarbeid og teamarbeid
• Koordinere ansvarsgrupper og individuell plan

Om avdelinga

Hovudoppgåva for tenesta er psykisk helse og rusarbeid til unge og vaksne som har, eller er i ferd med å utvikle psykisk liding og/eller rusproblem. Tilbodet vert gitt som individuell oppfølging, gruppetilbod og arbeids- og aktivitetstilbod.

Vi har ein recoveryorientert tankegang og tilnærminga vår er at menneske kan leve meiningsfulle og tilfredsstillande liv, på tross av psykiske helse og rusutfordringar.

Vi er ei avdeling med god tverrfagleg kompetanse, og ønskjer å vidareutvikle dette ytterlegare. 

Kvalifikasjonskrav

• 3 årig helseutdanning - sjukepleier/vernepleier
• Helsefagarbeidarar m/ relevant vidareutdanning og minimum 5 års arbeidserfaring frå rus og psykisk helsearbeid kan bli vurdert til stillinga dersom vi ikkje får nok søkjarar som er utdanna sjukepleiar/ vernepleiar
• Vidareutdanning innan rus, psykisk helse eller anna relevant vidareutdanning er ein fordel
• Personar med påbegynt vidareutdanning innan relevant tema kan og søkje
• Arbeidserfaring frå rus- og psykisk helsearbeid minimum 3 år
• Sertifikat kl. B

Kven er du?

Vi søkjer etter deg som:

 

• har erfaring, interesse og engasjement for arbeid innan fagfeltet
• er god på kommunikasjon, samarbeid og samhandling
• har evne til å engasjere og inspirere menneske rundt deg
• er glad i å jobbe i team, samt trivst med sjølvstendig arbeid
• er tolmodig og god til å motivere andre
• har evne til å sjå ressursar hjå den einskilde
• er opptatt av å legge til rette for brukarmedverknad
• er fleksibel og har evne til å sjå moglegheiter og tenkje løysingar, samt til å prioritere i daglege oppgåver

Personlege eigenskapar og evne til samarbeid vil bli vektlagt i stor grad

Politiattest

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede.

Vi tilbyr

• Medverknad i utvikling av tenestene innan området psykisk helse og rus
• Teamarbeid i eit fagleg engasjerande, utfordrande og godt arbeidsmiljø.
• Rettleiing
• Løn og tilsetjingsvilkår i samsvar med lov- og avtaleverk

Tenesteområde psykisk helse og rus gjev tenester i heile Alver kommune. Tenesta har som mål å sikre likeverdige tenester utifrå den einskilde brukars individuelle behov. Hovudoppgåva er psykisk helsearbeid til unge og vaksne, som har eller er i ferd med å utvikle psykisk liding og/eller rusliding.
Tilbodet vert gitt som individuell oppfylging, gruppetilbod, heildøgnsbemanna butilbod og ulike arbeid- og aktivitetstilbod. Tenesta har fleire lågterskeltilbod. Brukarmedverknad, meistring og recoverybaserte metodar er viktige rettesnorer i vårt arbeid.