Psykolog/psykologspesialist

Førde BUP er ein av poliklinikkane i PBU (psykisk helsevern for barn og unge).Førde BUP dekker ei barnebefolkning på om lag 12 200 fordelt på 8 kommunar. Vi har spesialistar i alle profesjonar og dei fleste fagstillingar, mange med lang fartstid og erfaring innan feltet. Vi held eit godt fagleg nivå og har oppdatert kunnskap og behandlingskompetanse.

Poliklinikken er lokalisert i Dagabygget, og er ein del av eit stort fagmiljø innan psykisk helsevern.

Vi har ledig to faste stillingar som psykolog / psykologspesialist.

Arbeidsoppgåver

• Utgreie, diagnostisere og behandle psykiske lidingar hos barn og unge
• Samarbeide med førstelina og andre i spesialisthelsetenesta om eit heilskapleg helsetilbod
• Deltaking i interne og eksterne møter, undervising, fagutvikling, rettleiing og anna organisatorisk arbeid

Kvalifikasjonar

• Psykologspesialist/psykolog med norsk autorisasjon i klinisk psykologi
• God fagleg vurderingsevne
• God norsk skriftleg og munnleg framstillngsevne
• Erfaring med arbeid i barne- og ungdomspsykiatri vert vektlagt

Personlege eigenskapar

• Gode evner til å møte barn, unge og foreldre slik at dei opplever seg sett og forstått
• Gode evner til å samarbeide med andre fagpersonar på ein likeverdig og respektfull måte
• Fagleg interesse og tydeleg engasjement, med ønske om å vere med og utvikle behandlingstilbodet vidare
• Gode evner til å arbeide strukturert og målretta, og har høg arbeidskapasitet
• Trivast i eit aktivt miljø og tverrfagleg team

Vi tilbyr

• Lønn i samsvar med gjeldande overeinskomst
• Gode pensjons- og forsikringsordningar
• Eit godt og ivaretakande arbeidsmiljø
• Varierte og utfordrande arbeidsoppgåver
• Det vert lagt til rette for spesialiseringsløp

Mangfoldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 000 tilsette og eit budsjett på over 3,2 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Helse Vest skal så langt som råd avspegle mangfaldet i befolkninga. Vi ønskjer å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.