Vil du arbeide for SV i Nordland?

Fylkessekretæren vår skal ha permisjon, og vi søkjer etter vikar for ho frå over nyttår.

Vil du bidra til å bygge lokale SV-lag og førebu Nordland SV på komande stortingsvalkamp? Ønskjer du å arbeide for at SV skal få gjennomslag for politikken sin for miljø og rettferdig fordeling? Har du erfaring frå organisasjonsarbeid? Då er du kanskje personen vi leiter etter!

Sentrale oppgåver

Den overordna oppgåva er administrativ drift av Nordland SV. Fylkessekretæren er sekretær for fylkesstyret, hjelper fylkespartiet og fylkestingsgruppa politisk og organisatorisk, og har oppgåver knytt til den daglege drifta av fylkeslaget. Dette er ei stilling som byr på varierte arbeidsoppgåver, der arbeidsutvalet i fylkesstyret bidreg med prioritering av arbeidsoppgåver gjennom året:

• Planlegge og gjennomføre skolering av medlemmer og lokallag, arrangere kurs og seminar, inkludert årsmøte for fylkeslaget. Dette vil medføre noko reiseverksemd.
• Oppfølging og kommunikasjon med lokallag og medlemmer
• Kontakt med Sosialistisk Ungdom og bindeledd mellom fylkeslaget og SV sentralt.
• Vedlikehald av medlemslister, adresselister og nettsider for fylkespartiet
• Innhaldsproduksjon til sosiale og tradisjonelle medium
• Følge opp initiativ til politiske utspel
• Interne og offentlege rapporteringar
• Budsjettoppfølging

Kven er du?

Vi søkjer ein strukturert og dyktig person med engasjement for SV sitt politiske prosjekt. Vikariatet byr på varierte arbeidsoppgåver, og du må vere innstilt på å gjennomføre alt frå rutineoppgåver til å bidra i den strategiske og politiske utviklinga av SV sin partiorganisasjon. Det vil vere noko reiseverksemd knytt til oppfølging av lokallaga og fylkestingsarbeidet.

Du må ha gode samarbeidsevner, men samtidig stor evne til å arbeide sjølvstendig. Administrativ erfaring og erfaring frå organisasjonsarbeid er ein føresetnad. Du må også ha erfaring med bruk av digitale verktøy og sosiale medium, og gjerne foto/grafisk kompetanse. Personlege eigenskapar vil bli vektlagt.

Formålet med stillinga er å fremje det politiske synet til partiet og fylkeslaget. Den som blir tilsett i vikariatet må kunne knyte til seg hovudtrekka i SV sitt politiske prosjekt og program.

Det er eit personalpolitisk mål å oppnå ei balansert kjønnssamansetning, og å rekruttere personar med minoritetsbakgrunn.

Vi tilbyr

Eit 100% vikariat til 1. mars 2025. Vi kan tilby kontorplass på SV-kontoret i Bodø, men er opne for at fylkessekretæren kan arbeide frå ein annan stad i Nordland. Opplæring vil uansett skje i Bodø.

Du må rekne med noko kvelds- og helgearbeid i samband med reiser, møte og seminar, men vi har avtale om fleksibel arbeidstid med gode moglegheiter for avspasering.

Stillinga blir løna i tråd med Landsoverenskomsten mellom Arbeiderbevegelsens Arbeidsgiverforening og Handel og Kontor, og etter SV sine lokale lønnspolitikk. Lønnsspennet for stillinga er kr 490.353-659.834, med individuell fastsetjing av løn etter kompetanse og erfaring.

SV sentralt har arbeidsgjevaransvar for fylkessekretæren, medan fylkesstyret har arbeidsleiaransvar.

Oppstart: Så snart som råd.

Om søknaden frå deg

Alle søknadar må sendast inn gjennom søknadsportal på finn.no. For å bli vurdert som søkjar må du laste opp både søknadsbrev og CV her. Attestar og vitnemål blir først etterspurt ved eit eventuelt intervju.